2026 ꓘꓳꓼ 11 ꓦ 13 ꓠꓬꓲ ꓕꓯꓽ꓾ ꓴꓢꓮ ꓕꓲ ꓗꓴꓷꓼ ꓡꓱꓸꓼ ꓗꓪ ꓙꓳˍ ꓟ ꓙꓱ ꓦꓲ ꓮ ꓙꓵꓽ ꓟꓲ ꓠꓯ ꓗꓪ ꓠꓽ ꓔꓸ ꓠꓹ ꓟ ꓝꓮꓮ ꓡꓰ ꓕꓵꓼ ꓪ ꓓꓳ ꓩꓴ ꓡ ꓡꓳ꓿
“ꓟꓲꓼ ꓪꓳꓼ ꓗꓪ ꓙꓱ ꓔꓬ ꓟ ꓔꓯ ꓠꓬ ꓟꓲ ꓠꓯ ꓗꓪ ꓥꓪꓽ ꓝꓲˍ ꓡꓳ꓿ ꓟꓲ ꓠꓯ ꓗꓪ ꓐꓰ ꓕꓲ ꓦꓲˍ ꓟꓲ ꓟꓽ ꓙꓱ ꓔꓴ ꓝꓲꓳ꓿ extraorfinary circumstances ꓑꓶꓸ ꓓꓴ ꓥꓳ” ꓐꓰ ꓙꓵꓽ ꓪ ꓙꓳ ꓢꓴ ꓡꓰ ꓐꓯˍ ꓡꓳ꓿
ꓕꓱ ꓡꓱꓳ ꓫꓵꓽ ꓠꓬ ꓚꓺ ꓟꓲꓽ ꓗꓪ ꓮ ꓕꓯ ꓟꓲ ꓟꓽ ꓔꓳꓹ ꓜꓳꓽ ꓠꓬꓲˍ ꓟ ꓕꓲꓽ ꓫꓵꓽ ꓥ ꓢꓲ꓾ ꓙ ꓡꓯ ꓘꓳ ꓚꓱꓹ (communication) ꓙ ꓖꓴ ꓗꓪ ꓘꓶ ꓡꓶꓽ ꓡꓰˍ ꓟ ꓠꓬ cyber attack ꓥ ꓡ? ꓞꓳ ꓤ ꓡꓰ ꓬꓰ ꓥꓳꓽ ꓡꓰ ꓟ ꓥ ꓡ? ꓚꓲꓸ ꓚ ꓔꓬ ꓡꓳ꓿
11 ꓦ 12 ꓠꓬꓲ ꓗꓪ ꓠꓬ Microsoft ꓙ ꓡꓯ ꓘꓳ ꓚꓱꓹ ꓟꓬꓱꓽ ꓬꓰˍ ꓟ ꓘꓶ ꓡꓶꓽ ꓡꓰ ꓢꓲꓸ ꓟꓲꓸ ꓟꓲ ꓠꓬ ꓙꓱ ꓦꓲ ꓙ ꓡꓯ ꓘꓳ ꓚꓱꓹ ꓗꓪ ꓘꓶ ꓡꓶꓽ ꓡ ꓟ ꓥ ꓡꓳ꓿
ꓴꓢꓮ ꓗꓴꓷꓼ ꓗꓪ ꓕꓱ ꓡꓱ ꓙꓼ ꓮ ꓔꓳꓸ ꓐꓰ ꓙꓼ ꓗꓪ ꓐꓰ ꓙ ꓡꓯ ꓘꓳ ꓚꓱꓹ ꓐꓬ ꓡꓰ ꓥ ꓟꓲ ꓟꓯꓼ ꓢꓰꓼ ꓐ ꓡ ꓠꓹ ꓟ ꓟꓯꓼ ꓜꓴ ꓔꓯ ꓙꓽ ꓖꓶ ꓝꓲ ꓢꓲ꓾ ꓑ ꓫꓬ ꓐꓴ ꓥ ꓟꓲ ꓜꓽ ꓓꓴ 3 ꓠꓬꓲ ꓐꓱ ꓶ ꓙ ꓖꓶ ꓠꓹ ꓟ ꓬꓲꓼ ꓠꓬꓲꓸ ꓖꓶ ꓔꓸ ꓟ ꓥ ꓟꓲ ꓙꓳˍ ꓡꓳ꓿
