ꓗ-ꓬꓲ ꓟꓵꓽ꓾ ꓫꓱ-ꓗꓳꓼ-ꓗꓳ ꓗꓪ ꓐꓰ ꓚꓹ-ꓒꓬꓼ ꓐꓯˍ ꓟ ꓗꓶꓸ ꓜꓽ ꓟꓬꓱꓽ ꓬꓰ ꓢꓴ ꓐꓴ 2025 ꓘꓳꓼ 11 ꓦ 17 ꓠꓬꓲ ꓟꓶ ꓘꓶꓼ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓛꓰꓹ ꓙꓰ ꓔꓬ ꓡꓳ꓿
ꓗꓶꓸ ꓜꓽ ꓜꓴ ꓧꓳꓽ ꓢꓴ ꓧꓶꓽ ꓒ ꓫꓯꓼ-ꓙꓲ-ꓚꓸ ꓔꓯ ꓕꓮꓲꓹ ꓗꓴꓷꓼ ꓡꓰ 2025 ꓘꓳꓼ 11 ꓦ 12 ꓠꓬꓲ ꓕꓯꓽ ꓧꓶ ꓗꓴꓷꓼ ꓗꓪ ꓡꓯꓼ ꓙꓱ ꓩꓴ ꓗꓸ ꓠꓯꓸ ꓟꓬ-ꓟ ꓗꓴꓷꓼ ꓗꓪ ꓗꓗ ꓑꓮꓣꓗ ꓐꓰ ꓮ ꓟꓶ ꓫꓱ-ꓗꓳꓼ-ꓗꓳ ꓗꓪ ꓘꓶꓸ ꓜꓽ ꓜꓴ ꓔꓬ ꓔꓶꓸ ꓗꓪ ꓢꓴꓺ ꓔꓴ ꓡ ꓔꓬ ꓟ ꓥ ꓡꓳ꓿
ꓗꓶꓸ ꓜꓽ ꓜꓴ ꓧꓳꓽ ꓢꓴ/ ꓬꓰ ꓙ ꓔꓺ ꓙ ꓢꓴ ꓐꓴ ꓔꓯ ꓧꓶꓽ ꓗꓴꓷꓼ ꓐꓰ ꓴꓢꓮ ꓥ ꓟꓲ ꓞꓳꓹ ꓣꓴ ꓢꓲꓸ ꓝꓴꓲꓸ ꓖꓶ ꓠꓲꓹ ꓫꓵ ꓔꓬ ꓟ ꓥ ꓡꓳ꓿ ꓖꓳ ꓕꓲ ꓟꓵꓽ ꓗꓪ ꓡꓽ ꓛꓴꓸ ꓔꓯꓹ ꓢꓲꓸ ꓧꓳꓽ ꓢꓴ ꓠꓬ ꓢꓳꓸ ꓛꓰꓼ-ꓔꓴꓽ ꓥ ꓡꓳ꓿
ꓕꓲ ꓟꓵ ꓕꓲ ꓟꓵ ꓗꓪ ꓐꓰ ꓒꓴ ꓮ ꓘꓶꓸ ꓧꓪ ꓪ ꓓ ꓡꓳ ꓐꓯ ꓢꓲꓸ ꓗꓶꓸ ꓜꓽ ꓜꓴ ꓜꓲꓼ ꓔꓶꓸ ꓗꓪ ꓟꓬꓱꓽ ꓬꓰ ꓡ ꓢꓴ ꓬꓲꓸ ꓔꓴ ꓬꓲꓸ ꓟꓶꓽ ꓜꓲꓼ ꓔꓬ ꓟ ꓥ ꓡꓳ꓿ ꓮ ꓟꓶ ꓠꓬ ꓚꓬ ꓠꓬꓹ ꓖꓴ ꓧꓪ ꓠꓹ ꓟ ꓢꓯꓼ ꓟ ꓑꓺ ꓢꓲꓸ ꓔꓷꓹ ꓛꓰꓹ ꓙꓰ ꓔꓬ ꓡꓳ꓿
