Move Forward ꓑ-ꓔꓲ ꓧꓳꓽ ꓢꓴ ꓑꓲ-ꓔ ꓕꓮꓲ ꓗꓴꓷꓼ ꓜꓲꓼ ꓓꓴ ꓗꓪ ꓡꓽ ꓛꓲ ꓡꓻꓳ

2024 ꓘꓳꓼ 1 ꓦ 25 ꓠꓬꓲ ꓕꓯ Move Forward ꓑ-ꓔꓲ ꓧꓳꓽ ꓢꓴ ꓑꓲ-ꓔ ꓠꓬ ꓕꓮꓲ ꓑ ꓫꓬ ꓝꓲ ꓓꓴ ꓐꓴ ꓜꓲꓼ ꓓꓴ (parliament) ꓗꓪ ꓡꓽ ꓛꓲ ꓡ ꓡꓳ꓿

“ꓕꓮꓲꓹ ꓗꓴꓷꓼ ꓜꓲꓼ ꓓꓴ ꓔꓯ ꓢꓲꓼ ꓙꓬ ꓙꓬ ꓗ ꓬꓰꓳ” ꓐꓰ ꓬꓲꓸ ꓡꓽ ꓛꓲ ꓡ ꓕꓯ ꓐꓯˍ ꓡꓳ꓿

Move Forward ꓑ-ꓔꓲ
ꓧꓳꓽ ꓢꓴ ꓑꓲ-ꓔ

ꓬꓲꓸ ꓠꓬ 2023 ꓘꓳꓼ ꓕꓮꓲꓹ ꓗꓴꓷꓼ ꓝꓲ ꓓꓴ ꓢꓲꓻ ꓡꓯ ꓘꓳ ꓗꓪ ꓧꓪꓸ ꓡꓰ ꓢꓲꓸ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓬꓰ ꓠꓹ ꓟ ꓟꓳꓸ ꓙ ꓔꓸ ꓥ ꓟꓲ꓾ ꓘꓶꓻ ꓡꓶꓽ ꓢꓴ ꓐꓴ ꓡꓰ ꓑ ꓫꓬ ꓝꓲ ꓓꓴ ꓢꓲꓻ ꓣꓴ ꓚꓱꓹ ꓙꓵꓽ ꓗ ꓟꓽ ꓛꓳ ꓛꓳ ꓶ ꓡꓯꓼ ꓬꓰ ꓥ ꓐꓯ ꓢꓲꓸ ꓐꓯ ꓟꓴ ꓩꓴ ꓡ ꓠꓬꓲ ꓑ ꓫꓬ ꓝꓲ ꓓꓴ ꓟꓬꓱꓽ ꓗꓪ ꓐꓰ ꓕꓲ ꓑꓹ ꓠꓽ ꓔꓸ ꓠ ꓗ ꓬꓰ ꓢꓴ ꓥ ꓡꓳ꓿

ꓖꓳ ꓡꓱ ꓐꓯ ꓟꓴ ꓩꓴ ꓡꓯ ꓘꓳ ꓗꓷ ꓠꓬ ꓬꓲꓸ ꓝꓴꓲꓸ ꓟꓽ ꓙꓳ ꓟ ꓡꓳꓸ ꓓꓳ ꓡ ꓢꓲꓸ ꓮ ꓟꓶ ꓕꓮꓲꓹ ꓗꓴꓷꓼ ꓑ ꓫꓬ ꓝꓲ ꓓꓴ ꓜꓲꓼ ꓓꓴ ꓓꓽ ꓟ ꓗꓪ ꓡꓽ ꓛꓲ ꓡ ꓥ ꓡꓳ꓿

“ꓑ ꓫꓬ ꓙꓵꓽ ꓚꓱꓹ (democracy) ꓔꓯ ꓠꓲꓹ ꓫꓵ ꓟ ꓕꓮꓲꓹ ꓗꓴꓷꓼ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓕꓮꓲꓹ ꓟꓯꓼ ꓒꓽ ꓠꓰ ꓜꓯꓻ ꓔꓸ ꓟ ꓗꓴꓷꓼ ꓜꓲꓼ ꓓꓴ (parliament) ꓔꓯ ꓦ ꓡꓱ ꓐꓳ ꓔꓬ ꓢꓰꓽ ꓐꓶ꓿” ꓐꓰ ꓙꓽ ꓘꓶꓽ ꓢꓴ ꓙꓳ ꓡꓳ꓿

Leave a Reply

Your email address will not be published. Required fields are marked *

%d