ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓐꓰ ꓣ-ꓫꓸ ꓗꓴꓷꓼ ꓪꓴꓸ ꓓꓵ ꓑꓴ-ꓔꓲ ꓐꓴ 2022 ꓘꓳꓼ 9 ꓦ 7 ꓠꓬꓲ ꓕꓯꓽ ꓜꓲ ꓡꓯ ꓘꓳ ꓡꓳ꓿
ꓣ-ꓫꓸ ꓟꓵꓽ ꓗꓪ ꓣꓱꓽ ꓬꓰ ꓔꓬ ꓟ Eastern Economic Forum (EEF) ꓖꓪ ꓙꓱ ꓜꓲꓼ ꓓꓴ ꓗꓪ ꓜꓲꓼ ꓔꓺ ꓟꓶ ꓚꓳꓸ ꓠꓰ ꓜꓲ ꓡꓯ ꓘꓳ ꓟ ꓥ ꓡꓳ꓿
“ꓟꓬ-ꓟ ꓠꓬ ꓣ-ꓫ ꓐꓱ ꓶ ꓦ ꓡꓱ ꓐꓳ ꓓˍ ꓟ ꓛꓳ ꓒꓯꓹ ꓗꓴꓷꓼ ꓕꓲ ꓟ ꓥ ꓡꓳ” ꓐꓰ ꓑꓴ-ꓔꓲ ꓡꓰ ꓫꓸ ꓕꓱ ꓡꓳ꓿ ꓝꓮꓲ “ꓑꓴ-ꓔꓲ ꓠꓬ ꓔꓱꓹ ꓔꓱꓹ ꓜꓳ ꓜꓳ ꓟꓬꓱꓽ ꓬꓰ ꓔꓬ ꓟ ꓟꓲ ꓠꓯ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓢꓴ ꓥꓳ” ꓐꓰ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓡꓰ ꓒꓵꓽ ꓗ ꓫꓸ ꓕꓱ ꓡꓳ꓿
ꓣ-ꓫꓸ ꓡꓰ ꓬꓰ ꓙ ꓢꓲꓸ ꓟꓬ-ꓟ ꓗꓴꓷꓼ ꓗꓪ ꓠꓴ-ꓗ-ꓡꓲ-ꓬ ꓮ ꓔꓳꓸ ꓢꓯꓼ ꓦꓲ ꓫꓬꓹ ꓚꓱꓹ ꓥ ꓟꓳ ꓖꓪ ꓙꓱ ꓔꓸ ꓡꓳ꓿
ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓠꓬ ꓟꓬ-ꓟ ꓗꓴꓷꓼ ꓙꓵꓽ ꓪ ꓣꓴ ꓗꓷ ꓗꓸ ꓠꓯꓸ ꓣ-ꓫꓸ ꓟꓵꓽ ꓗꓪ 3 ꓧꓪꓹ ꓕꓲꓽ ꓧꓪꓹ ꓛꓲ ꓬꓰˍ ꓟ ꓕꓱ ꓕꓲꓽ ꓧꓪꓹ ꓗꓪ ꓣ-ꓫꓸ ꓪꓴꓸ ꓓꓵ ꓑꓴ-ꓔꓲ ꓔꓯ ꓬꓲꓸ ꓪꓴꓸ ꓕꓲꓽ ꓧꓪꓹ ꓜꓲ ꓡꓯ ꓘꓳ ꓪˍ ꓟ ꓥ ꓡꓳ꓿
