2025 ꓘꓳꓼ 11 ꓦ 26 ꓠꓬꓲ ꓕꓯ ꓪ‐ꓫꓲ‐ꓓ ꓡꓳ ꓒꓬꓱ,꓾ ꓦꓲ., ꓒꓴ ꓒꓴ ꓒ ꓕꓲ ꓗꓪ ꓡꓳ. ꓙ ꓗꓽ ꓙ ꓔꓬ ꓢꓴ ꓟꓯꓼ ꓒ 2 ꓣꓳ ꓔꓯ ꓡ ꓛꓴ, ꓐꓶ., ꓡ ꓟ ꓑꓶ ꓓꓴ ꓤ ꓟꓶ ꓤ ꓟꓯꓼ ꓟ ꓕꓲ ꓣꓳ ꓫꓵ., ꓡꓰ ꓗ. ꓠꓯ.ꓼ ꓴꓢꓮ ꓗꓴꓷꓼ ꓙꓵꓽ ꓪꓴ. ꓓꓵ ꓓꓳ‐ꓠꓯ ꓕ‐ꓣ ꓡꓰ ꓮ ꓟꓶ ꓠꓬ ꓴꓢꓮ ꓗꓴꓷꓼ ꓗ ꓚꓲ. ꓓꓵꓽ ꓡ ꓢꓴ ꓮ ꓙꓵꓽ ꓔꓯ ꓦꓽ ꓠ, ꓟ ꓐꓱ ꓶ ꓕꓵꓽ ꓪꓽ ꓓꓳ ꓩꓴ ꓡ ꓡꓳ꓿
ꓖꓳ ꓟ ꓑꓶ ꓓꓴ ꓴꓢꓚꓲꓢ ꓔꓯ ꓗꓪꓽ ꓫꓵꓽ ꓧꓳꓽ ꓢꓴ ꓬꓳ‐ꓢꓷ ꓡꓰ ꓮ ꓟꓶ ꓠꓬ ꓴꓢꓮ ꓗꓪ ꓓꓵꓽ ꓡ ꓚꓱ, ꓐꓰ ꓔꓬ ꓪ ꓠ, ꓟ ꓐꓱ ꓶ ꓙ ꓖꓶ ꓔꓬ ꓢꓴ ꓐꓴ ꓮ ꓙꓵꓽ ꓔꓯ ꓑꓰꓼ ꓞꓲꓽ ꓓꓴ ꓥꓳ ꓐꓰ ꓬꓲ. ꓫ ꓑꓮꓖꓰ ꓗꓪ ꓟꓳ. ꓖꓶ ꓔ ꓡꓳ꓿ ꓕꓱ ꓟ ꓠꓬ ꓴꓢꓮ ꓑ ꓫꓬ ꓐꓴ ꓐꓱ ꓶ ꓠꓽ ꓑ/ ꓕꓲ ꓐꓯ_ ꓟ (American People always comes first) ꓥ ꓡꓳ꓿ꓖꓳ ꓟ ꓑꓶ ꓓꓴ ꓮ ꓟꓶ ꓠꓬ ꓴꓢꓮ ꓗꓴꓷꓼ ꓗꓪ ꓔꓬ ꓠ, ꓟ ꓐꓱ ꓶ ꓙ ꓖꓶ ꓔꓬ ꓢꓴ ꓐꓴ ꓠꓲ, ꓟ ꓫ ꓔꓬ ꓟ ꓥꓳ꓿
ꓓꓳꓽ ꓚꓰꓼ꓾
