Facebook Company ꓟꓬꓱꓺ ꓠꓬ ꓮ ꓟꓶ ꓬꓴꓸ ꓫꓵꓼ ꓚꓰꓼ ꓓꓳ ꓡ ꓔꓬ ꓟ Technologies- ꓢꓷꓸ ꓠꓲꓹ ꓚꓱꓹ ꓣꓱ ꓫꓵ ꓣꓱ ꓙꓰ ꓮ ꓙꓵꓽ ꓐꓱ ꓶ ꓗꓪꓼ ꓞꓲꓺ ꓡꓰ ꓟ ꓐꓯ ꓘꓶꓽ ꓝꓳꓹ ꓟꓽ ꓥ ꓟ ꓑꓶꓸ ꓓꓴ꓾ “Facebook Company ꓗꓪ ꓐꓰ Meta Company ꓡꓶꓸ ꓩꓴ ꓗꓷꓳ” ꓐꓰ 2021 ꓘꓳꓼ 10 ꓦ 28 ꓠꓬꓲ ꓕꓯ ꓟ-ꓘꓳ ꓜꓴ-ꓗ-ꓐꓼ (Mark Zuckerberg) ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓟꓰꓔꓮ ꓠꓬ ꓶ ꓡꓯꓼ ꓜꓴ ꓟꓬꓱꓺ ꓥ ꓢꓲ꓾ ꓖꓳ ꓟ ꓠꓯꓸ ꓘꓪ ꓗꓪ ꓠꓬ ꓝꓮꓚꓰꓐꓳꓳꓗ ꓐꓰ ꓠꓱꓸ ꓐꓯꓼ ꓢꓷꓸ ꓠꓲꓹ ꓚꓰꓼ ꓫꓵꓽ ꓮꓑꓑꓡꓲꓚꓮꓔꓲꓳꓠꓢ ꓮ ꓙꓵꓽ ꓟ ꓔꓯ ꓣꓴ ꓜꓲꓼ ꓔꓸ ꓥꓳ꓿ Facebook application ꓔꓯ ꓬꓲꓸ ꓟꓬꓱꓺ ꓡꓶꓸ ꓗꓷ ꓟ ꓟꓽ ꓥ꓾ Company ꓟꓬꓱꓺ ꓡꓶꓸ ꓗꓷ ꓟ ꓥ ꓡꓳ ” ꓐꓯ ꓡꓳ꓿
ꓖꓳ ꓟ ꓑꓶꓸ ꓓꓴ ꓮ ꓟꓶ ꓖꓳ ꓑꓳꓸ ꓟ-ꓘꓳ ꓜꓴ-ꓗ-ꓐꓼ (Mark Zuckerberg) ꓠꓬ Facebook Company ꓢꓲꓺ ꓒ ꓐꓯ ꓟ ꓕꓯꓽ ꓢꓲ Meta Company ꓢꓲ ꓒꓽ ꓐꓯ ꓠꓬ ꓪꓴꓽ ꓓꓰ ꓡꓰꓳ꓿ Facebook ꓠꓬ ꓮ ꓟꓶ ꓖꓳ ꓑꓳꓸ Company ꓟꓬꓱꓺ ꓟꓽ ꓥꓻꓳ꓿ Meta Company ꓡꓯꓼ ꓛꓲ ꓗꓪ ꓟ Application ꓕꓲ ꓟ ꓬꓲꓸ ꓟꓬꓱꓺ ꓡꓰꓽ ꓥ ꓡꓳ꓿
ꓟꓰꓔꓮ ꓗꓪ ꓠꓬ ꓮ ꓟꓶ ꓣꓳ ꓢꓷꓸ ꓟ Facebook ꓡꓰꓽ ꓟꓽ ꓞꓲ꓾ Whatsapp, Chatting, ꓮ ꓙꓵꓽ ꓜꓲꓼ ꓔꓸ ꓟ ꓥ ꓢꓲ꓾ ꓬꓲꓸ ꓢꓯꓼ ꓑ ꓙ꓾ ꓬꓲꓸ ꓐꓬꓱꓽ ꓟꓳ ꓪ꓾ ꓡꓯ ꓒꓯꓹ ꓡꓰ ꓫꓱꓹ ꓪ ꓓ꓾ ꓬꓲꓸ ꓐꓵꓽ ꓥ ꓟꓲ ꓞꓴ ꓠꓴ ꓪ ꓓ ꓗꓪ ꓛꓲ ꓬꓲ ꓚꓵꓺ ꓟ (ꓬꓲꓸ ꓚꓽ ꓡꓰ ꓐꓰ) ꓫꓱꓸ ꓫꓱꓸꓼ ꓙ ꓖꓶ ꓔꓸ ꓟ ꓥ ꓡꓳ꓿
ꓟꓰꓔꓮ ꓟ ꓘꓴꓽ ꓗꓪ ꓚꓰꓼ ꓔꓸ ꓟ ꓢꓷꓸ ꓠꓲꓹ ꓐꓰ ꓶ ꓤ ꓐꓴ ꓣꓱꓽ ꓢꓲ꓾ ꓙꓲ ꓪꓴꓽ/ꓪꓴꓻ ꓟ꓾ ꓕꓲ ꓟꓵꓽ ꓕꓲ ꓟꓵꓽ ꓟꓵꓽ ꓗꓹ ꓚꓳˍ ꓟ꓾ ꓡꓳ ꓖꓪ ꓓꓴ ꓬꓲ ꓫꓵ ꓬꓲ ꓙꓰ ꓡꓳ ꓖꓪ ꓟ꓾ ꓟꓬꓱꓽ ꓬꓲ ꓫꓵꓽ ꓬꓲ ꓙꓰ ꓬꓰ ꓟ ꓕꓱ ꓡꓱꓳ ꓫꓵꓽ ꓮ ꓙꓵꓽ ꓔꓯ ꓬꓲꓸ ꓐꓽ ꓢꓲ ꓗꓪ ꓟ ꓤꓶ ꓡꓰ ꓐꓰ (ꓬꓲꓸ ꓚꓽ ꓡꓰ ꓐꓰ) ꓬꓰ ꓐ ꓡ ꓗꓪ ꓛꓲ ꓢꓯꓼ ꓕꓵꓼ ꓔꓸ ꓡꓳ ꓐꓯ ꓡꓳ꓿ “ꓣꓳ ꓓꓵ ꓙ ꓐ ꓡ ꓟ ꓕꓯꓽ ꓢꓲ ꓬꓰ ꓐ ꓡ ꓥꓳ” ꓐꓰ ꓐꓯ ꓔ ꓡꓳ꓿
