ꓬꓲ‐ꓢꓷ‐ꓡꓰ ꓐꓰ ꓲ‐ꓣ ꓐꓴ ꓡꓯ ꓫꓵꓽ ꓢꓰꓼ ꓡꓯ ꓘꓳ ꓔꓬ

ꓬꓲ‐ꓢꓷ‐ꓡꓰ ꓐꓴ ꓡꓰ ꓲ‐ꓣ ꓔꓯ ꓢꓰꓼ ꓪꓴ. ꓔꓴ ꓡ ꓟ ꓠꓬ ꓮ ꓟꓶ 5 ꓦꓬꓼ ꓛꓲ ꓡ ꓕꓯ ꓲ‐ꓣ ꓗꓴꓷꓼ ꓟꓯꓼ ꓙꓵꓽ ꓢꓲ.. ꓒ 10 ꓣꓳ ꓛꓲ ꓢꓰꓼ ꓟꓶ ꓡꓰ0 ꓐꓰ ꓬꓲ‐ꓢꓷ‐ꓡꓰ ꓟꓯꓼ ꓲꓓꓝ ꓡꓰ ꓐꓯ ꓑꓶ ꓔ ꓡꓳ꓿ ꓲ‐ꓣ ꓐꓴ ꓥ ꓟꓲ ꓓꓣꓳꓠꓰ ꓐꓰ ꓟꓲ ꓦꓲ., ꓡ ꓛꓴꓼ ꓡꓰ ꓐꓶ ꓡ ꓩꓴ ꓡ ꓔꓬ ꓡꓳ꓿ ꓟꓬ ꓠꓬꓲ ꓟ ꓔꓯ ꓠꓬ ꓬꓲ‐ꓢꓷ‐ꓡꓰ ꓟꓵꓽ ꓪꓴ ꓗ, ꓓꓴ ꓲꓣꓳꓠ ꓓꓣꓳꓠꓰ ꓗꓪ ꓐꓰ ꓗ, ꓢꓰꓼ ꓟꓵꓽ ꓪꓴꓽ ꓗꓪ ꓐꓶ., ꓗ, ꓩꓴ_ ꓟ ꓥꓳ꓿ꓖꓳ ꓡꓱ ꓥ ꓟꓲ ꓮ ꓙꓵꓽ ꓟ ꓔꓯ ꓗ, ꓟꓽ ꓐ ꓡ ꓟ ꓑꓶ ꓓꓴ ꓬꓲ‐ꓢꓷ‐ꓡꓰ ꓗꓴꓷꓼ ꓡꓳ ꓒꓱ ꓗꓪ ꓞꓰ ꓡ ꓢꓲ. ꓡ ꓞꓳ ꓫꓵ., ꓢꓴ ꓥ ꓟꓲ ꓙꓳ ꓡ ꓔꓬ ꓡꓳ ꓐꓰ ꓐꓯ ꓡꓳ꓿

ꓠꓬꓲ. ꓠꓬꓲ ꓠꓬ ꓴꓢꓮ ꓗꓴꓷꓼ ꓪꓴ. ꓓꓵ ꓙꓵꓽ ꓢꓴ ꓓꓳ‐ꓠꓯ ꓕ‐ꓣꓽ ꓡꓰ ꓐꓯ_ ꓟ ꓠꓬ ꓲ-ꓣ ꓗꓴꓷꓼ ꓦ ꓡꓱ ꓚꓱꓹ ꓐꓰ ꓗꓴꓷꓼ ꓚꓱꓹ ꓧꓳꓽ ꓢꓴ ꓘ-ꓟꓯ-ꓠꓰ ꓮ ꓗꓪ ꓛꓰ ꓙꓯ ꓔꓬ ꓟ ꓔꓯ ꓥꓪ ꓠꓴ ꓮ ꓙꓵꓽ ꓙ ꓪ ꓡꓳ꓿ ꓠꓴ ꓔꓯ ꓢꓰꓼ ꓠ, ꓟ ꓠꓬ ꓢ ꓢ., ꓥꓳ ꓐꓰ ꓐꓯ ꓡꓳ꓿ ꓝꓮꓲ ꓠꓬ ꓲ‐ꓣ ꓗꓴꓷꓽ ꓟꓵꓽ ꓪꓴꓽ ꓮ ꓙꓵꓽ ꓔꓯ ꓴꓢꓮ ꓡꓰ ꓗ, ꓚꓳꓼ ꓙꓵꓽ ꓔꓬ ꓪ ꓐꓰ ꓐꓯ ꓡꓳ꓿

ꓬꓲ‐ꓢꓷ‐ꓡꓰ ꓗꓴꓷꓼ ꓙꓵꓽ ꓐꓰ‐ꓙꓬ‐ꓟꓲ ꓠꓯ‐ꓔ‐ꓬ‐ꓧꓴꓼ ꓡꓰ ꓐꓯ_ ꓟ ꓠꓬ ꓲ-ꓣ ꓗꓴꓷꓼ ꓦ ꓡꓱ ꓚꓱꓹ ꓐꓰ ꓗꓴꓷꓼ ꓚꓱꓹ ꓧꓳꓽ ꓢꓴ ꓘ-ꓟꓯ-ꓠꓰ ꓔꓯ ꓢꓰꓼ ꓧꓪ.ꓼ ꓡꓰ ꓕ ꓢꓲ. ꓢꓰꓼ ꓡꓯ ꓘꓳ_ ꓟ ꓠꓽ ꓡꓰ ꓐ ꓡ ꓥ ꓐꓰ ꓐꓯ ꓡꓳ꓿ ꓖꓳ ꓡꓱ ꓥ_ ꓟꓲ ꓴꓢꓮ ꓠꓬ ꓖꓳ ꓟ ꓔꓯ ꓓꓵꓽ ꓙ ꓔꓬ ꓢꓰ_ ꓡꓳ꓿

ꓓꓳꓽ ꓚꓰꓼ꓾ ꓣꓰꓴꓔꓰꓣꓢ