ꓠꓴꓖ ꓡꓰ ꓘꓴ ꓩꓴ ꓡ ꓟ ꓖꓪ ꓙꓱ ꓖꓪ ꓟꓴ ꓚꓱꓹ ꓔꓯ ꓘꓳ ꓣꓴ ꓢꓲ꓾ ꓣ-ꓘꓮꓲ ꓟꓵꓽ ꓗꓪ ꓟꓬ-ꓟ ꓟꓯꓼ ꓐꓴ ꓡꓰ ꓴꓡꓮ/ꓮꓮ ꓔꓯ ꓘꓶ ꓡꓶꓽ ꓡ ꓠꓬ ꓟꓯꓼ ꓢꓰꓼ ꓡꓯ ꓘꓳ ꓠ ꓗ ꓡ ꓥꓳ ꓐꓰ 2022 ꓘꓳꓼ 4 ꓦ 5 ꓠꓬꓲ ꓕꓯꓽ ꓬꓰˍ ꓟ ꓓꓳꓽ ꓐꓯ ꓑꓶ ꓜꓲꓼ ꓓꓴ ꓗꓪ ꓮꓮ ꓟꓯꓼ ꓬꓲꓸ ꓛꓲ ꓟꓯꓼ ꓜꓲꓽ ꓘꓮꓲꓽ-ꓔꓴ-ꓘꓼ ꓡꓰ ꓐꓯ ꓩꓴ ꓡ ꓡꓳ꓿
2020 ꓘꓳꓼ ꓗꓪ ꓐꓰ ꓕ ꓑꓳꓸ ꓟꓯꓼ ꓢꓰꓼ ꓠꓽ ꓡꓰˍ ꓟ ꓣ-ꓘꓮꓲ ꓟꓵꓽ ꓗꓪ ꓟꓯꓼ ꓘꓶꓽ ꓙꓳ ꓡ ꓚꓱꓹ ꓟꓳꓸ ꓙꓰ ꓔꓬ꓿ ꓮ ꓫꓵ ꓑꓶꓸ ꓓꓴ ꓐꓯ ꓠꓬ꓾ ꓴꓡꓮ/ꓮꓮ ꓡꓰ ꓙꓵꓽ ꓚꓱꓹ ꓟꓴ ꓚꓱꓹ꓾ ꓫꓵꓽ ꓘꓶꓽ ꓚꓱꓹ ꓬꓰ ꓔꓬ ꓟ ꓗꓪ ꓟꓬ-ꓟ ꓟꓯꓼ ꓡꓰ ꓗꓽ ꓔꓸ ꓔꓬ ꓟ ꓑꓶꓸ ꓓꓴ ꓟꓯꓼ ꓘꓶꓽ ꓜꓲꓽ ꓡꓯ ꓘꓳ ꓓꓴ ꓒꓬꓱꓼ ꓡ ꓔꓬ ꓡꓳ꓿
“ꓕꓱ ꓡꓱ ꓡꓯ ꓫꓵ ꓘꓶ ꓡꓶꓽ ꓥꓳ ꓐꓯ ꓐꓶ ꓡꓯ ꓘꓳ ꓠ ꓗ ꓡ ꓥꓳ” ꓐꓰ ꓟꓯꓼ ꓜꓲꓽ ꓘꓮꓲꓽ-ꓔꓴ-ꓶꓼ ꓡꓰ ꓐꓯ ꓡꓳ꓿
ꓝꓮꓲ ꓠꓴꓖ ꓗꓴꓷꓼ ꓙꓵꓽ ꓜꓴ ꓡꓰ ꓖꓪ ꓙꓱ ꓖꓪ ꓟꓴ ꓠꓹ ꓟ ꓘꓴ ꓡ ꓟ ꓔꓯ ꓘꓳ ꓣꓴˍ ꓡꓳ꓾ ꓐꓰ ꓐꓯ ꓡꓳ꓿
ꓮꓮ ꓠꓬ ꓟꓬ-ꓟ ꓟꓯꓼ ꓐꓰ꓾ ꓠꓴꓖ ꓠꓬꓲꓽ ꓗꓳꓸ ꓚꓸ ꓗꓪ ꓦꓰꓼ ꓔꓬ ꓟ ꓥ ꓢꓲ꓾ ꓬꓲꓸ ꓚꓲ ꓛꓬ ꓔꓶ ꓙꓱꓼ ꓠꓬ ꓣ-ꓘꓮꓲꓽ ꓟꓵꓽ ꓬꓯ Confederate State ꓕꓲ ꓙꓶ ꓗꓪ ꓛꓲ ꓡꓲꓹ ꓙꓰ ꓟꓶ ꓠꓹ ꓟ ꓥ ꓡꓳ꓾ ꓐꓯ ꓔꓸ ꓡꓳ꓿
ꓮꓮ ꓟꓯꓼ ꓠꓬ 2009 ꓘꓳꓼ 4 ꓦ 10 ꓠꓬꓲ ꓗꓪ ꓐꓰ ꓔꓶ ꓪꓴꓸ ꓔꓴ ꓔꓸ ꓢꓲ꓾ ꓮ ꓟꓶ ꓠꓬ ꓟꓬ-ꓟ ꓗꓴꓷꓼ ꓗꓪ ꓮ ꓘꓶꓸ ꓪꓽ ꓠꓬꓲˍ ꓟ ꓟꓯꓼ ꓕꓲ ꓜꓴ ꓒꓬꓱꓼ ꓡ ꓔꓬ ꓟ ꓥ ꓡꓳ꓿
