ꓮꓳ-ꓢ-ꓢꓴ-ꓚꓰꓽ ꓗꓳ-ꓪꓰꓼ-19 ꓠꓻ ꓔꓬ ꓡꓳ ꓐꓯˍ ꓟ ꓠꓯ-ꓑꓲ-ꓓꓳ ꓗꓪ ꓐꓰ ꓡˍ ꓟ ꓓꓳꓽ ꓔꓯ NP News ꓡꓰ ꓚꓲꓸ ꓚ ꓟꓳꓻ ꓔꓸ ꓡꓳ꓿
ꓬꓲꓸ ꓔꓯ ꓐꓯ ꓟꓴ ꓩꓴ ꓔꓸ ꓟ ꓚꓱꓹ ꓮ ꓟꓬꓹ ꓚꓲꓸ ꓚ ꓓꓴ ꓙꓳ ꓔꓬ ꓢꓰꓽ ꓥ ꓟꓲ꓾ ꓗꓳꓸ ꓗꓷ ꓟ ꓝꓰꓹ ꓔꓸ ꓟ ꓐꓯ ꓟꓴ ꓕꓲꓺ ꓗꓪ ꓟꓽ ꓡ ꓟ (3) ꓧꓪꓹ ꓗꓷ ꓡꓰ ꓟ ꓥ ꓡꓳ꓿
ꓬꓲꓸ ꓐꓰ ꓕꓲ ꓪ ꓔꓬ ꓢꓴ ꓐꓴ ꓗꓳ-ꓪꓰꓼ ꓠꓻ ꓔꓬ ꓠꓬꓲ꓾ ꓬꓲ ꓔꓯ ꓥ ꓟꓲ ꓬꓲꓸ ꓫꓳꓽ ꓔꓬ ꓝꓲˍ ꓡꓳ꓾ ꓐꓰ Popular News Joury ꓗꓪ ꓓꓳꓽ ꓑ ꓙ ꓡ ꓗꓸ ꓠꓯꓸ ꓬꓲꓸ ꓚꓲ ꓛꓬ ꓔꓯ ꓥ ꓟꓲ ꓗꓳ-ꓪꓰꓼ ꓠꓻ ꓜꓳꓻ ꓡꓰꓳ ꓐꓰ ꓓꓳꓽ ꓬꓲꓸ ꓫꓵꓼ ꓓꓳ ꓡ ꓟ ꓥ ꓡꓳ꓿
ꓮꓳ-ꓢꓸ-ꓢꓴ-ꓚꓰꓽ ꓠꓬ ꓮ ꓟꓶ 76 ꓘꓳꓼ ꓙꓳ ꓢꓲ꓾ 150 ꓘꓳꓼ ꓛꓲ ꓐꓱ ꓓꓴꓽ ꓗꓪ ꓡꓴꓽ ꓠ ꓔꓸ ꓟ ꓐꓯ ꓟꓴ ꓚꓱꓹ ꓗꓪ ꓐꓰ ꓟꓬ-ꓟ ꓟꓯꓼ ꓐꓴ ꓡꓰ ꓬꓲꓸ ꓔꓯ ꓐꓯ ꓟꓴ ꓕꓱꓻ ꓔꓬ ꓟ ꓥ ꓡꓳ꓿
