ꓴꓢꓮ ꓠꓰ ꓟꓬ-ꓟ ꓗꓴꓷꓼ ꓗꓪ ꓟ ꓶ ꓡꓯꓼ ꓜꓴ 3 ꓜꓴ ꓔꓯ ꓑꓲꓸ ꓞꓲꓽ ꓩꓴꓳ꓾ ꓐꓰ USA ꓗꓴꓷꓼ ꓶ ꓡꓯꓼ ꓔꓯꓸ ꓟꓳꓸ ꓜꓴ (US Department of Commerce) ꓗꓪ ꓐꓰ 2023 ꓘꓳꓼ 3 ꓦ 4 ꓠꓬꓲ ꓕꓯꓽ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
ꓑꓲꓸ ꓞꓲꓽ ꓪ ꓡꓰ ꓟ ꓶ ꓡꓯꓼ ꓜꓴ 3 ꓜꓴ ꓠꓬ꓾ Burmese Ministries of Defence and Home Affairs, the Myanmar Economic Corporation, and the Myanmar Economic Holding Limited ꓐꓴ ꓥ ꓡꓳ꓿
ꓕꓱ ꓶ ꓡꓯꓼ ꓜꓴ ꓐꓴ ꓠꓬ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓛꓻ ꓙ ꓟ꓾ ꓗꓴꓷꓼ ꓘꓴꓽ ꓗꓪ ꓜꓲ ꓜꓲ ꓑꓰꓹ ꓑꓰꓹ ꓞꓳ ꓢꓰꓼ ꓪ ꓢꓰꓼ ꓟ ꓒꓬꓱꓼ ꓡ ꓠꓹ ꓟ ꓢꓷꓸ ꓠꓲꓹ ꓚꓴ ꓬꓲꓹ ꓬꓲꓸ ꓫꓵ ꓬꓲ ꓙꓰꓽ ꓗꓪ ꓐꓰ ꓢꓯꓼ ꓖꓶ ꓡꓳ꓾ ꓐꓯ ꓔꓸ ꓡꓳ꓿
ꓑꓲꓸ ꓞꓲꓽ ꓩꓴ ꓡ ꓟ ꓑꓶꓸ ꓓꓴ ꓕꓱ ꓶ ꓡꓯꓼ ꓜꓴ 3 ꓜꓴ ꓠꓬ ꓟꓵ ꓗꓳ ꓓꓵ ꓓꓵ ꓶ ꓡꓯꓼ ꓚꓱꓹ ꓗꓪ ꓶ ꓤ ꓶ ꓟꓲ ꓪꓴꓽ ꓠꓬꓲ꓾ ꓪꓴꓻ ꓠꓬꓲ ꓬꓰ ꓫꓸ ꓡꓰ ꓓꓴ ꓥ ꓡꓳ꓿
ꓝꓮꓲ ꓢꓷ ꓙ ꓠꓡꓟꓴ ꓙ ꓘꓶꓽ ꓗꓪ ꓴꓢꓮ ꓗꓴꓷꓼ ꓠꓬ ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓡꓰ ꓙꓵꓽ ꓪ ꓣꓴ ꓔꓸ ꓟ ꓔꓯ ꓬꓳꓹ ꓢꓲ꓾ ꓑ ꓫꓬ ꓐꓴ ꓕꓲ ꓛꓱꓽ ꓗꓪ ꓦꓰꓼ ꓙ ꓔꓬ ꓡꓳ꓾ ꓐꓯ ꓔꓸ ꓡꓳ꓿
ꓓꓳꓽ ꓬꓲꓸ ꓚꓰ꓾ https://www.commerce.gov/news/press-releases/2021/03/commerce-implements-new-export-controls-burma-and-makes-entity-listꓡꓲꓠꓗ
