ꓟꓶ-ꓚꓲ-ꓠ – ꓔꓲ-ꓠ ꓡꓰꓓꓳ ꓙ ꓖꓴ ꓗꓪ ꓙꓰ ꓚꓳ ꓢꓴ ꓐꓴ ꓮ ꓙꓵꓽ ꓠꓬ ꓟꓶꓼ ꓘꓶꓼ 7 ꓙꓵꓹ ꓗꓪ ꓐꓰ ꓠꓯꓼ 5 ꓙꓵꓹ ꓗꓪ ꓐꓰ ꓙ ꓖꓴ ꓓꓵꓽ ꓓꓳ ꓟꓽ ꓓ ꓐꓰ ꓗꓲꓮ ꓓꓼ (14) ꓗꓪ ꓐꓰ ꓢꓷꓸ ꓡꓰ ꓓꓴ ꓕꓳ ꓶ ꓐꓳ ꓒꓬꓱꓺ ꓔ ꓡꓳ=
ꓓꓵꓽ ꓓꓳ ꓢꓴ ꓮ ꓙꓵꓽ ꓠꓬ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓱ ꓶ ꓶ ꓤ ꓶ ꓟꓲ ꓚꓰꓹ ꓙ ꓟꓽ ꓓ= ꓟꓳ ꓓꓳ ꓮ ꓙꓵꓽ ꓠꓬ ꓟꓳꓹ ꓖꓽ ꓑꓲꓸ ꓟꓽ ꓓ= ꓕꓱ ꓟ ꓔꓯ ꓟꓽ ꓛꓳ ꓢꓲꓸ ꓒꓬꓱꓼ ꓡ ꓟ ꓫꓵꓽ ꓪꓴ ꓮ ꓙꓵꓽ ꓗꓲꓮ ꓡꓰ ꓮ ꓫꓵꓽ ꓓꓵꓽ ꓙ ꓙ ꓓꓴ ꓟꓽ ꓙꓳ ꓐꓰ ꓐꓳ ꓔꓸ ꓡꓳ=
ꓡꓰꓓꓳ ꓙ ꓖꓴ ꓚꓱꓹ ꓔꓯ 1942 ꓘꓳꓼ 12 ꓦ ꓕꓯ ꓧꓪ ꓒꓴ ꓗꓴꓷꓼ ꓛꓳ ꓒꓯꓹ ꓜꓴ ꓗꓪ ꓐꓰ ꓫꓬꓹ ꓪꓴꓸ ꓔꓴ ꓗꓷ ꓟ ꓥ ꓢꓲ꓾ Stilwell Road ꓥ ꓟꓲ ꓘꓴ ꓡꓳ= ꓙ-ꓑ ꓟꓶ ꓙꓽ ꓦꓬꓼ ꓠꓬꓲ ꓗꓪ ꓧꓪ ꓒꓴ ꓒꓽ ꓐꓴ ꓡꓰ ꓚ-ꓗ-ꓫꓵꓽ ꓙ-ꓑ ꓔꓯ ꓟꓯꓼ ꓩꓴ ꓡꓯ ꓘꓳ ꓟ ꓗꓪ ꓬꓰ ꓙ ꓔꓳꓹ ꓙ ꓠꓹ ꓟ ꓙ ꓖꓴ ꓚꓱꓹ ꓫꓬꓹ ꓒꓬꓱꓼ ꓡ ꓟ ꓥ ꓢꓲ꓾ ꓠꓬꓲꓸ ꓠꓬꓲ ꓗꓪ ꓛꓲ ꓙꓳ ꓔꓬ ꓟ ꓥ ꓡꓳ=
