2025 ꓘꓳꓼ 7 ꓦ 30 ꓠꓬꓲ ꓗꓪ ꓐꓰ 8 ꓦ 2 ꓠꓬꓲ ꓗꓪ ꓛꓲ ꓴꓢꓮ ꓗꓪ ꓙꓳ_ ꓟ ꓔꓡꓚꓚ ꓐꓲꓐꓡꓰ ꓐꓰ ꓟꓴꓢꓲꓚ ꓚꓮꓟꓑ ꓔꓯ ꓣꓱꓽ ꓬꓰ ꓪ ꓡꓰ ꓐꓰ ꓢꓷꓸ ꓖꓶ ꓡ ꓡꓳ= ꓢꓳ ꓜꓲꓼ ꓓꓴ ꓕꓱ ꓟ ꓠꓬ ꓘꓜꓞ ꓔꓶ ꓡ ꓟ 13 ꓘꓳꓼ ꓐꓲ ꓡꓰ ꓗꓸ ꓠꓯꓸꓼ ꓔꓡꓚꓚ ꓗꓪ ꓬꓲꓸ ꓪꓴꓸ ꓕꓲ ꓧꓪꓹ ꓢꓳ ꓜꓲꓼ ꓓꓴ ꓬꓰ ꓟ ꓥꓳ ꓐꓰ ꓜꓲꓼ ꓓꓴ ꓔꓯꓸ ꓖꓪ ꓫꓵꓽ ꓢꓴ ꓣꓰꓦꓸꓓꓣꓸ ꓰꓓꓰꓠ ꓚꓧꓮꓣ ꓐꓯ ꓡꓳ= ꓢꓳ ꓜꓲꓼ ꓓꓴ ꓗꓪ ꓢꓳ ꓚꓱꓹ ꓠꓬ ꓐꓲꓐꓡꓰ ꓚꓮꓡꓢꓢꓹ ꓟꓴꓢꓲꓚ ꓚꓡꓮꓢꓢ꓾ ꓡꓲ-ꓢꓴ ꓖꓪ ꓛꓰ(ꓛꓬꓼ ꓥꓳꓽ) ꓐꓰ ꓡꓲ-ꓢꓴ ꓕꓳ ꓶ ꓔꓯ ꓥ ꓟꓲ ꓢꓳ ꓪ ꓡꓰꓳ ꓐꓰ ꓐꓯ_ ꓡꓳ=
ꓬꓲꓸ ꓪ ꓢꓳ ꓓꓳ ꓡꓰ ꓟ ꓗꓪ ꓐꓰ 8 ꓦ 3 ꓠꓬꓲ ꓾ ꓢꓲꓸꓸ ꓒ ꓦꓬꓼ ꓠꓬꓲ ꓗꓪ ꓠꓬ ꓐꓮꓚꓗ ꓔꓳ ꓢꓚꓧꓳꓳꓡ ꓢꓴꓠꓓꓮꓬ ꓪꓳꓣꓢꓧꓲꓑ ꓬꓰ ꓖꓶ ꓢꓲꓸ ꓤ ꓠꓱ ꓐꓴ ꓮ ꓡꓲ ꓐꓰ ꓢꓳ ꓪ ꓡꓰ ꓟ ꓔꓯ ꓝꓮꓲ ꓕꓲ ꓧꓪ ꓐꓯ ꓟꓸ ꓖꓶꓽ꓾ ꓟꓴ ꓖꓪ ꓟꓸ ꓖꓶꓽ ꓐꓰ ꓣꓱꓽ ꓬꓰ ꓪ ꓡꓰꓳ = ꓝꓮꓲ ꓠꓬ 2025-26 ꓢꓷꓸ ꓠꓲꓹ ꓢꓳ ꓢꓴ ꓮ ꓙꓵꓽ ꓢꓴ ꓔꓯ ꓪ ꓘꓴ ꓖꓶ_ ꓟ ꓐꓰ ꓢꓯꓼ ꓖꓶ_ ꓟ ꓣꓱꓽ ꓬꓰ ꓡꓳ ꓐꓰ ꓐꓯ ꓟꓸ ꓖꓶ ꓡ ꓡꓳ=
ꓓꓳꓽ ꓚꓰ꓾ ꓔꓡꓚꓚ ꓝꓮꓚꓰꓐꓳꓳꓗ ꓑꓮꓖꓰ
