ꓚꓳꓦꓲꓓ-19 ꓠꓻ ꓓꓱꓽ ꓐꓶ ꓓꓲ ꓬꓲꓸ ꓫꓵꓼ ꓓꓯ-ꓔ ꓦꓮ-ꓣꓲ-ꓬ (Delta Variant) ꓠꓬ꓾ ꓠꓻ ꓐꓲ ꓕꓳꓹ (chickenpox) ꓡꓰ ꓐꓰ ꓮ ꓘꓶꓸ ꓚꓲꓸ ꓢˍ ꓟ ꓠꓻ ꓧꓶ ꓠꓻ ꓜꓲꓹ ꓒꓬꓱꓼ ꓡ ꓔꓬ ꓡꓳ ꓐꓰ꓾ ꓴꓢ ꓚꓓꓚ (centre for disease control and prevention) ꓡꓰ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
Delta ꓕꓱ ꓕꓲ ꓩꓴꓸ ꓠꓬ꓾ ꓚꓳꓦꓲꓓ-19 ꓠꓻ ꓗꓽ ꓠꓯ ꓞꓲꓼ ꓕꓴꓸ ꓓꓳ ꓡꓰ ꓢꓴ ꓔꓯ ꓥ ꓟꓲ ꓕꓲ ꓧꓪꓹ ꓚꓲꓸ ꓠꓻ ꓐ ꓡ ꓟ ꓥ ꓢꓲ꓾ ꓧꓶꓸ ꓕꓯ ꓠꓻ ꓚꓲꓲꓸ ꓟ ꓕꓯ ꓢꓲ 10 ꓝꓸ ꓚꓲꓸ ꓢ ꓡꓳ ꓐꓯ ꓡꓳ꓿
“ꓔꓯ ꓥꓳ ꓐꓯ ꓠꓬ꓾ ꓧꓶꓸ ꓕꓯ ꓚꓳꓦꓲꓓ-19 ꓠꓻ ꓢꓴ ꓕꓲ ꓣꓳ ꓫꓛ ꓕꓱ ꓕꓯ (ꓥ ꓠꓬ) ꓝꓲꓸ ꓩꓴ ꓡ ꓕꓯ ꓠꓻ ꓐꓶꓽ ꓓꓲ 100 ꓟ ꓓꓳ ꓡ ꓡꓳ ꓐꓯ ꓡꓯ꓿ ꓮ ꓟꓶ ꓓꓯ-ꓔ ꓕꓲ ꓩꓴꓸ ꓟ ꓠꓻ ꓐꓲ ꓓꓲ ꓠꓬ ꓠꓻ ꓧꓶ ꓠꓻ ꓐꓶꓷ ꓓꓲ 1000 ꓟ ꓓꓳ ꓡ ꓡꓳ꓾ ꓐꓯ ꓟ ꓥꓳ꓿ ꓠꓻ ꓐꓶ ꓓꓲ ꓕꓱ ꓕꓲ ꓩꓴꓸ ꓠꓬ ꓢꓯꓼ ꓙꓳ ꓪꓽ ꓠꓬꓲ ꓡꓳꓹ ꓬꓰ ꓟ꓾ ꓚꓲꓸ ꓢ ꓡꓳꓹ ꓬꓰ ꓟ ꓥ ꓡꓳ꓿ ꓠꓻ ꓢꓴ ꓫꓵꓻ ꓢꓴ ꓟꓬꓽ ꓡ ꓗꓴ ꓡꓳ꓿ ꓠꓻ ꓗꓽ ꓠꓯ ꓞꓲꓼ ꓕꓴꓸ ꓔꓸ ꓢꓴ ꓠꓬ꓾ ꓟꓽ ꓕꓴꓸ ꓔꓸ ꓢꓴ ꓕꓯ ꓢꓲ ꓠꓻ ꓔꓳꓹ ꓐ ꓡ ꓥꓳ꓿ ꓤ ꓟꓳ ꓓꓴ ꓟ ꓠꓬ ꓠꓯ ꓞꓲꓼ ꓥꓳ꓿” ꓐꓰ ꓠꓯ ꓞꓲꓼ ꓟꓸ ꓒ ꓕꓲ ꓣꓳ ꓡꓰ ꓒꓶꓻ ꓟꓸ ꓖꓶ ꓡ ꓡꓳ꓿
Ref: US CDC’s new findings.
