ꓮꓳꓽ-ꓢ-ꓢꓴ-ꓚꓰꓽ ꓔꓯ ꓟꓯꓼ ꓗꓳ-ꓢꓰ ꓡꓰꓽ ꓠꓯ-ꓑꓲ-ꓓꓳ ꓐꓱ ꓓꓴꓽ ꓗꓪ ꓦꓲ ꓬꓲꓸ ꓫꓳꓽ ꓫꓬꓹ ꓢꓲꓸ ꓡꓴꓽ ꓩꓴ ꓗꓷ ꓗꓸ ꓠꓯꓸ ꓧꓶꓸ ꓕꓯꓽ ꓬꓲꓸ ꓔꓺ ꓔꓲ ꓔꓬꓹ ꓢꓴ 8 ꓣꓳ ꓐꓰ꓾ ꓮꓸ ꓠꓽ 1 ꓘꓹ ꓠꓬ 2022 ꓘꓳꓼ 7 ꓦ 4 ꓠꓬꓲ ꓕꓯꓽ ꓬꓥ-ꓖꓳꓥ ꓦꓲ ꓗꓪ ꓚꓲꓸ ꓛꓲ ꓡꓻꓳ꓿
ꓮꓳ-ꓢ-ꓢꓴ-ꓚꓰꓽ ꓔꓯ ꓠꓬ ꓬꓲꓸ ꓕꓲꓽ ꓣꓳ ꓔꓵꓸꓼ ꓬꓲꓸ ꓫꓳꓽ ꓡꓴꓽ ꓔꓸ ꓙꓰˍ ꓟ ꓥ ꓢꓲ꓾ ꓧꓶꓸ ꓕꓯꓽ ꓬꓲ ꓔꓺ ꓔꓲ ꓔꓬ ꓢꓴ ꓐꓴˍ ꓐꓰ꓾ ꓬꓲꓸ ꓠꓲꓹ ꓠꓵˍ ꓟ ꓔꓮꓲ-ꓛꓰ-ꓓꓳ ꓟꓬꓱꓺ ꓔꓸ ꓟ ꓮꓸ ꓠꓽ ꓥ ꓟꓲ ꓬꓥ-ꓖꓳꓥ ꓗꓪ ꓧꓳꓽ ꓡꓽ ꓡˍ ꓟ ꓥ ꓡꓳ꓿
ꓧꓶꓽ ꓗꓴꓷꓼ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓪ-ꓬꓲꓼ ꓠꓬ ꓗꓴꓷꓼ ꓢꓲ ꓡꓲꓹ ꓡ ꓠꓹ ꓟ ꓖꓪ ꓙꓱ ꓠ ꓔꓸ ꓢꓴ ꓮ ꓙꓵꓽ ꓖꓪ ꓙꓱ ꓡꓯ ꓘꓳ ꓐꓯˍ ꓡꓳ꓿
ꓝꓮꓲ ꓟꓬ-ꓟ ꓐꓱ ꓶ ꓮ-ꓢꓰ-ꓬ ꓝꓲ ꓓꓴ ꓢꓳꓼ-ꓘꓳꓸ ꓠꓬ ꓮꓳ-ꓢ-ꓢꓴ-ꓚꓰꓽ ꓔꓯ ꓜꓲ ꓠꓲꓹ ꓫꓵˍ ꓡꓳ꓾ ꓐꓰ ꓓꓰꓽ ꓔꓸ ꓥ ꓟꓲ ꓟꓯꓼ ꓗꓳ-ꓢꓰ ꓡꓰ ꓟꓽ ꓜꓲ ꓝꓲ ꓢꓰꓽ꓿
