ꓑꓴ-ꓔ-ꓳ ꓡꓲ-ꓢꓴ ꓤ ꓠꓱ 2 ꓣꓳ ꓠꓬ ꓑ-ꓗꓲ-ꓢꓲ-ꓔ ꓗꓴꓷꓼ ꓗꓪ ꓬꓰ ꓔꓳꓼ ꓟ 14 ꓘꓳꓼ ꓠꓯꓸ ꓘꓪ ꓮ-ꓢꓲ-ꓬ Tennis ꓡꓳ ꓖꓪ ꓑꓮꓲ ꓗꓪ ꓔꓯꓺ ꓡꓯ ꓘꓳ ꓓꓴ ꓢꓲꓻ ꓔꓸꓳ ꓐꓰ ꓓꓳꓽ ꓑ ꓙ ꓡ ꓡꓳ꓿
ꓡꓲ-ꓢꓴ ꓤ ꓠꓱ ꓖꓳ 2 ꓣꓳ ꓠꓬ ꓑꓴ-ꓔ-ꓳ ꓟꓵꓽ꓾ ꓟꓶꓸ-ꓚꓳꓸ-ꓪꓽ ꓘꓹ ꓢꓴ ꓥ ꓢꓲ꓾ ꓬꓲꓸ ꓟꓬꓱꓺ ꓠꓬ ꓓ-ꓪꓵ ꓐꓰ꓾ ꓣꓱ-ꓛꓰ-ꓛ ꓟꓬꓱꓺ ꓔꓸ ꓢꓴ ꓥ ꓡꓳ꓿
ꓑꓴ-ꓔ-ꓳ ꓙꓱ ꓦꓲ ꓠꓽ ꓔꓶꓸ ꓗꓪ
ꓬꓲꓸ ꓪ ꓠꓬ ꓗꓳꓸ ꓗꓷ ꓟ 6 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲꓸ Marga Min Tennis Academy ꓗꓪ tennis ꓡꓳ ꓖꓪ ꓚꓱꓹ ꓢꓳ ꓣꓴ ꓖꓳ ꓓꓱꓽ ꓠꓵꓹ ꓔꓬ ꓢꓴ ꓥ ꓡꓳ ꓐꓰ ꓢꓷꓸ ꓪ ꓡꓳ꓿
“ꓕꓱ ꓗꓪ ꓚꓳꓸ ꓬꓲꓸ ꓪꓴꓸ ꓙꓰˍ ꓕꓽ ꓤꓽ ꓤꓹ ꓤꓼ ꓟ ꓠꓽ 6 ꓘꓳꓼ ꓐꓶ꓾ 7 ꓘꓳꓼ ꓛꓲ ꓡꓳꓼˍ ꓫꓵꓽ ꓙꓰ ꓝꓲꓳ ꓫꓵꓽ ꓥ꓿ ꓬꓲꓸ ꓟ ꓐꓴ ꓠꓽ ꓥꓶ ꓫꓵꓹꓳ ꓫꓵꓽ ꓳꓸ ꓡꓲ ꓔꓲꓸ ꓙꓰ ꓝꓲꓳ ꓫꓵꓽ ꓥꓳ꓿ ꓤ ꓟꓶꓼ ꓤꓹ ꓤꓼ ꓟ ꓠꓽ ꓠꓰ 9 ꓘꓳꓼ ꓡꓳꓼ ꓫꓵꓽ ꓙꓰꓳꓹꓳ ꓫꓵꓽ ꓥꓳ꓿” ꓐꓰ ꓕꓱ ꓟ ꓔꓯ ꓝꓸ ꓙ ꓢꓴ꓾ ꓟꓳꓸ ꓜꓲ ꓜꓲ ꓟꓴ ꓟꓴ ꓢꓷꓸ ꓢꓴ ꓟꓸ ꓟ ꓠꓳꓸ-ꓬꓳ-ꓠꓴꓽ ꓡꓰ ꓐꓯˍ ꓡꓳ꓿
