NLD ꓗꓴꓷꓼ ꓙꓵꓽ ꓜꓴ ꓦꓬꓼ ꓠꓬꓲ ꓗꓪ ꓗꓴꓷꓼ ꓒꓴ ꓞꓳꓽ ꓦꓲ ꓚꓰꓺ ꓢꓽ ꓡ ꓙꓵꓽ 2 ꓣꓳ ꓕꓲ ꓣꓳ ꓐꓳ-ꓐꓳ-ꓥꓯꓽ ꓔꓯ ꓟꓯꓼ ꓗꓳ-ꓢꓰ ꓠꓰ ꓠꓯ-ꓑꓲ-ꓓꓳ꓾ ꓒ-ꓬꓹ-ꓗꓳꓸ ꓑꓳꓡꓲꓚꓰ ꓦꓲ ꓗꓪ ꓐꓯ ꓟꓴ ꓗꓳꓹ ꓩꓴ ꓩꓴ ꓡ ꓡꓳ꓿
ꓣꓴ ꓡꓴꓽ ꓔꓸ ꓟ 1 ꓘꓳꓼ ꓙ ꓙꓰ ꓕꓯꓽ ꓢꓲꓸ 2022 ꓘꓳꓼ 5 ꓦ 10 ꓠꓬꓲ ꓕꓯꓽ ꓑꓳꓡꓲꓚꓰ ꓔꓯ ꓫꓵꓽ ꓪꓴ ꓬꓲꓸ ꓪꓴꓸ ꓒꓴ ꓐꓯ ꓟꓸ ꓩꓴ ꓡ ꓡꓳ꓿
ꓬꓲꓸ ꓙꓵꓽ ꓪ ꓙꓳ ꓟ ꓦꓬꓼ ꓠꓬꓲ ꓗꓪ ꓒꓴ ꓞꓳꓽ ꓦꓲ ꓚꓰꓺ ꓗꓪ ꓬꓲꓸ ꓫꓴꓸ ꓟꓽ ꓖꓼ ꓪꓻꓳ ꓫꓵꓽ꓾ ꓢꓰ-ꓖꓶ-ꓑꓳ ꓒꓴ ꓞꓳꓽ ꓦꓲ ꓗꓪ ꓫꓺ ꓔꓸ ꓠꓬꓲ ꓬꓲꓸ ꓐꓵꓽ ꓮ ꓘꓶꓸ ꓟꓽ ꓪꓻꓳ ꓫꓵꓽ ꓬꓲꓸ ꓑꓶꓸ ꓖꓴ ꓔꓸ ꓡꓳ꓿
ꓐꓳ-ꓐꓳ-ꓥꓯ ꓠꓬ ꓒꓴ ꓞꓳꓽ ꓦꓲ ꓔꓯ ꓟꓳꓸ ꓟꓬꓱ ꓓꓳꓽ ꓙꓳˍ ꓟ ꓢꓷꓸ ꓠꓲꓹ ꓙꓳ ꓒꓽ ꓕꓲ ꓣꓳ ꓥ ꓢꓲ꓾ ꓬꓲꓸ ꓦꓬꓼ ꓠꓬꓲ ꓗꓪ ꓟꓬ-ꓟ ꓗꓴꓷꓼ ꓒꓴ ꓞꓳꓽ ꓦꓲ ꓠꓬ ꓮ ꓗꓪ ꓛꓲ ꓛꓲ ꓝꓸ ꓙꓲ ꓠꓹ ꓟ ꓙ ꓖꓴ ꓝꓰꓸ ꓓꓳ ꓡꓰˍ ꓟ ꓥ ꓡꓳ꓿
ꓬꓲꓸ ꓡꓰ ꓙꓲˍ ꓟ ꓚꓱꓹ ꓝꓰꓸ ꓔꓸ ꓟ ꓮ ꓙꓵꓽ 1 ꓘꓳꓼ ꓘꓴꓽ ꓗꓪ ꓡꓯꓽ ꓟꓰꓹ ꓡꓽ ꓙꓰ ꓖꓴ ꓢꓲ꓾ ꓟꓬ-ꓟ ꓑ ꓫꓬ ꓐꓴ ꓠꓬ ꓚꓲꓸ ꓛꓬ ꓒꓴ ꓕꓵꓼ ꓟꓽ ꓙꓲ ꓬꓰˍ ꓟ꓾ ꓒꓴ ꓒꓵꓽ ꓕꓲꓽ ꓐꓶ ꓛꓲ ꓞꓰ ꓡꓰˍ ꓟ ꓔꓳꓹ ꓜꓳꓽ ꓔꓬ ꓡꓳ꓿
