ꓙꓵꓽ ꓪ ꓦꓴ ꓟꓯꓼ ꓜꓲꓽ ꓐꓴ ꓦꓲ ꓐꓰ ꓐꓱꓻ ꓔꓯ ꓠꓴꓖ ꓡꓰ ꓪꓴꓽ ꓠꓹ ꓟ ꓐꓱ ꓶ Page ꓐꓰ Website ꓔꓯ 2022 ꓘꓳꓼ 4 ꓦ 29 ꓠꓬꓲ ꓕꓯ ꓒꓴ ꓪꓴꓸ ꓔꓴ ꓩꓴ ꓡ ꓡꓳ=
ꓟꓬꓱꓽ ꓑꓶꓸ ꓕꓯ ꓟ ꓔꓯ End of Dictatorship ꓟꓬꓱꓺ ꓖꓶꓽ ꓔꓸ ꓢꓲ꓾ ꓠꓴꓖ ꓗꓴꓷꓼ ꓙꓵꓽ ꓜꓴ ꓗꓪ ꓐꓰ ꓚꓴ ꓬꓲꓹ ꓓꓶꓽ ꓩꓴ ꓡ ꓟ ꓚꓱꓹ ꓕꓲ ꓟ ꓥ ꓡꓳ=
ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓦꓲ
“ꓟꓬꓱꓽ ꓑꓶꓸ ꓕꓱ ꓟ ꓠꓬ ꓑ ꓫꓬ ꓙꓵꓽ ꓪ ꓔꓯ ꓮ ꓟ_ ꓟꓲ ꓜꓲ ꓜꓲ ꓑꓰꓹ ꓑꓰꓹ ꓦꓴ ꓪ ꓟꓽ ꓓ꓾ ꓑ ꓫꓬ ꓟꓽ ꓠꓵ ꓒꓴ ꓠꓬ ꓮ ꓡꓲꓳ ꓫꓵꓽ ꓜꓲ ꓜꓲ ꓑꓰꓹ ꓑꓰꓹ ꓬꓰ ꓢꓴ ꓧꓳꓽ ꓪꓴꓸ ꓟꓴ ꓢꓴ ꓥ ꓟꓲ ꓢꓯꓸ ꓔꓬ ꓙꓳ ꓔꓬ ꓪ ꓟꓽ ꓓ ꓐꓯ_ ꓟ ꓢꓷꓸ ꓡꓰ ꓚꓱꓹ ꓕꓲ ꓟ ꓥ ꓡꓳ= ꓝꓮꓲ ꓒꓳꓹ ꓔꓳꓹ ꓟꓬꓱꓽ ꓗꓪ ꓣꓱꓽ ꓬꓯꓼ ꓟ ꓒꓴ ꓫꓵꓺ ꓧꓪ_ ꓟ_ ꓟꓲ ꓥ ꓡꓳ” ꓐꓰ ꓠꓴꓖ ꓢꓲꓽ ꓒ ꓔꓲ-ꓕꓴꓸ-ꓠꓮꓲꓽ ꓡꓰ ꓐꓯ ꓡꓳ=
ꓮ ꓟꓶ ꓒꓴ ꓔꓸ ꓟ facebook Page ꓐꓰ Websites ꓠꓬ꓾ End of Dictatorship Facebook Page( https://m.facebook.com/The-End-of-Dictatorship-101477375892630/ ) ꓐꓰ꓾ www.endofdictatorship.com ꓐꓴ ꓥ ꓡꓳ=
ꓰꓸ-ꓬꓸ ꓙ ꓖꓴ ꓗꓪ ꓙꓳ_ ꓟ ꓟ ꓦꓲ ꓠꓳꓸ 14 ꓠꓬ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳꓽ-ꓡꓮꓲꓽ ꓦꓲ ꓥ ꓢꓲ꓾ ꓖꓳ ꓟ ꓔꓯ ꓟꓲꓸ ꓕꓯꓽ ꓮ ꓟ_ ꓟꓲ ꓪꓴꓽ ꓖꓰꓼ ꓠꓻ ꓛꓲ share ꓬꓰ ꓢꓲꓸ ꓪꓴꓽ ꓪꓴꓸ ꓔꓴ ꓓꓴ ꓥꓳ ꓐꓯ ꓡꓳ=
