2022 ꓘꓳꓼ 12 ꓦ 6 ꓠꓬꓲ ꓕꓯꓽ꓾ ꓟꓶ-ꓡꓯ-ꓫ ꓗꓴꓷꓼ Jalan Genting Kelang Setapak, ꓗꓡ ꓗꓪ ꓡꓲ-ꓢꓴ ꓬꓯꓽ ꓐꓯꓽ ꓗꓳ-ꓟꓲ-ꓔꓲ ꓙꓵꓽ ꓦꓲ ꓒꓴ ꓑꓮꓲ ꓬꓰ ꓔꓬ ꓡꓳ꓿
“ꓡꓣꓚ Lisu Refugee Committee ꓠꓬ ꓡꓲ-ꓢꓴ ꓬꓯꓽ ꓐꓯ ꓚꓱꓹ ꓗꓪ ꓜꓴ ꓮ ꓟꓬꓹ ꓔꓯ ꓙ ꓡꓯ ꓘꓳ ꓢꓲꓸ ꓡꓲ-ꓢꓴ ꓐꓴ ꓔꓯ ꓬꓰ ꓙ ꓠꓹ ꓟ꓾ ꓡꓲ-ꓢꓴ ꓡꓲ ꓒꓰꓼ ꓟꓸ ꓖꓶ ꓠꓹ ꓟ꓾ ꓬꓰ ꓙ ꓔꓳꓹ ꓙ ꓡꓯ ꓘꓳ ꓠꓹ ꓟ ꓒꓴ ꓔꓸ ꓟ ꓥ ꓡꓳ” ꓐꓰ ꓧꓳꓽ ꓪꓴꓸ ꓟꓴ ꓓꓴ ꓙꓬ-ꓕꓲ-ꓟꓳ-ꓕꓲ-ꓪꓴ ꓡꓰ ꓒꓴ ꓑꓢꓲ ꓗꓪ ꓢꓷꓸ ꓙ ꓟꓴ ꓙ ꓡꓳ꓿
ꓒꓴ ꓑꓮꓲ ꓗꓪ ꓟꓴ ꓖꓪ ꓖꓪ ꓒꓽ ꓙꓬ-ꓤ-ꓒꓲ ꓡꓰ “ꓒꓵꓽ ꓡꓳ ꓡꓲ-ꓢꓴ” ꓐꓯˍ ꓟ ꓟꓴ ꓖꓪ ꓐꓰ꓾ ꓢꓴꓸ-ꓡꓯꓸ ꓡꓰ “ꓫꓸ ꓒꓯꓸ ꓔꓺ ꓗ ꓡꓯ” ꓐꓯˍ ꓟ ꓟꓴ ꓖꓪ ꓖꓪ ꓡꓳ꓿ ꓝꓮꓲ ꓡꓲ ꓒꓰꓼ ꓛꓬꓸ ꓥꓳꓽ ꓜꓴ ꓗꓪ ꓐꓰ ꓛꓬꓸ ꓥꓳꓽ ꓛꓬꓸˍ ꓡꓳ꓿
LRC ꓜꓴ ꓔꓯ 2022 ꓘꓳꓼ 7 ꓦ ꓗꓪ ꓐꓰ ꓪꓴꓸ ꓔꓴ ꓒꓴ ꓪꓴꓸ ꓔꓴ ꓔꓸ ꓟ꓾ ꓟꓶ-ꓡꓯ-ꓫꓸ ꓗꓪ ꓛꓲ ꓡ ꓢꓴ ꓡꓲ-ꓢꓴ ꓐꓴ ꓦꓡꓱ ꓚꓱꓹ ꓐꓰ ꓔꓬ ꓖꓴ ꓟꓵꓽ ꓟꓽ ꓒꓯꓽ ꓒꓯꓽ ꓮ ꓙꓵꓽ ꓔꓺ ꓡꓯ ꓘꓳ ꓔꓬ ꓟ ꓜꓴ ꓕꓲꓽ ꓟ ꓟ ꓥ ꓡꓳ꓿
