ꓣ-ꓫꓸ ꓔꓯ ꓔꓳꓹ ꓧꓪꓸ ꓬꓰˍ ꓟ ꓐꓴ-ꓛ ꓡꓳ ꓒꓱ꓾ ꓣ-ꓫꓸ ꓟꓯꓼ ꓠꓰ ꓬꓴ-ꓗ-ꓣꓲꓸ ꓑ ꓫꓬ ꓬꓲꓸ ꓜꓴ ꓬꓲꓸ ꓟꓯꓼ ꓢꓰꓼ ꓗꓷ ꓟ ꓡꓳ ꓒꓱ ꓗꓪ 2022 ꓘꓳꓼ 4 ꓦ 4 ꓠꓬꓲ ꓕꓯꓽ ꓬꓴ-ꓗ-ꓣꓲꓸ ꓗꓴꓷꓼ ꓙꓵꓽ ꓢꓴ ꓗꓪ ꓜ-ꓡꓯ ꓢꓲ-ꓗꓲ ꓙꓰ ꓛꓲ ꓬꓰꓳ꓿
“ꓑ ꓫꓬ 300 ꓣꓳ ꓛꓲ ꓣ-ꓫꓸ ꓡꓰ ꓢꓰꓼ ꓗꓷꓳ ꓐꓶ” ꓐꓰ꓾ Bucha ꓡꓳ ꓒꓱ ꓙꓵꓽ ꓢꓲꓽ ꓒꓽ Anatoliy Fedoruk ꓡꓰ ꓐꓯ ꓡꓳ꓿
“ꓓꓳꓽ ꓕꓱ ꓟ ꓟꓽ ꓚꓽ” ꓐꓰ ꓣ-ꓫꓸ ꓟꓯꓼ ꓐꓱ ꓶ ꓫꓸ ꓕꓱ ꓢꓴ Dmitry Peskov ꓡꓰꓽ ꓡꓯꓽ ꓔꓯ ꓩꓴ ꓡ ꓡꓳ꓿
ꓖꓳ ꓡꓱ ꓥ ꓟꓲ ꓟꓯꓼ ꓟꓳ-ꓓꓳ ꓬꓲꓸ ꓧꓶꓽ ꓜꓴ ꓠꓴ ꓙꓬ ꓦꓹ ꓟ ꓐꓰ꓾ ꓡ ꓞꓳ ꓮ ꓟꓬꓹ ꓔꓵꓸ ꓔ ꓟ ꓡꓱ ꓜꓳ ꓧꓪ ꓟꓳˍ ꓡꓳ꓿ ꓕꓲ ꓐꓱ ꓔꓯ ꓠꓬ ꓡꓯ ꓒꓯꓹ ꓠꓬꓲꓽ ꓐꓽ ꓡꓯꓽ ꓟꓰꓹ ꓞꓳꓹ ꓢꓲꓸ ꓢꓰꓼ ꓔꓸ ꓟ ꓡꓳꓸ ꓟꓳˍ ꓡꓳ꓿
“ꓓꓳꓽ ꓐꓳ ꓢꓴ ꓐꓴ ꓕꓱ ꓗꓪ ꓛꓲ ꓡ ꓓꓴ ꓟ ꓮ ꓘꓶꓸ ꓜꓳ ꓪ꓿ ꓣ-ꓫꓸ ꓐꓴ ꓠꓰ ꓟꓶ ꓛꓸ ꓟꓶ ꓛꓸ ꓮ ꓡꓲ ꓫꓹ ꓦꓰꓹ ꓓꓴ ꓟ ꓟꓲ ꓠꓯ ꓔꓯ ꓟꓳꓸ ꓖꓶ” ꓐꓰ ꓬꓴ-ꓗ-ꓣꓲꓸ ꓗꓴꓷꓼ ꓙꓵꓽ ꓢꓴ ꓗꓪ ꓜ-ꓡꓯ ꓢꓲ-ꓗꓲ ꓡꓰꓽ ꓐꓯ ꓡꓳ꓿
ꓝꓮꓲ ꓑ ꓫꓬ ꓐꓴ ꓔꓯ ꓬꓰ ꓙ ꓡꓳꓸ ꓙ ꓖꓴ ꓗꓪ ꓢꓯꓼ ꓖꓶꓽ ꓢꓲ꓾ ꓡꓳ ꓒꓱ ꓙꓵꓽ ꓢꓲꓽ ꓒꓽ Anatoliy Fedoruk ꓔꓯ ꓑꓶꓸ ꓒꓽ ꓟꓬꓱ ꓓꓳꓽ ꓡꓯꓼ ꓫꓴ ꓖꓶ ꓡꓳ꓿
ꓗꓲ-ꓬꓯꓼ ꓟꓵꓽ (kyiv) ꓬꓴ-ꓗ-ꓣꓲꓸ ꓐꓴ ꓢꓯꓼ ꓟ ꓑꓺ ꓢꓲꓸ ꓚꓲ ꓛꓬ ꓟꓵꓽ ꓔꓯ ꓗꓽ ꓔꓬ ꓠꓬꓲ ꓣ-ꓫꓸ ꓐꓴ ꓢꓰꓼ ꓕꓴꓸ ꓟꓽ ꓖꓰꓼ ꓢꓲ꓾ ꓘꓱꓹ ꓡꓽ ꓔꓬ ꓟ ꓦꓬꓼ ꓠꓬꓲ ꓥ ꓡꓳ꓿
ꓬꓲꓸ ꓚꓰ꓾ Radio Free Europe, BBC, Aljazeera, President of Ukraine
