2025 ꓘꓳꓼ 1 ꓦ 28 ꓠꓬꓲ꓾ ꓧꓶꓽ ꓒꓽ ꓙꓼ ꓪꓴꓸ ꓠꓷꓸ ꓮꓲ ꓢꓷꓸ ꓠꓲꓹ ꓗꓪ ꓐꓰ ꓬꓰ ꓓꓳ ꓩꓴ ꓡ ꓟ DeepSeek ꓠꓰ ChatGPT ꓔꓯ ꓧꓪꓸ ꓬꓰ ꓢꓲꓸ ꓕꓲꓽ ꓟꓲ ꓠꓯ ꓢꓴ ꓬꓰꓳ꓿
ChatGPT ꓕꓲꓽ ꓟ ꓒꓬꓱꓼ ꓡ ꓠꓹ ꓟ $500 ꓪꓹ ꓣꓱꓽ ꓗꓷ ꓥ ꓟꓲ꓾ DeepSeek ꓒꓬꓱꓼ ꓡ ꓠꓹ ꓟ ꓠꓬ $6 ꓪꓹ ꓡꓰ ꓣꓱꓽ ꓗꓷꓳ ꓐꓯ ꓡꓳ꓿ ꓖꓳ ꓡꓱ ꓥ ꓟꓲ DeepSeek ꓠꓰ ChatGPT ꓬꓰ ꓐ ꓡ ꓟ ꓕꓯꓽ ꓢꓲ ꓬꓰ ꓙꓲˍ ꓟ ꓑꓶꓸ ꓓꓴ ꓕꓲꓽ ꓟꓲ ꓠꓯ ꓢꓴ ꓬꓰ ꓟ ꓥ ꓡꓳ꓿
ꓕꓲꓽ ꓠꓬꓲ ꓘꓴꓽ ꓗꓪ ChatGPT ꓗꓪ ꓒꓴ ꓗꓶ ꓔꓸ ꓢꓴ ꓐꓴ ꓠꓲꓹ ꓢꓲꓼ ꓢꓲꓸ ꓠꓲꓹ ꓞ ꓠꓲꓹ ꓧꓳꓽ ꓬꓲꓸ ꓪ share ꓪꓴꓽ ꓩꓴ ꓡ ꓟ ꓑꓶꓸ ꓓꓴ ꓕꓲꓽ ꓠꓬꓲ ꓟ ꓘꓴꓽ ꓗꓪ 10% ꓞꓰ ꓬꓰꓳ꓿ ꓠꓱꓸ ꓐꓯꓼ ꓴꓢꓮ ꓙꓼ ꓪꓴꓸ ꓠꓷꓸ ꓗꓳ-ꓑꓶ-ꓠꓰ ꓐꓴ ꓥ ꓟꓲ ꓮ ꓟꓬꓹ ꓞꓳꓸ ꓡꓰ ꓔꓬ ꓢꓲꓸ ꓙꓳꓺ ꓦꓰꓸ ꓡꓰ ꓔꓬ ꓡꓳ꓿
ꓐꓶ ꓓꓵꓽ ꓗꓴꓷꓼ ꓐꓰ ꓐꓶ ꓓꓳ ꓗꓴꓷꓼ ꓐꓴ ꓙꓼ ꓪꓴꓸ ꓠꓷꓸ ꓢꓷꓸ ꓠꓲꓹ ꓔꓯꓺ ꓡꓯ ꓘꓳ ꓟ ꓠꓬ ꓓꓵꓽ ꓙ ꓟꓶ ꓟꓶ ꓒꓬꓱꓼ ꓡ ꓔꓬ ꓡꓳ꓿
