ꓠꓬꓲꓸ ꓠꓬꓲ 2021 ꓘꓳꓼ 8 ꓦ 13 ꓠꓬꓲ ꓠꓯꓼ ꓠꓯꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ City Mart ꓟꓬꓱꓺ ꓣꓱꓽ ꓢꓲ ꓢꓽ ꓢꓱ ꓢꓱꓹ ꓡꓳ ꓖꓪ ꓓꓴ ꓚꓱꓹ Messenger ꓗꓪ ꓦ ꓩꓴ ꓡ ꓔꓬ ꓟ ꓠꓬ꓾ City Mart ꓗꓪ ꓐꓰ ꓬꓰ ꓔꓬ ꓟ ꓟꓽ ꓥ ꓐꓰ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ=
“ꓕꓱ ꓟ ꓠꓬ City Mart ꓗꓪ ꓐꓰ ꓬꓰ ꓩꓴ ꓡ ꓟ ꓟꓽ ꓥ= ꓥꓪ ꓠꓴ City Mart ꓟꓬꓱꓺ ꓔꓯ ꓟꓽ ꓔꓱꓹ ꓟꓽ ꓜꓳꓽ ꓣꓱꓽ ꓢꓲ꓾ ꓡ ꓞꓳ ꓐꓴ ꓔꓯ ꓘꓶ ꓡꓶꓽ ꓔꓬ ꓟ ꓓꓳꓽ ꓕꓲ ꓟ ꓥ ꓡꓳ= ꓮ ꓙꓵꓽ ꓢꓴ ꓤ ꓟꓳ ꓓꓴ ꓬꓰ ꓡꓯ= ꓓꓳꓽ ꓚꓬꓼ ꓕꓱ ꓟ ꓡꓯ ꓫꓵ ꓟꓽ ꓛꓱꓺ ꓙꓰ ꓠꓹ ꓟ ꓮ ꓙꓵꓽ ꓢꓴ ꓔꓺ ꓙ ꓡꓯ” ꓐꓰ City Mart ꓗꓪ ꓐꓰ ꓤ ꓟꓳ ꓠꓹ ꓟ ꓕꓳ ꓶ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ=
“ꓥꓻꓳ꓾ ꓥ ꓔꓯ ꓡꓲꓸ ꓮ ꓢꓳꓸ ꓠꓯꓼ ꓠꓯꓼ ꓗꓪ ꓐꓰ ꓮ ꓟꓶ ꓗꓪ ꓛꓲ ꓥꓪ ꓛꓳ ꓒꓯꓹ 10 ꓣꓳ ꓟꓽ ꓞꓲ ꓡꓰ ꓦ ꓖꓶ ꓩꓴ ꓡ ꓡꓳ= ꓕꓱ ꓡꓱꓳ ꓫꓵꓽ ꓔꓯ ꓢꓚꓮꓟ ꓐꓯ ꓡꓳ= ꓓꓳꓽ ꓚꓬꓼ ꓥ ꓡꓳ= ꓦꓬꓼ ꓠꓬꓲ ꓕꓱ ꓟ ꓗꓪ ꓗꓶꓸ ꓢꓴ ꓐꓯ ꓖꓴ ꓟꓽ ꓓ= ꓘꓶ ꓡꓶꓽ ꓢꓴ ꓐꓯ ꓖꓴ ꓟꓽ ꓓ= ꓖꓳ ꓟ ꓑꓶꓸ ꓓꓴ ꓓꓳꓽ ꓦ ꓥ ꓔꓯ ꓙꓵꓻ ꓟꓽ ꓓ= ꓚꓲ ꓛꓬ ꓪꓴꓸ ꓠꓷꓸ ꓔꓯ ꓣꓱꓽ ꓠ ꓗ ꓟ ꓦꓬꓼ ꓠꓬꓲ ꓥ ꓡꓳ” ꓐꓰ ꓬꓥ-ꓖꓳꓥ ꓗꓪ ꓔꓬ ꓟ Information Technology ꓢꓷꓸ ꓢꓴ ꓮ-ꓓꓶꓸ ꓡꓰ ꓐꓯ ꓡꓳ=
ꓓꓳꓽ promoting message ꓕꓱ ꓟ ꓔꓯ ꓚꓵ ꓚꓵ ꓥ ꓡꓳ ꓐꓰ ꓙꓵꓻ ꓢꓲꓸ ꓒꓴ ꓠꓬꓲ ꓔꓬ ꓢꓴ꓾ ꓢꓽ ꓢꓱ ꓢꓱꓹ ꓡꓳ ꓖꓪ ꓔꓬ ꓢꓴ (playing lottery game)꓾ ꓝꓮꓲ ꓛꓳ ꓒꓯꓹ ꓐꓴ ꓔꓯ ꓕꓲ ꓝꓸ ꓦ ꓖꓶꓽ ꓔꓬ ꓢꓴ ꓐꓯ ꓖꓴ ꓟꓽ ꓓ ꓙꓳ ꓡꓳ=
ꓗꓶꓸ ꓢꓴ ꓐꓴ ꓠꓬ internet, phone ꓚꓱꓹ ꓗꓪ ꓐꓰ ꓗꓶꓸ ꓒꓽ ꓬꓲꓸ ꓜꓴ ꓬꓲꓸ ꓜꓴ ꓒꓴ ꓔꓸ ꓢꓲ꓾ ꓬꓲꓸ ꓪ ꓗꓶꓸ ꓘꓶꓽ ꓔꓯ ꓠ ꓠꓹ ꓡ ꓢꓴ ꓐꓴ ꓗꓪ ꓐꓰ ꓒꓴ ꓗꓶꓸ ꓜꓽ ꓓꓴ ꓛꓽ ꓔꓬ ꓢꓴ ꓐꓯ ꓖꓴ ꓟꓽ ꓓ=
Microsoft 30th Anniversary
Nestle 40 years Anniversary
Facebook 20th Anniversary
City Mart promotion, Honda 70th Anniversary ꓐꓯ ꓢꓲ ꓮ ꓟꓬꓹ ꓫꓵꓽ ꓗꓶꓸ ꓔꓬ ꓡꓳ꓿ ꓬꓲꓸ ꓪ ꓡꓰ ꓗꓶꓸ ꓠꓸ ꓔꓬ ꓟ ꓡꓳ ꓚ ꓛꓳ ꓙꓰ ꓠꓬ꓾ ꓮꓚꓚꓳꓴꓠꓔ ꓥ ꓟꓲ ꓬꓲꓸ ꓪ ꓡꓯ ꓒꓯꓹ ꓗꓪ ꓓꓵꓽ ꓬꓰ ꓡ ꓗꓴˍ ꓡꓳ꓾ ꓐꓰ ꓢꓷꓸ ꓢꓴ ꓐꓴ ꓡꓰ ꓙꓳꓺ ꓗꓽ ꓖꓶ ꓔ ꓡꓳ꓿
