2025 ꓘꓳꓼ ꓔꓣꓴꓟꓑ ꓗꓴꓷꓼ ꓙꓵ: ꓡ ꓕꓯ ꓬꓲ. ꓪꓴ. ꓕꓲ ꓣꓳ ꓐꓶ: ꓗꓴꓷꓼ ꓗꓪ ꓐꓰ ꓧꓳ: ꓪꓴ. ꓟꓴ ꓢꓴ ꓕꓲ ꓣꓳ ꓔꓯ ꓟꓳ ꓡꓯ ꓘꓳˍ ꓟ ꓠꓬ ꓬꓲ-ꓢꓷ-ꓡꓰ ꓗꓴꓷꓼ ꓙꓵ: ꓢꓲ: ꓒ ꓠꓯ-ꓔ-ꓬ-ꓧꓴ ꓥ ꓡꓳ= ꓬꓲ. ꓔꓯ ꓠꓬ 2ꓦ 5ꓠꓬꓲ ꓕ ꓦꓲ ꓒꓴ ꓒꓴ ꓗꓪ ꓜꓲ ꓡꓯ ꓘꓳ ꓢꓲ. ꓓꓳ: ꓐꓯ ꓑꓶ ꓔꓶ. ꓗꓪ ꓐꓰ ꓔꓣꓴꓟꓑ ꓡꓰ ꓐꓯˍ ꓟ ꓠꓬ ꓖ-ꓜ ꓟꓵ: ꓔꓯ ꓴꓢꓮ ꓡꓰ ꓙꓵ: ꓓꓴ ꓥꓳ ꓐꓯ ꓡꓳ= ꓕꓱ ꓟ ꓔꓯ ꓠꓬ ꓟꓵ: ꓗꓳ ꓓꓵ ꓓꓵ ꓗꓪ ꓟ ꓧꓳ: ꓢꓴ ꓐꓴ ꓠꓬ ꓟ: ꓠꓲꓹ ꓧꓳꓹ ꓐꓰ ꓓ ꓔꓳꓹ ꓩꓴ ꓡ ꓡꓳ=
ꓝꓮꓲ 2 ꓣꓳ ꓕꓲ ꓣꓳ ꓟꓳ ꓡꓯ ꓘꓳˍ ꓟ ꓠꓬ ꓙ-ꓑ ꓢꓲ: ꓒ ꓓꓹ ꓟ ꓲ-ꓫꓲ-ꓐ ꓐꓰ 2 ꓦ 7 ꓠꓬꓲ ꓕꓯ ꓜꓲ ꓡꓯ ꓘꓳ ꓡꓳ= ꓙ-ꓑ ꓧꓳ: ꓢꓴ ꓡꓰ ꓐꓯˍ ꓟ ꓠꓬ ꓴꓢꓮ ꓗꓬꓷꓼ ꓘꓴ ꓗꓪ ꓙ-ꓑ ꓶ ꓡꓯꓹ 1 Trillion Invest ꓬꓰ ꓓꓴ ꓥꓳ ꓐꓰ ꓑ ꓫꓬ ꓐꓴ ꓔꓯ ꓐꓯ ꓟ. ꓖꓶ ꓡꓳ= ꓴꓢꓮ ꓗꓴꓷꓼ ꓙꓵ: ꓔꓣꓴꓟꓑ ꓠꓬ ꓙ-ꓑ ꓐꓴ ꓔꓯ ꓔꓮꓫ ꓬꓲ. ꓐꓶꓹ ꓖꓼ ꓓꓴ ꓟ: ꓐꓯ ꓔꓬ=
