ꓠꓴꓖ ꓢꓲꓽ ꓒꓽ ꓮꓳ-ꓟꓬꓳꓹ-ꓟꓰꓹ (Aung Myo Min) ꓐꓰ꓾ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓟ ꓴꓢꓮ ꓝꓲ ꓓꓴ ꓓꓽ ꓟ ꓡꓲ-ꓓ (Ms.Linsa Thomas-Greenfield) ꓐꓴ 2022 ꓘꓳꓼ 4 ꓦ 14 ꓠꓬꓲ ꓕꓯꓽ ꓜꓲ ꓡꓯ ꓘꓳ ꓡꓳ꓿
“ꓟꓬ-ꓟ ꓟꓯꓼ ꓔꓯ ꓟꓸ ꓙꓽ ꓚꓱꓹ ꓟꓬꓽ ꓠꓬꓲ ꓢꓯꓼ ꓙꓳ ꓡ ꓠꓹ ꓟ ꓬꓰ ꓙ ꓓꓴ ꓥꓳ” ꓐꓰ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓟ ꓴꓢꓮ ꓝꓲ ꓓꓴ ꓓꓽ ꓟ Ms.Linsa Thomas-Greenfield ꓡꓰ ꓐꓯˍ ꓡꓳ꓾ ꓐꓯ ꓢꓲꓸ ꓠꓴꓖ ꓢꓲꓽ ꓒꓽ ꓮꓳ-ꓟꓬꓳꓹ-ꓟꓰꓹ ꓡꓰ ꓐꓯˍ ꓡꓳ꓿
ꓜꓲꓼ ꓓꓴ ꓖꓳ ꓟ ꓗꓪ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓟ ꓟꓬ-ꓟ ꓗꓴꓷꓼ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ (Kyaw Moe Tun) ꓥ ꓟꓲ ꓔꓺ ꓔꓬ ꓡꓳ꓿
ꓠꓴꓖ ꓢꓲꓽ ꓒꓽ ꓮꓳ-ꓟꓬꓳꓹ-ꓟꓰꓹ (Aung Myo Min) ꓐꓰ ꓬꓲꓸ ꓛꓳ ꓒꓯꓹ ꓕꓲ ꓜꓴ ꓠꓬ꓾ 2022 ꓘꓳꓼ 4 ꓦ 4 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓴꓢꓮ ꓗꓴꓷꓼ ꓙꓵꓽ ꓜꓴ ꓢꓲꓽ ꓒꓽ ꓢꓲ ꓟ ꓐꓴ ꓔꓯ ꓜꓲ ꓡꓯ ꓘꓳ꓾ ꓫꓸ ꓪ ꓖꓪ ꓙꓱ ꓡꓯ ꓘꓳ ꓔꓬ ꓟ ꓥ ꓡꓳ꓿
