Britian ꓗꓴꓷꓼ ꓗꓪ ꓐꓰ ꓔꓳꓹ ꓙ ꓩꓴ ꓡ ꓟ ꓙꓱ ꓦꓲ ꓐꓶ ꓓꓴ ꓟꓯꓼ ꓶ ꓤ ꓔꓯ ꓬꓴ-ꓗ-ꓣꓲꓸ ꓟꓯꓼ ꓐꓴ ꓜꓱꓽ ꓰꓴꓸ ꓔꓴ ꓓꓴ ꓥꓳ꓾ ꓐꓰ ꓬꓴ-ꓗ-ꓣꓲꓸ ꓟꓯꓼ ꓧꓳꓽ ꓢꓴ ꓡꓰ 2022 ꓘꓳꓼ 3 ꓦ 27 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓮ ꓟꓶ ꓜꓱꓽ ꓓꓴ ꓕꓵꓼ ꓡꓵꓸ ꓗ ꓬꓰˍ ꓟ ꓠꓬ꓾ ꓟꓯꓼ ꓘꓶꓽ ꓗꓪ ꓖꓳ ꓑꓳꓸ ꓕ ꓑꓳꓸ ꓔꓯꓹ ꓚꓲꓸ ꓢ ꓢꓲ꓾ ꓡꓯꓽ ꓢꓰ ꓗꓪ ꓚꓱꓸ ꓢꓲꓸ ꓙꓱ ꓦꓲ ꓐꓶ ꓙꓲˍ ꓟ Statstreak ꓟꓯꓼ ꓶ ꓤ ꓥ ꓡꓳ꓿
ꓕꓱ ꓟ ꓔꓯꓸ ꓬꓴ-ꓗ-ꓣꓲꓸ ꓟꓯꓼ ꓐꓴ ꓜꓱꓽ ꓗꓴꓸ ꓡ ꓠꓹ ꓟ ꓕꓲꓽ ꓫꓵꓽ ꓠꓽ ꓢꓳ ꓜꓲꓼ ꓓꓴ ꓟꓸ ꓖꓶꓽ ꓗꓷ ꓢꓲ꓾ ꓢ ꓖꓶ ꓖꓳ ꓑꓳꓸ ꓠꓬ ꓟꓯꓼ ꓘꓶꓽ ꓗꓪ ꓬꓲꓸ ꓜꓲ ꓔꓳꓼ ꓡꓯ ꓘꓳ ꓝꓲ ꓓꓴ ꓥꓳ꓾ ꓐꓯ ꓡꓳ꓿
ꓬꓴ-ꓗ-ꓣꓲꓸ ꓐꓰ ꓣ-ꓫꓸ ꓐꓴ ꓠꓬ ꓧꓶꓸ ꓕꓯꓽ ꓢꓳ-ꓐꓲ-ꓬꓯꓼ ꓗꓴꓷꓼ ꓓꓽ ꓟ ꓦꓬꓼ ꓠꓬꓲ ꓗꓪ ꓚꓰꓼ ꓔꓸ ꓟ ꓟꓯꓼ ꓶ ꓤ ꓕꓲ ꓩꓴꓸ ꓟ ꓔꓯ ꓫꓬꓹ ꓑꓱ ꓫꓬꓹ ꓜꓶ ꓢꓲꓸ ꓣꓱꓽ ꓔꓬ ꓠꓬꓲ꓾ ꓤꓶ ꓫꓵꓼ ꓢꓷꓸ ꓠꓲꓹ ꓜꓱꓽ ꓢꓲꓸ ꓚꓰꓼ ꓔꓸ ꓟ ꓟꓯꓼ ꓶ ꓤ ꓖꓶꓽ ꓠꓲꓹ ꓫꓵˍ ꓟꓲ ꓠꓲꓹ ꓞ ꓣꓱꓽ ꓟꓽ ꓐ ꓡ ꓗˍ ꓡꓳ꓿
“ꓟꓯꓼ ꓶ ꓤ ꓜꓱꓽ ꓢꓷꓸ ꓠꓲꓹ ꓮ ꓘꓶꓸ ꓟꓴˍ ꓥꓳ ꓐꓯ ꓬꓲꓸ ꓙꓵꓹ ꓮ ꓘꓶꓸ ꓖꓶ ꓢꓲꓸ ꓮ ꓘꓶꓸ ꓠꓵꓹ ꓢꓳ ꓠ ꓔꓸ ꓥ” ꓐꓰ Britian ꓙꓵꓽ ꓪ ꓙꓳ ꓓꓴ ꓟꓯꓼ ꓜꓲꓽ ꓡꓰ ꓐꓯ ꓡꓳ꓿
ꓬꓲ ꓚꓰ꓾ BNN
