NATO ꓜꓴ ꓗꓪ ꓬꓴ-ꓗ-ꓣꓲꓸ ꓗꓴꓷꓼ ꓓꓵꓽ ꓪ ꓚꓱꓹ ꓟꓽ ꓢꓯꓼ ꓕꓵꓼ ꓗꓹꓳ ꓐꓰ ꓬꓴ-ꓗ-ꓣꓲꓸ ꓗꓴꓷꓼ ꓙꓵꓽ ꓢꓴ ꓜ-ꓡꓯ-ꓢꓲ-ꓗꓲꓸ ꓡꓰ ABC ꓓꓳꓽ ꓗꓪ ꓫꓸ ꓕꓱ ꓩꓴ ꓡ ꓡꓳ꓿
ꓮ ꓟꓶ 30 ꓗꓴꓷꓼ ꓔꓺ ꓔꓬ ꓟ ꓜꓴ ꓠꓮꓔꓳ-The North Atlantic Treaty Organization ꓔꓯ 1949 ꓘꓳꓼ ꓕꓯꓽ ꓪꓴꓸ ꓔꓴ ꓔꓸ ꓟ ꓥ ꓢꓲ꓾ ꓮ ꓡꓲ ꓕꓲ ꓗꓴꓷꓼ ꓗꓪ ꓟꓯꓼ ꓘꓶꓽ ꓙꓳ ꓡ ꓠꓬ ꓬꓰ ꓙ ꓡꓯ ꓘꓳ ꓠꓹ ꓟ ꓙ ꓟꓳ ꓔꓸ ꓟ ꓗꓴꓷꓼ ꓜꓴ ꓥ ꓡꓳ꓿
“ꓬꓲꓸ ꓪ ꓟꓽ ꓬꓰ ꓙ ꓐ ꓡ ꓟ ꓗꓪ ꓟꓽ ꓓ ꓟꓽ ꓢ ꓟꓽ ꓢꓯꓼ ꓕꓵꓼ ꓗꓹ ꓪ꓿ NATO ꓜꓴ ꓗꓪ ꓓꓵꓽ ꓪ ꓠꓹ ꓟ ꓛꓲ ꓝꓲꓸ ꓖꓶꓽ ꓢꓲꓸ ꓓꓰꓽ ꓔꓬˍ ꓟ ꓗꓴꓷꓼ ꓕꓲ ꓗꓴꓷꓼ ꓧꓳꓽ ꓢꓴ ꓬꓰ ꓠꓲꓹ ꓟꓽ ꓫꓵꓳ” ꓐꓰ ꓫꓸ ꓕꓱˍ ꓡꓳ꓿
ꓝꓮꓲ ꓬꓴ-ꓗ-ꓣꓲꓸ ꓗꓪ ꓐꓰ ꓧꓹ ꓓꓳ ꓙꓰ ꓠꓲꓹ ꓫꓵˍ ꓟ ꓟꓵꓽ ꓫꓴ ꓠꓬꓲꓽ ꓟ ꓔꓯ ꓟꓳꓸ ꓥ ꓟꓲ ꓖꓪ ꓙꓱ ꓡꓯ ꓘꓳ ꓠꓲꓹ ꓫꓵˍ ꓡꓳ꓾ ꓐꓰ ꓕꓱ ꓩꓴ ꓡ ꓡꓳ꓿
“ꓟꓵꓽ 2 ꓟꓵꓽ ꓔꓯ ꓕꓲ ꓟꓲ ꓠꓯ ꓗꓪ ꓐꓰ ꓣ-ꓫꓸ ꓟꓽ ꓥ ꓠꓬ ꓠꓱꓸ ꓐꓯꓼ ꓔꓳꓹ ꓙ ꓢꓴ ꓗꓴꓷꓼ ꓟꓽ ꓙꓳ ꓢꓰꓽ꓿ ꓖꓳ ꓗꓪ ꓔꓬ ꓟ ꓑ ꓫꓬ ꓐꓴ ꓗꓪ ꓐꓰ ꓬꓴ-ꓗ-ꓣꓲꓸ ꓗꓴꓷꓼ ꓡ ꓞꓳ ꓬꓰ ꓠꓲꓹ ꓫꓵ ꓢꓴ ꓐꓴ ꓐꓱ ꓶ ꓮ ꓡꓲ ꓬꓰ ꓖꓶ ꓠꓹ ꓟ ꓢꓪꓼ ꓠꓬꓲ꓿ ꓢ ꓢꓹ ꓠꓬ ꓟꓽ ꓥ” ꓐꓰ ꓐꓯ ꓡꓳ꓿
ꓬꓲ ꓚꓰ꓾ ꓮꓝꓑ
