ꓟꓲꓸ ꓟꓲ 2026 ꓘꓳꓼ 4 ꓦ 2 ꓠꓬꓲ ꓕꓯꓽ꓾ ꓴꓢꓮ ꓗꓪ ꓐꓰ꓾ Artimis 2 ꓟꓬꓱꓺ ꓔꓸ ꓟ ꓟꓴ ꓪꓴꓽ ꓙꓱ ꓡꓲꓺ ꓓꓽ ꓟ ꓗꓪ ꓡ ꓞꓳ 4 ꓣꓳ ꓜꓶꓽ ꓢꓲꓸ ꓟꓲ ꓠꓯꓺ ꓗꓪ ꓐꓰ ꓦ ꓐ ꓗꓪ ꓗꓹ ꓚꓳ ꓠꓹ ꓟ ꓔꓴ ꓙꓰꓳ꓿
ꓟꓴ ꓪꓴꓽ ꓙꓱ ꓡꓲꓺ ꓓꓽ ꓟ Artimis 2 ꓠꓯꓸꓼ ꓗꓪ Orion ꓐꓯˍ ꓟ ꓙꓱ ꓦꓲ ꓤꓹ ꓤꓼ ꓕꓲ ꓟ ꓥ ꓟꓲ ꓗꓶꓺ ꓔꓸ ꓡꓳ꓿ ꓖꓳ ꓟ ꓠꓬ ꓦ ꓐ ꓗꓪ ꓛꓲ ꓬꓰ ꓕꓯꓽ ꓖꓳ ꓑꓳ ꓕ ꓑꓳ ꓙꓰ ꓚꓳ ꓠꓹ ꓟ ꓐꓱ ꓶ ꓥ ꓡꓳ꓿
ꓝꓮꓲ Artimis 2 ꓠꓯꓸꓼ ꓗꓪ ꓡ ꓞꓳ ꓥ ꓟꓲ 4 ꓣꓳ ꓜꓶꓽ ꓙꓰˍ ꓡꓳ꓿ ꓖꓳ ꓡꓲꓸ ꓣꓳ ꓗꓪ ꓧꓪ ꓠꓯꓺ ꓠꓯꓺ 1 ꓣꓳ꓾ ꓧꓪ ꓒꓴ ꓒꓴ 3 ꓣꓳ ꓥ ꓢꓲ꓾ ꓤ ꓟꓶꓼ꓿ 1 ꓣꓳ ꓕꓱꓹ ꓞ ꓡꓳ꓿
ꓕꓱ ꓟ ꓠꓬ ꓴꓢꓮ ꓡꓰ 1972 ꓘꓳꓼ ꓕ ꓑꓳ꓾ 50 ꓘꓳꓼ ꓟ ꓗꓪ ꓝꓮꓲ ꓕꓲ ꓧꓪꓹ ꓦ ꓐ ꓗꓪ ꓓꓳ ꓙꓰˍ ꓟ ꓙ ꓖꓴ ꓥ ꓡꓳ꓿ ꓕꓱ ꓕꓲ ꓧꓪꓹ ꓠꓬ ꓦ ꓐ ꓔꓯ ꓚꓳ ꓡꓳ ꓚꓳ ꓡꓳ ꓗꓹ ꓚꓳ ꓓꓳ ꓡꓰ ꓕꓯ ꓢꓲꓸ ꓡꓽ ꓡ ꓓꓴ ꓥꓳ ꓐꓯˍ ꓡꓳ꓿
ꓟꓲ 685,000 ꓛꓲ ꓓꓵꓽ ꓓꓳ ꓙꓰ ꓠ ꓗꓹ ꓟ ꓙ ꓖꓴ ꓥ ꓡꓳ꓿
