ꓟꓬ-ꓟ ꓗꓴꓷꓼ ꓗꓪ 2021 ꓘꓳꓼ 2 ꓦ 1 ꓠꓬꓲ ꓗꓪ ꓐꓰ ꓟꓯꓼ ꓡꓰ ꓙꓵꓽ ꓡ ꓟ ꓔꓯ ꓒꓳꓹ ꓔꓳꓹ ꓟ ꓑꓶꓸ ꓓꓴ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓢꓴ 1200 ꓣꓳ ꓟꓽ ꓞꓲ ꓗꓪ ꓐꓰ ꓫꓵꓻ ꓝꓴꓲꓸ ꓐꓰ ꓕꓲ ꓞꓲꓼ ꓡꓴꓽ ꓝꓴꓲꓸ ꓐꓯ ꓞꓷꓹ ꓪ ꓡꓰ ꓢꓴ 209 ꓣꓳ ꓙꓳˍ ꓡꓳ꓾ ꓐꓰ (ISP-Myanmar) ꓡꓰ 2022 ꓘꓳꓼ 6 ꓦ 6 ꓠꓬꓲ ꓕꓯꓽ ꓢꓓ ꓙ ꓟꓴ ꓙ ꓩꓴ ꓡ ꓡꓳ꓿
ꓫꓵꓻ ꓝꓴꓲꓸ ꓙꓳˍ ꓡꓳ ꓐꓰ ꓫꓵꓽ ꓘꓶꓽ ꓟꓶ ꓔꓸ ꓢꓴ 202 ꓣꓳ ꓠꓬ ꓬꓥ-ꓖꓳꓥ ꓗꓪ ꓐꓰ ꓥ ꓢꓲꓸ ꓠꓱꓸ ꓐꓯꓼ 7 ꓣꓳ ꓠꓬ ꓲ-ꓬ-ꓪ-ꓓꓰ ꓟꓵꓽ ꓫꓴ ꓗꓪ ꓐꓰ ꓥ ꓡꓳ꓿
ꓫꓵꓻ ꓝꓴꓲꓸ ꓫꓵꓽ ꓘꓶꓽ ꓟꓶ ꓔꓸ ꓢꓴ ꓐꓴ ꓗꓪ ꓐꓰ ꓬꓥ-ꓖꓳꓥ ꓗꓪ ꓙꓳˍ ꓟ ꓟꓬꓮꓳꓼ-ꓳꓼ-ꓗ-ꓡ ꓡꓳ ꓒꓱ ꓠꓬ ꓠꓳꓸ 1꓾ ꓡꓮꓲꓽ-ꓔ-ꓬ ꓡꓳ ꓒꓱ ꓠꓬ ꓠꓳꓸ 2 ꓖꓼ ꓔꓬ ꓡꓳ꓿
ꓫꓵꓻ ꓝꓴꓲꓸ ꓖꓶꓽ ꓗꓷ ꓢꓴ ꓐꓴ ꓗꓪ ꓐꓰ ꓙꓲ-ꓟꓲ꓾ ꓒꓬꓳꓸ-ꓜꓯ-ꓬ-ꓔꓳ꓾ ꓡꓼ-ꓟꓬꓳꓹ-ꓮꓳꓽ꓾ ꓮꓳꓽ-ꓔꓴ-ꓬ-ꓜꓳꓽ ꓐꓴ ꓔꓯ ꓟꓽ ꓓꓽ ꓟꓽ ꓢꓽ ꓢꓰꓼ ꓠꓹ ꓟ ꓟꓯꓼ ꓙꓵꓽ ꓪ ꓙꓳ ꓢꓴ ꓐꓴ ꓙꓽ ꓖꓶꓽ ꓖꓴ ꓡꓰꓳ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓟ ꓗꓪ ꓐꓰ꓾ ꓴꓢꓮꓹ ꓩꓽ ꓗꓴꓷꓼ꓾ ꓐꓰ ꓟꓲ ꓠꓯ ꓗꓴꓷꓼ ꓜꓴ ꓐꓴ ꓡꓰꓽ ꓗꓴꓷꓼ ꓚꓱꓹ ꓑꓶꓸ ꓓꓴ ꓖꓳ ꓡꓱ ꓬꓰ ꓟꓽ ꓓ ꓐꓰ ꓕꓼ ꓔꓬ ꓡꓳ꓿
ꓩꓽ ꓗꓴꓷꓼ ꓡꓰ ꓬꓲꓸ ꓡꓲꓽ ꓟꓽ ꓜꓳꓽ ꓜꓳꓽ ꓙꓵꓽ ꓔꓬ ꓟ ꓟꓬ-ꓟ ꓟꓯꓼ (Illigitimate Military Regime) ꓐꓯ ꓢꓲꓸ ꓕꓼ ꓩꓴ ꓡˍ ꓟ ꓘꓶꓽ ꓔꓯ ꓟꓬ-ꓟ ꓟꓯꓼ ꓘꓴ ꓣꓴ ꓟꓽ ꓐ ꓡ ꓐꓰ ꓔꓳꓹ ꓡꓽ ꓩꓴ ꓡ ꓡꓳ꓿
