2025 ꓘꓳꓼ 8 ꓦ 7 ꓠꓬꓲ꓾ ꓠꓯꓼ 8:28 ꓙꓵꓹ ꓕꓯꓽ ꓟꓬ-ꓟ ꓗꓴꓷꓼ ꓪꓵꓸ ꓓꓵ (ꓬꓲꓸ ꓛꓵ) ꓟꓬꓱꓽ ꓟꓯꓻ ꓡ ꓢꓴ ꓟꓯꓼ ꓜꓲꓽ ꓟꓰꓼ-ꓢꓱ ꓢꓯꓼ ꓟꓬ ꓡꓳꓹ ꓬꓰꓳ꓾ ꓐꓰ ꓗꓴꓷꓼ ꓗꓽ/ꓡꓳꓸ ꓗꓳ-ꓢꓰ ꓗꓪ ꓐꓰ ꓓꓳꓽ ꓜꓳ ꓩꓴ ꓡ ꓡꓳ꓿
ꓬꓲꓸ ꓠꓬ ꓧꓶꓸ ꓕꓯꓽ ꓗꓴꓷꓼ ꓙꓵꓽ ꓢꓴ ꓠꓬꓲꓽ ꓣꓳ ꓕꓲꓽ ꓣꓳ ꓟ ꓥ ꓢꓲ꓾ ꓟꓯꓼ ꓕꓲꓽ ꓒꓳꓹ ꓗꓪ ꓐꓰ ꓡ ꓢꓴ ꓥ ꓡꓳ꓿ ꓗꓴꓷꓼ ꓙꓵꓽ ꓢꓴ ꓬꓲꓸ ꓪꓴꓸ ꓕꓲꓽ ꓣꓳ ꓔꓯ ꓟꓯꓼ ꓡꓰ ꓞꓳꓹ ꓡꓴꓽ ꓗꓷ ꓕꓲꓽ ꓠꓬꓲ꓾ 2021 ꓘꓳꓼ 2 ꓦ 1 ꓠꓬꓲ ꓕ ꓑꓳꓸ ꓗꓴꓷꓼ ꓪꓴꓸ ꓓꓵ (ꓬꓲꓸ ꓛꓵ) ꓟꓬꓱꓽ ꓟꓯꓻ ꓩꓴ ꓡ ꓢꓴ ꓥ ꓢꓲ꓾ ꓟꓯꓼ ꓗꓳ-ꓢꓰ ꓔꓯ ꓗꓴꓷꓼ ꓗꓪ ꓟꓯꓼ ꓙꓵꓽ ꓪ ꓡꓰ ꓙꓵꓽ ꓠꓹ ꓟ ꓕꓵꓼ ꓪ ꓡꓯꓼ ꓙꓱ ꓖꓶꓽ ꓢꓴ ꓥ ꓡꓳ꓿
ꓝꓮꓲ ꓬꓲꓸ ꓠꓻ ꓔꓬ ꓟ ꓑꓶꓸ ꓓꓴ ꓟꓬꓱꓽ ꓬꓰ ꓟꓽ ꓖꓰꓼ ꓐꓯ ꓢꓲ꓾ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓬꓲꓸ ꓙꓵꓽ ꓪ ꓥ ꓟ ꓗꓴꓷꓼ ꓙꓵꓽ ꓢꓴ (ꓬꓲꓸ ꓛꓵ) ꓔꓯ ꓝꓮꓲ ꓕꓲꓽ ꓝꓸ ꓡꓯꓼ ꓙꓱ ꓔꓸ ꓟ ꓕꓲꓽ ꓝꓲꓸ ꓗꓪ꓾ ꓮ ꓟꓶ ꓕꓱ ꓡꓱ ꓫꓵꓻ ꓟ ꓥ ꓡꓳ꓿
ꓖꓳ ꓟ ꓑꓶꓸ ꓓꓴ ꓟꓰꓹ-ꓮꓳ-ꓡꓮꓲꓽ ꓠꓬ ꓟꓯꓼ ꓗꓪ ꓥ ꓟꓲ꓾ ꓗ/ꓡꓳꓸ ꓗꓳ-ꓢꓰ ꓗꓪ ꓥ ꓟꓲ꓾ ꓗꓴꓷꓼ ꓙꓵꓽ ꓚꓱꓹ ꓗꓪ ꓥ ꓟꓲ ꓪꓴꓽ ꓡꓳꓹ ꓬꓰ ꓟ ꓙꓵꓽ ꓪ ꓮ ꓟꓬꓹ ꓣꓴ ꓔꓸ ꓢꓴ ꓒꓬꓱꓼ ꓡ ꓡꓳ꓿
