ꓠꓬꓲ. ꓠꓬꓲ 6 ꓦ 19 ꓠꓬꓲ ꓠꓯ., ꓠꓯ., ꓕꓯ ꓲ‐ꓣ ꓠꓴꓚꓡꓰꓮꓣ ꓫ, ꓦꓲ ꓔꓯ ꓬꓲ‐ꓢꓷ‐ꓡꓰ ꓐꓴ ꓗꓪ ꓐꓰ ꓙꓱ ꓦꓲ ꓐꓳꓽ ꓐꓶ ꓩꓴ_ ꓐꓰ ꓐꓯ ꓡꓳ꓿ ꓲ‐ꓣ ꓥ_ ꓟꓲ ꓬꓲ‐ꓢꓷ‐ꓡꓰ ꓗꓴꓷꓼ ꓔꓯ ꓟꓲꓢꓢꓲꓡꓰꓢ ꓗꓪ ꓐꓰ ꓐꓶ ꓡ ꓟ ꓑꓶ ꓓꓴ ꓠꓯ ꓞꓲꓼ ꓫ ꓦꓲ ꓔꓯ ꓐꓶ ꓜꓯ. ꓡꓰ0 ꓐꓰ ꓐꓯ ꓡꓳ꓿
ꓬꓲ‐ꓢꓷ‐ꓡꓰ ꓗꓴꓷꓼ ꓢꓳ‐ꓣꓳ‐ꓘ ꓠꓯ., ꓞꓲ ꓦꓲ ꓮ ꓔꓳ. ꓙꓬ ꓔꓬ ꓟ
ꓴꓢꓮ ꓗꓴꓷꓼ ꓠꓬ ꓲ‐ꓣ ꓐꓰ ꓬꓲ‐ꓢꓷ‐ꓡꓰ ꓐꓴ ꓗꓴꓷꓼ ꓫꓵꓽ ꓪꓴ ꓔꓯ ꓮ ꓡꓲ ꓕꓲ ꓒꓳ ꓗꓪ ꓐꓰ ꓬꓰ ꓙ ꓠ, ꓟ ꓢꓪ.ꓼ ꓔꓬ ꓟ ꓥꓳ꓿ ꓠꓬꓲ. ꓠꓬꓲ ꓴꓢꓮ ꓗꓴꓷꓼ ꓓꓳꓽ ꓐꓯ ꓑꓶ ꓔꓶ. ꓗꓪ ꓐꓰ ꓐꓯ_ ꓟ ꓠꓬ 2 ꓫꓵꓽ ꓠꓽ ꓘꓴ ꓗꓪ ꓓꓵꓽ ꓙ ꓞꓷ ꓓꓴ ꓥꓳ ꓐꓰ ꓐꓯ ꓡꓳ꓿ ꓴꓢꓮ ꓗꓴꓷꓼ ꓠꓬ ꓬꓲ‐ꓢꓷ‐ꓡꓰ ꓔꓯ ꓮ ꓔꓯ_ ꓥ ꓟꓲ ꓔ ꓙ ꓔꓬ ꓟ ꓥꓳ꓿
ꓬꓲ‐ꓢꓷ‐ꓡꓰ ꓑ ꓫꓬ ꓫꓵ., ꓢꓴ 24 ꓣꓳ ꓙꓳ ꓡ ꓔꓬ ꓐꓰ ꓐꓯ ꓡꓳ꓿ ꓲ‐ꓣ ꓑ ꓫꓬ 224 ꓣꓳ ꓫꓵ., ꓢꓴ ꓙꓳ ꓡꓳ ꓐꓰ ꓐꓯ ꓡꓳ꓿ ꓖꓳ ꓡꓱ ꓥ ꓟꓲ ꓴꓢꓮ ꓗꓴꓷꓼ ꓧꓣꓮꓠꓮ ꓗꓪ ꓐꓰ ꓐꓯ ꓔ ꓟ ꓠꓬ 6 ꓦ 18 ꓠꓬ ꓗꓪ ꓛꓲ ꓲ‐ꓣ ꓗꓪ ꓫꓵ., ꓢꓴ 639 ꓣꓳ ꓐꓰ ꓠ, ꓓꓴ ꓡꓰ ꓢꓴ 1329 ꓣꓳ ꓙꓳ ꓡꓳ ꓐꓰ ꓐꓯ ꓔ ꓡꓳ꓿
ꓓꓳꓽ ꓚꓰꓼ꓾ ꓣꓰꓴꓔꓰꓣꓢ
