ꓲ-ꓓꓲ-ꓬ ꓗꓴꓷꓼ ꓗꓪ ꓕꓲꓽ ꓟꓲ ꓠꓯ ꓗꓪ ꓞꓳ ꓤ ꓜꓲꓼ ꓡꓳꓹ ꓬꓰ ꓟ ꓦꓲ-ꓓꓴ ꓦ ꓡꓱ ꓚꓱꓹ ꓑꓮꓲ ꓕꓲꓽ ꓟ ꓬꓰ ꓔꓬ ꓡꓳ꓿
ꓑꓮꓲ ꓔꓯ 45 ꓦꓬꓼ ꓬꓰ ꓓꓴ ꓥ ꓢꓲ꓾ ꓟ-ꓧ-ꓗꓴ-ꓐ-ꓟꓲ-ꓡ ꓑꓮꓲ ꓘꓴ ꓡꓳ꓿ ꓬꓲꓸ ꓪ ꓙꓵꓻ ꓚꓱꓹ ꓗꓪ ꓠꓲꓽ ꓠꓬꓲꓽ ꓟ ꓠꓬ “ꓟꓽ ꓫꓵꓻ ꓠꓯ ꓞꓲꓼ” ꓔꓯ ꓟꓴ ꓪꓴꓽ ꓗꓪ ꓦꓴ ꓡꓯ ꓘꓳ ꓕꓯꓽ꓾ ꓟꓲ ꓠꓯ ꓗꓪ 4 ꓝꓯꓹ ꓜꓯꓻ ꓔꓲꓸ ꓬꓰ ꓡꓳ꓿ ꓖꓳ 4 ꓖꓻ ꓗꓪ 12 ꓘꓳꓼ ꓕꓲꓽ ꓧꓪꓸ ꓑꓮꓲ ꓬꓰ ꓢꓲꓸ ꓬꓲꓻ ꓙꓬ ꓗꓪ ꓖꓳ ꓓꓱꓽ ꓔꓲꓹ ꓞꓲꓽ ꓠꓬ ꓤꓶ ꓫꓵ ꓟꓬ ꓫꓵ ꓥꓳ꓾ ꓝꓴꓲ ꓬꓰ ꓔꓸ ꓟ ꓮ ꓙꓵꓽ ꓫꓬꓻ ꓡꓰ ꓥꓳ ꓐꓰ ꓙꓵꓻ ꓡꓳ꓿
ꓖꓳ ꓟ ꓑꓶꓸ ꓓꓴ ꓕꓱ 45 ꓠꓬꓲ ꓑꓮꓲ ꓗꓪ ꓦꓳ ꓓꓴ ꓦ ꓡꓱ ꓢꓴ 400 ꓪꓹ ꓠꓬ ꓬꓲꓻ ꓙꓬ ꓔꓲꓹ ꓞꓲꓽ ꓓꓴ ꓙ ꓖꓶ ꓔꓬ ꓟ ꓥ ꓡꓳ꓿ ꓕꓲꓽ ꓠꓬꓲ ꓗꓪ ꓮ ꓡꓻ 10 ꓪꓹ ꓛꓲ ꓠꓬ ꓖꓲꓸ-ꓖ꓾ ꓬ-ꓟꓳ-ꓠ꓾ ꓔꓴ-ꓬ-ꓔꓲ ꓠꓯ ꓬꓲ ꓝꓱ ꓡ ꓟ ꓕꓲ ꓖꓻ ꓗꓪ ꓬꓲ ꓙꓬ ꓞꓲꓽ ꓓꓴ ꓥ ꓡꓳ꓿
