Kaung4U ꓢꓳ ꓦꓲ ꓧꓳꓽ ꓪꓴꓸ ꓟꓴ ꓢꓴ ꓳꓸ-ꓗꓮꓳꓹ-ꓔꓮꓲꓼ-ꓢꓳꓸ ꓐꓰ ꓬꓲꓸ ꓛꓳꓽ ꓒꓯꓹ ꓟꓸ ꓒꓽ 2 ꓣꓳ ꓔꓯ 7 ꓦ 13 ꓠꓬꓲ ꓕꓯꓽ ꓟꓯꓼ ꓠꓰ ꓣꓴ ꓟꓶ ꓔꓸꓳ ꓐꓰ ꓟꓲꓸ ꓟꓲ 2022 ꓘꓳꓼ 7 ꓦ 16 ꓠꓬꓲ ꓕꓯꓽ ꓟꓪꓓ ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
Kaung4U ꓠꓬ ꓠꓴꓖ ꓡꓯꓼ ꓛꓲ ꓗꓪ ꓢꓷꓸ ꓠꓲꓹ ꓕꓳ ꓶ ꓢꓳ ꓚꓱꓹ ꓢꓯꓼ ꓕꓵꓼ ꓔꓬ ꓢꓴ ꓐꓴ ꓗꓪ ꓐꓰ ꓕꓲ ꓜꓴ ꓥ ꓡꓳ꓿ ꓢꓳ ꓒ ꓢꓳ ꓟ 3 ꓟꓶꓽ ꓣꓳ ꓟꓽ ꓞꓲ ꓔꓯ ꓳ-ꓡꓮꓲꓹ ꓗꓪ ꓐꓰ ꓢꓷ ꓠꓲꓹ ꓕꓳ ꓶ ꓟꓸ ꓖꓶꓽ ꓔꓬ ꓟ ꓥ ꓡꓳ꓿
“ꓠꓲꓹ ꓫꓵ ꓪ ꓡꓰ ꓢꓷ ꓠꓲꓹ ꓢꓳ ꓙꓵꓽ ꓪ ꓔꓯ ꓗꓽ ꓔꓸ ꓑꓲꓸ ꓞꓲꓽ ꓔꓬ ꓟ ꓔꓯ ꓕꓼ ꓩꓴ ꓡ ꓥꓳ” ꓐꓰ ꓠꓴꓖ ꓢꓷꓸ ꓠꓲꓹ ꓢꓳ ꓚꓱꓹ ꓔꓯ ꓟꓳꓸ ꓔꓳꓹ ꓙ ꓟꓬꓱꓽ ꓢꓲꓺ ꓙ-ꓕꓱ-ꓑ ꓡꓰ ꓐꓯ ꓔꓸ ꓟ ꓙꓳˍ ꓡꓳ꓿
ꓠꓴꓖ ꓔꓯ ꓝꓸ ꓢꓲꓸ ꓢꓷ ꓠꓲꓹ ꓕꓳ ꓶ ꓟꓸ ꓔꓬ ꓟ ꓫꓵꓽ ꓪꓴ ꓕꓯꓽ ꓢꓲ꓾ Kaung4U ꓢꓳ ꓦꓲ ꓧꓳꓽ ꓪꓴꓸ ꓟꓴ ꓢꓴ ꓐꓰ ꓬꓲꓸ ꓛꓳꓽ ꓒꓯꓹ ꓐꓴ ꓠꓬ ꓖꓳ ꓪꓴꓽ ꓟ ꓦꓲ ꓗꓪ ꓙꓰ ꓔꓬ ꓕꓯꓽ ꓣꓴ ꓟꓶ ꓡꓰˍ ꓟ ꓥ ꓡꓳ꓾ ꓐꓰ ꓟꓬ-ꓟ ꓟꓯꓼ ꓐꓴ ꓡꓰ ꓬꓲꓸ ꓐꓬꓱꓽ ꓓꓱꓽ ꓢꓲꓸ ꓢꓷ ꓙ ꓟꓴ ꓙ ꓔ ꓡꓳ꓿ ꓖꓳ ꓡꓱ ꓥ ꓟꓲ ꓕꓱ ꓟ ꓠꓬ ꓟꓬꓱ ꓓꓳꓽ ꓒꓬꓹ ꓓꓴ ꓚꓱꓹ ꓬꓰˍ ꓟ ꓥ ꓡ? ꓬꓲꓸ ꓚꓽ ꓥ ꓡ? ꓢꓷꓸ ꓟꓽ ꓐ ꓡ ꓢꓰꓽ꓿
ꓗꓳ-ꓪꓰꓼ ꓠꓻ ꓓꓱꓽ ꓐꓰ ꓡ꓾ ꓟꓯꓼ ꓠꓰ ꓑ ꓫꓬ ꓙꓵꓽ ꓪ ꓦꓴ ꓙꓰ ꓡ ꓟ ꓫꓵꓽ ꓪꓴ ꓑꓶꓸ ꓓꓴ 2020 ꓘꓳꓼ ꓕ ꓑꓳꓸ ꓟꓬ-ꓟ ꓙꓳꓥꓽ ꓟꓽ ꓮ ꓟꓬꓹ ꓠꓬ Kaung4U ꓗꓪ ꓢꓳ ꓔꓬ ꓟ ꓥ ꓢꓲ꓾ ꓮ ꓟꓶ ꓠꓬ ꓮ ꓡꓲ ꓬꓰ ꓕꓲ ꓟꓽ ꓥ ꓦꓬꓼ ꓠꓬꓲ ꓗꓳꓸ ꓔꓬ ꓡꓳ꓿
