ꓬꓲ ꓟꓶꓻ ꓗꓳ-ꓣꓲ-ꓬꓸ (south Korea) ꓡꓰꓽ ꓟꓵꓽ ꓪꓴꓽ ꓓꓳꓹ ꓦꓲ (space rocket) ꓕꓲ ꓟ ꓔꓯ 2022 ꓘꓳꓼ 3 ꓦ 30 ꓠꓬꓲ ꓕꓯꓽ ꓚ ꓟꓲꓽ ꓗꓪ ꓬꓲꓸ ꓪꓴꓸ ꓕꓲ ꓧꓪꓹ ꓮ ꓫꓵꓽ ꓘꓶ ꓡꓶꓽ ꓓꓴ ꓟꓽ ꓙꓳ ꓐꓶ ꓩꓴ ꓗꓷꓳ ꓐꓰ ꓗꓳ-ꓣꓲ-ꓬ ꓟꓯꓼ ꓡꓰ ꓢꓷ ꓙ ꓟꓴ ꓙ ꓡꓳ꓿
ꓕꓱ ꓡꓱꓳ ꓫꓵꓽ ꓓꓳꓹ ꓙꓼ ꓢꓷꓸ ꓠꓲꓹ ꓟꓽ ꓚꓰꓼ ꓣꓱꓽ ꓠꓹ ꓟ ꓴꓢꓮ ꓡꓰ 10 ꓘꓳꓼ ꓠꓽ ꓝꓲ ꓔꓸ ꓟ ꓦꓬꓼ ꓠꓬꓲ ꓖꓴ ꓡꓰ ꓟꓶ ꓕꓱꓼ ꓕꓱ ꓡꓱ ꓤꓹ ꓠꓬꓲ ꓩꓴ ꓡ ꓟ ꓥꓳ꓿ ꓗꓴꓷꓼ ꓠꓬꓲꓽ ꓟ ꓢꓷꓸ ꓠꓲꓹ ꓔꓯꓺ ꓡꓯ ꓘꓳ ꓡ ꓓꓴ ꓙ ꓖꓴ ꓝꓰꓸ ꓙꓰ ꓟ ꓥꓳ꓿
“ꓡꓳ ꓪꓴꓸ ꓗꓳ-ꓣꓲꓸ-ꓬꓸ ꓠꓰ ꓘꓶ ꓡꓶꓽ ꓡ ꓓꓴ ꓟ ꓔꓯ ꓗꓽ ꓔꓸ ꓓꓴ ꓙ ꓖꓶ ꓔꓬ ꓥꓳ” ꓐꓰ ꓬꓲ ꓟꓶꓻ ꓗꓳ-ꓣꓲ-ꓬ ꓟꓯꓼ ꓜꓲꓽ ꓕꓲ ꓣꓳ ꓡꓰ ꓐꓯˍ ꓡꓳ꓿
ꓗꓳꓸ ꓗꓷ ꓟ ꓕꓲ ꓫꓵꓽ ꓠꓽ ꓗꓪ ꓡꓳ ꓪꓴꓸ ꓗꓳ-ꓣꓲ-ꓬ ꓗꓴꓷꓼ ꓥ ꓟꓲ ꓕꓱ ꓡꓱꓳ ꓫꓵꓽ ꓓꓳꓹ ꓑꓳ ꓡꓳ ꓐꓶ ꓤꓹ ꓠꓬꓲ ꓗꓷ ꓡꓳ꓿
