British ꓖꓳ ꓓꓱ ꓔꓬ ꓢ ꓚꓱꓹ ꓙꓵꓽ ꓪ ꓪꓴꓸ ꓓꓵ ꓣꓱꓽ ꓢꓴ ꓟꓯꓼ-ꓧ-ꓘꓳꓼ (Matt Hancock) ꓠꓬ ꓚꓳꓦꓲꓓ-19 ꓟꓽ ꓚꓲꓸ ꓡꓰ ꓠꓹ ꓟ ꓙꓵꓽ ꓗ ꓔꓯ ꓛꓳ ꓟꓽ ꓐꓲ ꓡꓰ ꓠꓬꓲ꓾ 6 ꓦ 26 ꓠꓬꓲ ꓕꓯ ꓟꓬꓱꓽ ꓓꓳ ꓙꓰꓳ=
ꓠꓱꓸ ꓐꓯꓼ ꓢꓴ ꓔꓯ ꓕꓲ ꓣꓳ ꓛꓳ ꓕꓲ ꓣꓳ 6 ꓑꓯꓸ ꓗꓪ ꓛꓲ ꓶꓽ ꓤ ꓔꓬ꓾ ꓡꓯ ꓒꓯꓹ ꓧꓪꓸ ꓟꓽ ꓓ꓾ ꓟꓶ ꓠꓶꓹ ꓐꓰ ꓠꓻ ꓘꓵ ꓑꓲꓸ ꓓꓴ ꓣꓱꓽ꓾ ꓡꓯꓽ ꓒꓯꓹ ꓟꓽ ꓠꓽ ꓠꓽ ꓞꓲꓽ ꓐꓰ ꓢꓯꓼ ꓖꓶ ꓔꓬ ꓟ ꓗꓪ꓾ ꓬꓲꓸ ꓠꓬ ꓬꓲꓸ ꓟꓬꓱꓽ ꓬꓰ ꓔꓶꓸ ꓗꓪ ꓟꓬꓱꓽ ꓬꓰ ꓢꓴ ꓤ ꓟꓶꓼ ꓤ ꓕꓲ ꓣꓳ ꓔꓯ ꓪꓳ ꓠꓬꓲ꓾ ꓐꓳꓼ ꓠꓬꓲ ꓬꓰ ꓗꓷ ꓟ ꓗꓪ ꓐꓰ ꓕꓱ ꓡꓱ ꓟꓬꓱꓽ ꓠꓽ ꓬꓰ ꓗꓪ ꓛꓲ ꓗꓷ ꓡꓰ ꓟ ꓥ ꓡꓳ=
ꓗꓴꓷꓼ ꓙꓵꓽ ꓜꓴ ꓪꓴꓸ ꓓꓵ ꓣꓱꓽ ꓢꓴ ꓐꓸ ꓙꓳꓧꓠꓢꓳꓠ ꓡꓰ꓾ ” ꓢꓲꓽ ꓒꓽ ꓠꓴ ꓬꓰ ꓗꓷ ꓟ ꓙꓲˍ ꓟ ꓮ ꓟꓬꓹ ꓙꓳ ꓡꓳ= ꓖꓳ ꓟ ꓔꓯ ꓓꓵꓽ ꓙ ꓢꓲꓸ ꓟꓬꓱ ꓓꓳꓽ ꓣꓴ ꓓꓴ ꓬꓰ” ꓐꓯ ꓡꓳ=
ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓗꓪ ꓠꓬ꓾ “ꓥꓪ ꓐꓯ ꓟ ꓡꓰ ꓐꓰ ꓬꓰ꓾ ꓥꓪ ꓬꓰ ꓟ ꓡꓰ ꓐꓰ ꓕꓽ ꓬꓰ” ꓐꓯ ꓟꓽ ꓙꓲ ꓟ ꓢꓷꓸ ꓡꓰ ꓓꓴ ꓕꓲ ꓟ ꓥ ꓡꓳ= ꓕꓵꓼ ꓪ ꓐꓯ ꓒꓬꓱ ꓩꓴ ꓗꓷ ꓠꓬ ꓙꓵꓽ ꓪ ꓙꓳ ꓢꓴ꓾ ꓟꓽ ꓙꓳ ꓢꓴ ꓮ ꓙꓵꓽ ꓛꓳ ꓠꓯ ꓟ ꓥ ꓡꓳ=
