Artificial Intelligence (AI) ꓡꓰ ꓧꓳꓽ ꓪꓴꓸ ꓟꓴˍ ꓟ ꓪ ꓘꓴ ꓙꓵꓹ ꓔꓯ ꓙ-ꓟꓶ-ꓠꓰ ꓗꓴꓷꓼ St. Paul ꓪ ꓘꓴ ꓦꓲ ꓗꓪ ꓬꓲꓸ ꓪꓴꓸ ꓕꓲꓽ ꓧꓪꓸ ꓬꓰ ꓓꓳ ꓡ ꓡꓳ꓿
ꓮꓲ ꓡꓰ ꓫꓬꓹ ꓜꓯ ꓔꓸ ꓟ ꓬꓲꓸ ꓐꓬꓱꓽ꓾ ꓬꓲꓸ ꓢꓯꓼ ꓗꓪ ꓐꓰ ꓜꓴ ꓟꓴ ꓖꓪ ꓧꓳꓽ ꓠꓬꓲ꓾ ꓟꓸ ꓟꓲꓽ ꓚꓺ ꓠꓬꓲ ꓬꓰˍ ꓟ ꓥ ꓢꓲ꓾ ꓪ ꓘꓴ ꓔꓺ ꓡ ꓢꓴ 300 ꓣꓳ ꓛꓲ ꓙꓳ ꓡꓳ꓿
ꓮꓲ ꓟꓸ ꓟꓲꓽ ꓚ ꓒꓽ ꓡꓰ ꓠ ꓡꓲꓺ 40 ꓧꓶ ꓚ ꓡꓳ꓿ “ꓮ ꓠꓱ ꓟ ꓔꓯ ꓮ ꓠꓱ ꓗꓪ ꓛꓹ ꓒꓰꓹ ꓠꓹ ꓟ꓾ ꓫꓵꓻ ꓟ ꓔꓯ ꓙꓳꓺ ꓟꓽ ꓛꓲ ꓟ꓾ ꓙꓵꓻ ꓠꓲꓹ ꓟꓽ ꓒꓲꓼ ꓬꓰ ꓠꓹ ꓟ” ꓕꓱ ꓡꓱ (3) ꓘꓶꓽ ꓓꓽ ꓟ ꓢꓯꓼ ꓖꓶ ꓡꓳ꓿
ꓮꓲ ꓟꓸ ꓟꓲꓽ ꓚꓺ ꓒꓽ ꓓꓳ ꓡ ꓟ ꓗꓪ ꓐꓰ ꓘꓴ ꓜꓲꓼ ꓞꓳ ꓗꓪ ꓞꓳ ꓤ ꓚꓽ ꓚꓽ ꓡꓰ ꓧꓳꓽ ꓪꓴꓸ ꓟꓴˍ ꓟ ꓮ ꓡꓲ ꓗ ꓡ ꓟꓽ ꓢꓷꓸꓳ ꓐꓰ ꓓꓵꓽ ꓙ ꓮ’ ꓓꓴ ꓦꓬꓼ ꓠꓬꓲ ꓛꓲ ꓡ ꓡꓳ꓿
“ꓟꓸ ꓟꓲꓽ ꓝꓲꓸ꓾ ꓟꓴ ꓖꓪ꓾ ꓪ ꓘꓴ ꓘꓶꓽ ꓮ ꓙꓵꓽ ꓬꓲꓹ ꓡꓵꓼ ꓔꓸ ꓥꓳ ꓟꓽ꓿ ꓪ ꓘꓴ ꓙꓵꓹ ꓟꓬꓱꓽ ꓮ ꓙꓵꓽ ꓟ ꓗꓪ ꓐꓰ 98% ꓔꓯ ꓮꓲ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓗꓷ ꓟ ꓥꓳ” ꓐꓰ ꓖꓳ ꓪ ꓘꓴ ꓦꓲ ꓗꓪ ꓲꓔ ꓟꓬꓱꓽ ꓬꓰ ꓢꓴ ꓡꓰ ꓐꓯ ꓡꓳ꓿
“ꓮ ꓔꓲꓸ ꓕꓶꓸ ꓠꓬꓽ ꓜꓲ ꓥ꓿ ꓮ ꓡꓲ ꓐꓯ ꓡꓲꓸ ꓐꓯ꓾ ꓬꓲꓸ ꓠꓲꓹ ꓟ ꓟꓽ ꓙꓳ ꓟ ꓪꓴꓸ ꓓꓵ ꓕꓱꓼ ꓙꓵꓹ ꓡꓰ ꓐꓰ ꓔꓸ ꓥ” 54 ꓘꓳꓼ ꓙꓳˍ ꓟ Heiderose Schmidt ꓡꓰ ꓐꓯˍ ꓡꓳ꓿
ꓬꓲꓸ ꓚꓰ꓾ Ars Technica
