ꓑꓴ-ꓔ-ꓳ꓾ ꓟꓶꓽ-ꓡ-ꓓꓰ ꓘꓹ ꓗꓪ 2025 ꓘꓳꓼ 3 ꓦ 16-17 ꓠꓬꓲ ꓟ ꓘꓴꓽ ꓗꓪ ꓟꓶꓽ ꓖꓶꓽ ꓟ ꓠꓰ ꓞꓳ ꓤ 4 ꓣꓳ ꓢꓰꓼ ꓩꓴ ꓡ ꓢꓲ꓾ ꓦꓲ ꓮ ꓟꓯꓹ ꓛꓬꓹ ꓩꓴꓳ꓾ ꓐꓰ ꓓꓳꓽ ꓜꓳ ꓡꓳ꓿
“ꓮ ꓟꓲ ꓢ ꓘꓪ 3 ꓣꓳ ꓫꓵꓻꓳ꓿ ꓘꓹ ꓖꓴ ꓗꓪ ꓞꓳ ꓟꓳꓽ ꓕꓲꓽ ꓣꓳ꓾ ꓠꓱꓸ ꓐꓯꓼ ꓕꓲ ꓣꓳ ꓟ ꓠꓽ ꓠꓰ ꓮ-ꓒꓴ-ꓢꓯꓸ ꓬꓲꓸ ꓦꓲ ꓢꓲ ꓟ꓿ ꓟꓱꓸ ꓐꓯꓼ ꓕꓲ ꓣꓳ ꓟ ꓠꓽ ꓠꓰ ꓬꓳ-ꓔꓲ-ꓩ ꓬꓲꓸ ꓟ ꓥꓳ꓿” ꓐꓯ ꓡꓳ꓿
ꓟꓶꓽ ꓖꓶꓽ ꓟꓯꓹ ꓠꓬ ꓟꓶ-ꓡ-ꓓꓰ ꓞꓳ ꓘꓹ ꓘꓴꓽ ꓗꓪ ꓓꓵꓽ ꓡ ꓢꓲꓸ ꓕꓱ ꓡꓱ ꓞꓳ ꓢꓰꓼ ꓪ ꓢꓰꓼ ꓡ ꓟ ꓥ ꓡꓳ꓿ ꓦꓲ ꓮ ꓟꓯꓹ ꓛꓬꓹ ꓦꓰꓹ ꓡ ꓢꓲ꓾ ꓪ ꓜꓱꓽ ꓗꓪ ꓓꓯꓻ ꓡꓽ ꓙꓰꓳ꓾ ꓐꓯ ꓡꓳ꓿
ꓟꓶ ꓖꓶꓽ ꓕꓱ ꓕꓲ ꓘꓹ ꓡꓰ 2025 ꓘꓳꓼ 3 ꓦ 16 ꓠꓬꓲ ꓗꓪ 1 ꓣꓳ꓾ 17 ꓠꓬꓲ ꓟꓶ ꓘꓶꓼ ꓗꓪ 3 ꓣꓳ꓾ ꓮ ꓟꓶ ꓗꓪ ꓛꓲ ꓮ ꓙꓵꓽ ꓠꓬ 4 ꓣꓳ ꓢꓰꓼ ꓩꓴ ꓡ ꓟ ꓥ ꓡꓳ꓿ ꓦꓲ ꓥ ꓟꓲ ꓮ ꓟꓬꓹ ꓦꓲ ꓛꓬꓹ ꓩꓴ ꓡ ꓟ ꓥꓳ꓿
“ꓟꓶ ꓖꓶ ꓟ ꓔꓯ ꓟꓲꓸ ꓟꓲ ꓖꓶ ꓟꓽ ꓢꓰꓼ ꓪ ꓐꓯ ꓠꓽ ꓬꓲꓸ ꓐꓶꓹ ꓞꓳ ꓤ ꓢꓰꓼ ꓡ ꓠ ꓔꓸ ꓥ” ꓐꓰ ꓟꓶ-ꓡ-ꓓꓰ ꓘꓹ ꓗꓪ ꓐꓰ ꓓꓳꓽ ꓜꓳ ꓢꓴ ꓡꓰ ꓐꓯ ꓡꓳ꓿
