3 ꓢꓶꓽ ꓠꓶꓼ ꓢꓴ ꓟꓯꓼ ꓜꓲꓽ ꓕꓲ ꓣꓳ ꓠꓬ ꓗ-ꓡꓯꓹ꓾ ꓗ-ꓐꓳ꓾ ꓗꓼ-ꓗꓳꓹ ꓟꓵꓽ ꓗꓪ ꓟ ꓑ ꓫꓬ ꓗꓽ ꓙ ꓟꓯꓼ (ꓚꓓꓝ-ꓗꓗꓖ) ꓗꓪ ꓟꓯꓼ ꓶ ꓤ ꓮ ꓙꓵꓽ ꓡꓯꓼ ꓙꓱ ꓢꓲ ꓚꓓꓟ ꓬꓰ ꓡˍ ꓡꓳ ꓐꓰ 2022 ꓘꓳꓼ 1 ꓦ 10 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓯꓼ ꓜꓲꓽ ꓗꓮꓳꓹ-ꓔꓴ-ꓪꓰꓹ
ꓬꓲꓸ ꓠꓬ ꓟꓯꓼ ꓠ ꓐꓼ ꓚꓰꓸ – 55725 ꓟꓯꓼ ꓜꓲꓽ ꓗꓮꓳꓹ-ꓔꓴ-ꓪꓰꓹ ꓥ ꓡꓳ꓿ ꓟꓬ-ꓟ ꓟꓯꓼ ꓜꓲꓽ ꓐꓴ ꓡꓰ ꓟꓬ-ꓟ ꓑ ꓫꓬ ꓔꓯ ꓛꓴꓽ ꓙꓳ ꓢꓴ ꓡꓰ ꓐꓰ ꓢꓰꓼ ꓔꓬ ꓟ ꓔꓯ ꓟꓽ ꓠꓲꓹ ꓒꓴˍ ꓠꓬꓲ꓾ ꓬꓲꓸ ꓪ ꓝꓲꓺ ꓘꓶꓽ ꓔꓯ ꓘꓳ ꓣꓴ ꓠꓲꓹ ꓟꓽ ꓫꓵ ꓟ ꓑꓶꓸ ꓓꓴ ꓕꓱ ꓡꓱ ꓚꓓꓟ ꓬꓰ ꓡˍ ꓟ ꓥ ꓡꓳ꓾ ꓐꓯ ꓡꓳ꓿
ꓚꓓꓝ-ꓗꓗꓖ ꓜꓴ ꓡꓰ ꓬꓲ ꓪ ꓕꓲ ꓦꓲ ꓢꓴ ꓐꓰ꓾ ꓬꓲꓸ ꓔꓯ ꓢꓲ ꓡꓲꓹ ꓟ ꓐꓰ ꓦ ꓡꓱ ꓐꓳ ꓓ_ ꓟ ꓟꓵꓽ ꓗꓪ ꓧꓳꓽ ꓛꓲ ꓬꓰꓳ꓾ ꓟꓽ ꓞꓲ ꓖꓶꓽ ꓙꓲꓽ ꓙꓳˍ ꓟ ꓡꓯꓼ ꓫꓴ ꓥ ꓟꓲ ꓖꓶꓽ ꓔꓸꓳ ꓐꓯ ꓡꓳ꓿
ꓬꓲꓸ ꓚꓰ꓾ ꓚꓓꓝ-ꓗꓗꓖ
