ꓲ-ꓖꓲ-ꓡꓲꓼ ~ ꓡꓲ-ꓢꓴ ꓥꓳꓽ ꓢꓳ ꓓꓴ English to Lisu Android App ꓕꓲ ꓟ ꓲ-ꓓꓲ-ꓬ ꓗꓴꓷꓼ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓡꓰ ꓙꓽ ꓖꓶ ꓢꓲꓸ ꓬꓲꓸ ꓪꓴꓸ ꓕꓲ ꓧꓪꓹ ꓫꓬꓹ ꓓꓳ ꓩꓴ ꓡ ꓡꓳ꓿
“Congratulations! ꓮ ꓘꓶꓸ ꓜꓳ ꓬꓰꓳ ꓟꓽ꓿ ꓟꓬꓱ ꓓꓳꓽ ꓖꓶˍ ꓥꓳ” ꓐꓰ ꓡꓲ-ꓢꓴ ꓤꓶ (the Lisu Times) ꓔꓶꓺ ꓧꓳꓽ ꓢꓴ ꓮ-ꓓꓶꓸ-ꓙꓬ ꓡꓰ ꓫꓱꓸ ꓖꓶ ꓩꓴ ꓡ ꓡꓳ꓿
ꓕꓳ ꓶ ꓢꓳ ꓚꓱꓹ ꓜꓯꓻ ꓢꓴ ꓠꓬ Biyo Lisu ꓥ ꓡꓳ꓿ ꓬꓲꓸ ꓠꓬ Facebook, YouTube, Websites, WeChat ꓡꓲꓳ ꓫꓵꓽ application platforms ꓗꓪ ꓐꓰ ꓡꓲ-ꓢꓴ ~ ꓲ-ꓖꓲ-ꓡꓲꓼ ꓥꓳꓽ ꓫꓵꓽ ꓟꓸ ꓖꓶꓽ ꓔꓬ ꓢꓴ ꓕꓲ ꓣꓳ ꓥ ꓢꓲ꓾ ꓮ ꓟꓶ ꓟꓬ Android Application ꓗꓪ ꓬꓲꓸ ꓪꓴꓸ ꓕꓲꓽ ꓧꓪꓹ ꓫꓬꓹ ꓓꓳ ꓩꓴ ꓡˍ ꓟ ꓥ ꓡꓳ꓿
“ꓩꓴꓸ ꓕꓲ ꓟ ꓙꓳ꓾ Internet ꓙꓳˍ ꓕꓽ ꓥꓳꓽ ꓫꓵꓽ ꓢꓳ ꓙꓲ ꓬꓰꓳ꓿ ꓧꓶꓸ ꓕꓯˍ ꓡꓰ ꓟꓽ ꓫꓸ ꓬꓰꓳ꓿ ꓢꓲꓽ ꓢꓲꓽ ꓢꓳ ꓔꓯꓺ ꓢꓲꓸ ꓙꓲ ꓙꓲ ꓟꓬꓱꓽ ꓬꓰ ꓙꓰ ꓡꓯ꓿ Google Play Store ꓗꓪ ꓐꓰ ꓣꓳ ꓩꓴꓸ ꓗꓪ ꓚꓲꓹ ꓗꓶꓺ ꓢꓲꓸ ꓢꓳ ꓪ ꓡꓰ ꓝꓲ ꓡꓯ” ꓐꓰ ꓢꓳ ꓚꓱꓹ ꓕꓳ ꓶ ꓐꓳ ꓢꓴ ꓐꓰ ꓟꓸ ꓖꓶꓽ ꓢꓴ Biyo Lisu ꓡꓰ ꓐꓯ ꓡꓳ꓿
ꓙꓼ ꓪꓴꓸ ꓠꓷꓸ ꓚꓱꓹ ꓗꓪ ꓜꓯꓻ ꓢꓴ ꓠꓬ Android Application ꓜꓯꓻ ꓚꓱꓹ ꓗꓪ ꓢꓷꓸ ꓠꓲꓹ ꓙꓳ ꓢꓴ Lar May See ꓥ ꓡꓳ꓿
ꓢꓳ ꓚꓱꓹ ꓔꓯ ꓟꓳꓸ ꓠꓬ Education, Grammar, Idioms and Phrases, Short Sentences, Videos, Words Meaning ꓐꓯ ꓢꓲꓸ ꓬꓲꓸ ꓩꓴꓸ ꓓꓽ ꓟ ꓒꓯꓽ ꓔꓸ ꓡꓳ꓿ ꓕꓳ ꓶ ꓝꓳꓹ ꓡꓰꓽ ꓟꓽ ꓞꓲ꓾ ꓬꓲꓸ ꓢꓯꓼ ꓥ ꓟꓲ꓾ ꓬꓲꓸ ꓐꓬꓱꓽ ꓥ ꓟꓲ ꓜꓯꓻ ꓔꓸ ꓡꓳ꓿
21 ꓦ ꓜꓴ ꓘꓳꓼ ꓗꓪ ꓡꓲ-ꓢꓴ ꓐꓴ ꓠꓬ ꓚꓲꓸ ꓛꓬ ꓔꓬ ꓟ ꓗꓴꓷꓼ ꓥꓳꓽ ꓫꓵꓽ ꓥ ꓟ ꓧꓶꓽ꓾ ꓲ-ꓓꓲ-ꓬ꓾ ꓟꓬ-ꓟ꓾ ꓕꓮꓲꓹ ꓥꓳꓽ ꓢꓳˍ ꓟ ꓡꓰ ꓐꓰ ꓕꓲꓽ ꓟꓲ ꓠꓯ ꓙ ꓡꓯ ꓘꓳ ꓙꓲˍ ꓟ ꓲ-ꓖꓲ-ꓡꓲꓼ ꓥꓳꓽ ꓔꓯˍ ꓟꓲ ꓢꓳ ꓪꓴꓸ ꓔꓴ ꓡ ꓟ ꓗꓪ ꓕꓱ ꓟ ꓠꓬ ꓬꓰ ꓙ ꓓꓴ ꓓꓽ ꓟ ꓕꓲ ꓚꓱꓹ ꓥ ꓡꓳ꓿
Google Playstore ꓥˍ ꓠꓬ ꓕꓱ ꓗꓪ ꓙꓰ ꓢꓲꓸ ꓩꓴꓸ ꓗꓪ install ꓬꓰ ꓪ ꓓ ꓡꓳ꓿ https://play.google.com/store/apps/details?id=com.larmaysee.english_lisu_learninghttps://play.google.com/store/apps/details?id=com.larmaysee.english_lisu_learning
