ꓓꓳꓠꓮꓡ ꓔꓣꓴꓟꓑ ꓗꓴꓷꓼ ꓙꓵ: ꓡ ꓕꓯ ꓣꓰꓝꓴꓖꓰꓰ ꓑꓣꓳꓖꓣꓮꓟ ꓔꓯ. ꓑꓲ. ꓞꓲ: ꓔꓳꓹ ꓠꓷ ꓩꓴ ꓡ ꓟ ꓑꓶ ꓓꓴ ꓴꓢꓮ ꓗꓴꓷꓼ ꓗꓪ ꓡ ꓓꓴ ꓙ ꓖꓶ ꓔꓬ ꓢꓴ ꓣꓰꓝꓴꓖꓰꓰ ꓐꓴ ꓠꓲꓹ ꓟ ꓫ ꓔꓬ ꓡꓳ= ꓕꓱ ꓟ ꓠꓬ ꓕꓱ ꓕꓲ ꓧꓪ ꓔꓲ ꓟ: ꓥ ꓾ ꓧꓶ. ꓕꓯ 2016 ꓘꓳꓼ ꓗꓪ ꓥ ꓟꓲ ꓣꓰꓝꓴꓖꓰꓰ ꓔꓯ. ꓴꓢꓮ ꓗꓴꓷꓼ ꓗꓪ ꓮ ꓘꓶ. ꓟ ꓡ ꓝꓲ.ˍ ꓟ ꓙꓳˍ ꓡꓳ= ꓮ ꓟꓶ ꓥˍ ꓟꓲ ꓕꓲ ꓧꓪꓹ ꓑꓲ. ꓞꓲ: ꓔ ꓡꓳ= ꓕꓱ ꓟ ꓠꓬ ꓔꓣꓮꓟꓑꓳꓣꓮꓣꓬ ꓥ ꓡꓳ= ꓕꓵꓹ ꓪ ꓕꓱ ꓟ ꓠꓬ 1 ꓦ 27 ꓠꓬꓲ ꓗꓪ ꓐꓪ ꓪꓴ. ꓔꓴ ꓟ ꓥ ꓡꓳ= ꓖꓳ ꓡꓱ ꓥ ꓟꓲ ꓬꓲ. ꓐꓯ ꓔ ꓟ ꓠꓬ ꓦꓬꓼ ꓠꓬꓲ 90 ꓦꓬꓼ ꓬꓲ. ꓘꓴ ꓗꓪ ꓧꓳꓟꓰꓡꓮꓠꓓ ꓢꓰꓚꓴꓣꓲꓔꓬ ꓗꓪ ꓗꓪ: ꓫꓵ: ꓢꓴ ꓐꓰ ꓴꓢꓣꓮꓑ ꓐꓴ ꓕꓳ ꓶ ꓐꓳ.ꓹ ꓣꓰꓑꓳꓣꓔ ꓢꓲ. ꓓꓳꓠꓮꓡ ꓔꓣꓴꓟꓑ ꓔꓯ. ꓟ. ꓖꓶ ꓠ ꓔ ꓡꓳ= ꓕꓱ ꓗꓪ ꓐꓳ., ꓔ ꓟ ꓔꓯ ꓛꓳ ꓢꓲ. ꓴꓢꓮ ꓑ ꓫꓬ ꓐꓴ ꓐꓰ ꓗꓴꓷꓼ ꓔꓯ ꓘꓶ ꓡꓶ: ꓓꓴ ꓟ: ꓙꓳˍ ꓠꓬ ꓝꓮꓲ ꓕꓲ ꓧꓪ ꓬꓲ. ꓕꓵꓹ ꓰ ꓔꓯ ꓫꓬ ꓔꓱ ꓓꓴ ꓥꓳ ꓐꓰ ꓐꓯ ꓔ ꓟ ꓙꓳˍ ꓡꓳ=
ꓕꓱ ꓟ ꓑꓶ ꓓꓴ ꓠꓰ ꓴꓠꓧꓚꓣ ꓙ: ꓘꓪ ꓙꓳˍ ꓟ ꓪꓰꓡꓚꓳꓟꓰ ꓚꓳꓣꓑꓢ ꓗꓪ ꓐꓰ ꓡ ꓠ ꓟ ꓙ ꓖꓶ ꓔꓬ ꓢꓴ ꓾ ꓟꓮꓡꓮꓬꓢꓲꓮ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓐꓱ ꓶ ꓥꓳ ꓡꓳ. ꓓꓴ ꓙꓳ ꓢꓰ ꓡꓳ= ꓬꓲ. ꓙꓵꓹ ꓔꓯ. ꓡꓳ. ꓠꓬꓹ ꓓꓴ ꓬꓰ ꓡꓯ=
