Myanmar Red Cross Society ꓘꓳꓼ ꓚꓳ ꓡꓳ ꓓꓵꓽ ꓙ ꓖꓪꓽ ꓠꓬꓲ ꓜꓲꓼ ꓓꓴ ꓔꓯ ꓗ-ꓛꓲ ꓟꓵꓽ꓾ ꓑꓴ-ꓔ-ꓳ꓾ Htawanrazi Inn ꓗꓪ ꓬꓰ ꓔꓬ ꓡꓳ꓿
ꓜꓲꓼ ꓓꓴ ꓠꓬ 12 ꓦ 23-24 ꓠꓬꓲꓽ ꓠꓬꓲ ꓬꓰ ꓠꓹ ꓟ ꓥ ꓢꓲ꓾ ꓜꓲꓼ ꓓꓴ ꓖꓲ ꓟ ꓗꓪ ꓜꓴ ꓢꓽ ꓡ ꓙꓵꓽ ꓠꓬꓲꓽ ꓣꓳ ꓕꓲ ꓣꓳ ꓓꓳ-ꓔ ꓮ-ꓟ-ꓬ-ꓟꓳ-ꓠꓮꓲ ꓜꓲꓼ ꓔꓬ ꓡꓳ꓿
ꓜꓴ ꓕꓱ ꓟ ꓠꓬ ꓠꓻ ꓢꓴ ꓒꓬꓽ ꓢꓴ ꓔꓯ ꓬꓰ ꓙ ꓟ ꓜꓴ ꓥ ꓢꓲ꓾ ꓜꓴ ꓕꓱ ꓟ ꓕꓲ ꓘꓳꓼ ꓡꓱꓸꓼ ꓗꓪ ꓬꓰ ꓓꓳ ꓡꓰ ꓟ ꓟꓬꓱꓽ ꓔꓯ ꓟꓳꓸ ꓓꓵꓽ ꓙ ꓖꓪꓽ ꓠꓬꓲˍ ꓟ (Evaluation) ꓜꓲꓽ ꓓꓴ ꓬꓰ ꓔꓬ ꓟ ꓥ ꓡꓳ ꓐꓯ ꓡꓳ꓿
ꓕꓱ ꓕꓲ ꓝꓲꓸ ꓑꓴ-ꓔ-ꓳ ꓗꓪ ꓗꓳ-ꓪꓰꓼ ꓠꓻ ꓔꓬ ꓥ ꓟꓲ꓾ ꓟꓯꓼ ꓘꓶꓽ ꓢꓴ ꓓꓴ ꓙꓴꓽ ꓓꓴ ꓮ ꓘꓶꓸ ꓟꓽ ꓙꓳˍ ꓢꓰꓽ ꓠꓬꓲ ꓜꓲꓼ ꓓꓴ ꓬꓲ ꓫꓵ ꓬꓲ ꓙꓰ ꓬꓰ ꓔꓬ ꓟ ꓥ ꓡꓳ ꓐꓰ ꓐꓯ ꓡꓳ꓿
ꓬꓲ ꓚꓰ꓾ ꓟꓣꓚꓢ
