ꓴꓢꓮ ꓗꓴꓷꓼ ꓪꓴꓸ ꓓꓵ ꓕ-ꓣꓼ ꓠꓬ ꓢꓳ-ꓓꓲ ꓗꓴꓷꓼ꓾ ꓣꓲ-ꓬꓼ ꓡꓳ ꓒꓱ ꓗꓪ ꓗꓳꓸ ꓗꓷ ꓟ ꓠꓽ ꓠꓬꓲꓽ ꓠꓬꓲ ꓗꓪ ꓫꓸ ꓕꓱ ꓕꓯꓽ ꓠ ꓠꓹ ꓢꓴ ꓐꓴ ꓡꓯ ꓒꓯꓹ ꓓꓶꓽ ꓢꓯꓼ ꓫꓽ ꓫꓽ ꓠꓽ ꓟꓽ ꓫꓳ ꓗꓷ ꓡꓰꓳ꓿
ꓬꓲꓸ ꓫꓸ ꓕꓱ ꓟ ꓗꓪ “ꓐꓶꓽ ꓓꓵꓽ ꓗꓴꓷꓼ ꓐꓴ ꓠꓬ ꓐꓶ ꓓꓳ ꓔꓱꓹ ꓫꓵ ꓗꓴꓷꓼ ꓐꓴ ꓟꓸ ꓟꓲꓽ ꓟꓽ ꓢꓷꓸ ꓢꓷꓸ ꓟꓸ ꓒ ꓬꓰ ꓔꓬ ꓡꓳ꓾ ꓢꓳ-ꓓꓲ ꓟꓲꓸ ꓟꓲ ꓕꓱ ꓡꓱ ꓪꓴꓽ ꓟꓴ ꓡ ꓟ ꓠꓬ ꓐꓶ ꓓꓵꓽ ꓗꓴꓷꓼ ꓐꓴ ꓠꓰ ꓟꓸ ꓒ ꓬꓰ ꓢꓲꓸ ꓪꓴꓽ ꓟꓴ ꓡꓻꓳ ꓫꓵꓽ ꓟꓽ ꓙꓳ꓾ ꓮ-ꓩ-ꓖ-ꓠꓯ-ꓢꓲ-ꓔ꓾ ꓡꓲꓼ-ꓐꓲꓮ꓾ ꓲ-ꓣꓼ ꓗꓴꓷꓼ ꓗꓪ ꓐꓶ ꓓꓵꓽ ꓗꓴꓷꓼ ꓠꓰꓳ ꓚꓳꓠꓢꓰꓣꓦꓮꓔꓲꓦꓰꓢ ꓐꓴ ꓡꓰ ꓒꓴ ꓮ ꓟꓬꓹ ꓟꓶꓽ ꓢꓲꓸ ꓬꓰ ꓙ ꓗꓷ ꓟ ꓮ ꓫꓵꓽ ꓬꓲꓸ ꓢꓶꓽ ꓟꓽ ꓓꓳ ꓡ” ꓐꓰ ꓫꓸ ꓕꓱ ꓕꓯ ꓠ ꓠꓹ ꓢꓴ ꓐꓴ ꓡꓹ ꓛꓲ ꓡꓰ ꓢꓲꓸ ꓡꓯ ꓒꓯꓹ ꓓꓶꓽ ꓢꓯꓼ ꓫꓽ ꓫꓽ ꓠꓽ ꓟꓽ ꓫꓳ ꓗꓪ ꓛꓲ ꓗꓷ ꓡꓰꓳ꓿
ꓕꓱ ꓟ ꓠꓬ ꓴꓢꓮ ꓡꓰ ꓠꓱꓸ ꓐꓯꓼ ꓗꓴꓷꓼ ꓔꓯ ꓙ ꓡꓯ ꓘꓳ ꓡ ꓗꓷ ꓟ ꓡꓲꓽ ꓒꓰꓼ ꓬꓲꓸ ꓡꓵ ꓔꓯ ꓠꓽ ꓩꓴꓳ꓾ ꓐꓯ ꓟ ꓥ ꓡꓳ꓿
