METRO Wholesale Myanmar ꓠꓬ ꓡ ꓠꓹ ꓟ 10 ꓦ ꓗꓪ ꓐꓰ ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓟꓬꓱꓽ ꓬꓰ ꓚꓱꓹ ꓮ ꓙꓵꓽ ꓠꓽ ꓩꓴ ꓗꓷ ꓥꓳ ꓐꓰ꓾ ꓠꓬꓲꓸ ꓠꓬꓲ 2021 ꓘꓳꓼ 9 ꓦ 1 ꓠꓬꓲ ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
METRO Wholesale Myanmar ꓟꓬ-ꓟ ꓗꓴꓷꓼ ꓗꓪ 2019 ꓘꓳꓼ 3 ꓦ ꓕꓯ ꓓꓵꓽ ꓡ ꓟ ꓙ-ꓟꓶ-ꓠꓰ ꓶ ꓡꓯꓼ ꓜꓴ ꓥ ꓢꓲ꓾ ꓬꓲꓸ ꓪꓴꓸ ꓕꓯ ꓴꓢꓮ ꓓꓳ-ꓡ 20 ꓢꓯꓹ ꓬꓲ ꓗꓳ ꓗꓷ ꓢꓲ꓾ ꓶ ꓡꓯꓼ ꓬꓰ ꓔꓬ ꓟ ꓔ ꓡꓳ꓿
2021 ꓘꓳꓼ 2 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓟꓯꓼ ꓡꓰ ꓙꓵ ꓪ ꓣꓴ ꓡ ꓟ ꓗꓪ ꓐꓰ ꓐꓶꓽ ꓗꓴꓷꓼ ꓶ ꓡꓯꓼ ꓜꓴ (13) ꓜꓴ ꓥ ꓟꓲ ꓓꓳ ꓙꓰ ꓟ ꓥ ꓡꓳ꓿
ꓶ ꓡꓯꓼ ꓜꓴ ꓐꓴ ꓗꓴꓷꓼ ꓗꓪ ꓐꓰ ꓓꓳ ꓙꓰ ꓠꓬ꓾ ꓟꓬ-ꓟ ꓑ ꓫꓬ ꓐꓴ ꓟꓬꓱꓽ ꓟꓽ ꓙꓳ꓾ ꓒꓴ ꓓꓵꓽ ꓒꓰꓼ ꓟꓽ ꓙꓳ ꓡꓰ ꓠꓬꓲ꓾ ꓡ ꓠꓹ ꓟ ꓦ ꓐ 2-3 ꓟ ꓠꓯꓸꓼ ꓗꓪ ꓑ ꓫꓬ 3.4 ꓪꓹ ꓣꓳ ꓟꓽ ꓞꓲ ꓦꓰꓼ ꓟꓷꓼ ꓡ ꓥꓳ ꓐꓰ ꓟꓲ ꓠꓯ ꓜꓽ ꓓꓴ ꓜꓴ (World Food Program) ꓡꓰ ꓢꓪꓼ ꓔꓸ ꓡꓳ꓿
