2025 ꓘꓳꓼ 5 ꓦ 31 ꓠꓬꓲ ꓕꓯꓽ꓾ ꓴꓢꓮ ꓗꓴꓷꓼ ꓙꓵꓽ ꓪꓴꓸ ꓓꓵ ꓓꓳ-ꓠꓯ ꓕ-ꓣꓼ ꓡꓰ ꓓꓳꓖꓰ ꓔꓯ ꓧꓳꓽ ꓪꓴꓸ ꓟꓴ ꓢꓴ Elon Musk ꓕꓲꓽ ꓣꓳ ꓐꓱ ꓶ ꓟꓬꓱꓽ ꓠꓽ ꓬꓰˍ ꓟ ꓫꓸ ꓟꓳ ꓜꓲꓼ ꓓꓴ ꓕꓲꓽ ꓟ ꓔꓯ ꓬꓲ ꓯꓹ ꓩꓴ ꓐꓬꓱꓽ ꓦꓲ ꓗꓪ ꓬꓰ ꓖꓶ ꓡꓳ꓿
ꓬꓲ ꓠꓬ ꓗꓴꓷꓼ ꓐꓱ ꓶ ꓟꓳꓼ ꓡꓳ ꓢ ꓘꓪ ꓮ ꓘꓶꓸ ꓢꓯꓼ ꓕꓵꓼ ꓢꓴ ꓥꓳ꓾ ꓐꓯ ꓢꓲ꓾ ꓕꓼ-ꓣ ꓡꓰ ꓯ-ꓡꓳ ꓔꓯ ꓫꓵꓺ ꓢꓳ ꓕꓴꓽ ꓒꓰꓹ ꓗꓸ ꓕꓲꓽ ꓟ ꓡꓯꓼ ꓫꓴ ꓖꓶ ꓡꓳ꓿
ꓯ-ꓡꓳ ꓕꓲꓽ ꓣꓳ ꓓꓳꓖꓰ ꓗꓪ ꓟꓬꓱꓽ ꓬꓰ ꓡ ꓟ ꓦꓬꓼ ꓠꓬꓲ ꓗꓪ ꓴꓢꓮ ꓗꓴꓷꓼ ꓙꓵꓽ ꓜꓴ ꓐꓱ ꓶ ꓒꓴ 175 billion ꓞꓰꓽ ꓙ ꓪ ꓡꓰꓳ꓾ ꓐꓯ ꓡꓳ꓿ ꓟꓳꓸ ꓙ ꓔꓸ ꓟ ꓠꓬ 36 Trillion ꓞꓰꓽ ꓠꓹ ꓟ ꓥ ꓢꓲ꓾ ꓓꓳꓖꓰ ꓜꓴ ꓠꓬ ꓬꓲꓸ ꓓꓳ ꓙꓰ ꓥ ꓟꓲ ꓡꓯ ꓫꓵ ꓟꓬꓱꓽ ꓬꓰ ꓝꓸ ꓔꓬ ꓥꓳ꓾ ꓐꓯ ꓡꓳ꓿
ꓙꓵꓽ ꓗ ꓬꓲ. ꓡꓲꓽ ꓡꓳ ꓚ 130 ꓠꓬꓲ ꓟꓬꓱꓽ ꓬꓰ ꓓꓳ ꓡꓰ ꓢꓲ꓾ ꓠꓽ ꓬꓰ ꓟ ꓥ ꓡꓳ꓾ ꓐꓯ ꓡꓳ꓿
