2025 ꓘꓳꓼ 6 ꓦ 22 ꓠꓬꓲ ꓕꓯꓽ ꓕꓲꓽ ꓟꓲ ꓠꓯ ꓬꓯꓼ-ꓠ ꓚꓰꓹ ꓙ ꓖꓴ ꓕꓲꓽ ꓚꓱꓹ ꓥ ꓟ ꓧꓳ-ꓟꓼ ꓬꓲ ꓞꓲꓸ (Hormuz Strait) ꓔꓯ ꓑꓲꓸ ꓞꓲꓽ ꓩꓴ ꓠꓹ ꓟ ꓲ-ꓣ ꓗꓴꓷꓼ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓰ ꓐꓯ ꓞꓷꓹ ꓩꓴꓳ꓿
ꓕꓲꓽ ꓟꓲ ꓠꓯ ꓗꓪ ꓣꓱꓽ ꓔꓬ ꓟ ꓬꓯꓼ-ꓠ ꓮ ꓙꓵꓽ ꓟ ꓗꓪ ꓐꓰ 4 ꓩꓴꓸ 1 ꓩꓴꓸ ꓠꓬ ꓕꓱ ꓕꓲꓽ ꓚꓱꓹ ꓗꓪ ꓐꓰ ꓚꓰꓹ ꓙ ꓙꓰ ꓔꓬ ꓟ ꓥ ꓡꓳ꓿
ꓬꓯꓼ-ꓠ ꓓꓳ ꓟꓵꓽ ꓥ ꓟ ꓗꓴ-ꓪꓰꓼ꓾ ꓗ-ꓔ꓾ ꓴꓮꓰ꓾ ꓲ-ꓣ ꓗꓪ ꓐꓰ ꓬꓯꓼ-ꓠ ꓔꓱꓽ ꓩꓴ ꓡ ꓚꓱꓹ ꓞꓲꓽ ꓡꓰ ꓟ ꓑꓶꓸ ꓓꓴ ꓠꓱꓸ ꓐꓯꓼ ꓟꓵꓽ ꓮ ꓙꓵꓽ ꓗꓪ ꓬꓯꓼ-ꓠ꓾ ꓔꓹ-ꓞꓰꓽ꓾ ꓓꓰ-ꓜꓯ ꓒꓵꓽ ꓓꓯꓻ ꓡ ꓥꓳ꓾ ꓐꓰ ꓢꓪꓼ ꓢꓴ ꓡꓰ ꓢꓪꓼ ꓔꓬ ꓡꓳ꓿
ꓖꓳ ꓡꓱ ꓥ ꓟꓲ꓾ ꓠꓱꓸ ꓐꓯꓼ ꓞꓽ ꓒꓳꓽ ꓔꓯ ꓟꓽ ꓙꓰ ꓝꓲ ꓑꓲꓸ ꓔꓸ ꓥ ꓟꓲ ꓬꓲꓸ ꓶ ꓡꓯꓼ ꓛꓳ ꓒꓯꓹ ꓔꓯ ꓠꓬ ꓪꓴꓽ ꓖꓶ ꓡ ꓥꓳ꓾ ꓙꓻ ꓙꓰ ꓝꓲ ꓡ ꓥꓳ ꓥ ꓟꓲ ꓢꓪꓼ ꓐꓯ ꓔꓬ ꓡꓳ꓿ ꓮ ꓟꓶ ꓧꓶꓽ ꓗꓴꓷꓼ ꓠꓬ ꓲ-ꓣ ꓗꓪ ꓐꓰ ꓬꓯꓼ-ꓠ ꓪꓴꓻ ꓢꓴ ꓬꓲꓸ ꓓꓽ ꓟ ꓕꓲ ꓗꓴꓷꓼ ꓥ ꓡꓳ꓿
