ꓮ-ꓟꓯ-ꓣꓲ-ꓗ ꓗꓴꓷꓼ ꓗꓪ ꓙꓳ ꓟ Rawang Alliance (RA), Kachin Alliance (KA), Lisu National Organization (LNO) ꓜꓴ 3 ꓜꓴ ꓠꓬ 2021 ꓘꓳꓼ 11 ꓦ 20 ꓠꓬꓲ ꓕꓯꓽ ꓔꓮꓫꓮꓢ ꓡꓳ ꓒꓱ ꓗꓪ ꓛꓲꓽ ꓝꓳꓹ ꓜꓲ ꓡꓯ ꓘꓳ ꓢꓲꓸ ꓜꓲ ꓜꓲ ꓑꓰꓹ ꓑꓰꓹ ꓙꓵꓽ ꓪ ꓣꓱꓽ ꓚꓱꓹ ꓮ ꓡꓲꓳ ꓫꓵꓽ ꓔꓯ ꓥ ꓟꓲ ꓒꓳꓹ ꓔꓳꓹ ꓠꓹ ꓟ_ ꓐꓰ꓾ ꓗ-ꓛꓲ ꓟꓵꓽ ꓗꓪ ꓟ ꓞꓳ ꓫꓵꓽ ꓮ ꓙꓵꓽ ꓠꓲꓹ ꓧꓳꓹ ꓢꓲꓽ ꓧꓳꓹ ꓠꓹ ꓟ ꓐꓱ ꓶ ꓖꓪ ꓙꓱ ꓜꓲꓼ ꓡꓯ ꓘꓳ ꓡꓳ=
ꓡꓠꓳ ꓗꓪ ꓐꓰ ꓔꓺ ꓡ ꓢꓴ ꓐꓴ 
ꓖꓪ ꓙꓱ ꓜꓲꓼ ꓓꓴ ꓗꓪ ꓜꓲꓼ ꓛꓲ ꓡ ꓢꓴ ꓐꓴ
ꓖꓪ ꓙꓱ ꓜꓲꓼ ꓡꓯ ꓘꓳ ꓟ ꓗꓪ ꓐꓰ ꓠꓲꓹ ꓧꓳꓹ ꓡꓰ ꓟ (3) ꓘꓶꓽ ꓠꓬ꓾
(1) ꓜꓲ ꓜꓲ ꓑꓰꓹ ꓑꓰꓹ ꓙꓵꓽ ꓪ ꓣꓱꓽ ꓚꓱꓹ ꓔꓯ ꓬꓲꓸ ꓚꓰ ꓒ ꓞꓰꓹ ꓔꓳꓹ ꓡꓯ ꓘꓳ ꓟ ꓪ ꓣꓮꓹ ꓗꓮꓹ ꓡꓠꓳ ꓐꓴ ꓕꓲ ꓠꓲꓹ ꓕꓲ ꓪ ꓢꓯꓼ ꓖꓶ ꓙꓰ ꓠꓹ ꓟ=
(2) ꓜꓲ ꓜꓲ ꓑꓰꓹ ꓑꓰꓹ ꓙꓵꓼ ꓪ ꓣꓱꓽ ꓔꓬ ꓟ ꓟꓯꓼ ꓙꓵꓽ ꓚꓱꓹ ꓬꓲꓸ ꓟꓶꓽ ꓢꓰꓼ ꓡꓰ ꓠꓹ ꓟ ꓠꓲꓹ ꓞ ꓬꓰ ꓠꓯ ꓟ ꓟꓬꓱꓽ ꓐꓰ꓾ ꓮ ꓤ ꓤ ꓬꓰ ꓙꓰ ꓠꓹ ꓟ ꓟꓬꓱꓽ ꓚꓱꓹ ꓙ ꓖꓶ ꓗꓷꓳ=
(3) 2022 ꓗꓮꓚꓧꓲꓠ ꓮꓡꓡꓲꓮꓠꓚꓰ ꓗꓪ ꓣꓮꓹ ꓗꓮꓹ ꓡꓠꓳ ꓜꓴ ꓮ ꓙꓵꓽ ꓕꓲ ꓧꓪꓹ ꓜꓲ ꓡꓯ ꓘꓳ ꓢꓲ꓾ ꓧꓶꓸ ꓕꓯ ꓗꓪ ꓬꓰ ꓠꓹ ꓟ ꓟꓬꓱꓽ ꓚꓱꓹ ꓡꓯ ꓫꓵ ꓖꓪ ꓙꓱ ꓙꓰ ꓠꓹ ꓟ ꓥ ꓡꓳ=
ꓕꓱ ꓕꓲ ꓧꓪꓹ ꓖꓪ ꓙꓱ ꓜꓲꓼ ꓓꓴ ꓠꓬ ꓛꓲꓽ ꓝꓳꓹ (In Person) ꓜꓲ ꓡꓯ ꓘꓳ ꓟ ꓬꓲꓸ ꓪꓴꓸ ꓕꓲ ꓧꓪꓹ ꓥ ꓢꓲ꓾ ꓜꓴ ꓗꓪ ꓧꓳꓽ ꓢꓴ ꓞꓳ ꓪꓴ ꓞꓳ ꓟ ꓐꓴ ꓐꓰ꓾ ꓪꓴ-ꓢ ꓟꓬꓱꓽ ꓗꓪ ꓧꓳꓽ ꓣꓱꓽ ꓔꓬ ꓢꓴ ꓐꓴ ꓮ ꓟꓬꓹ ꓜꓲꓼ ꓛꓲ ꓡ ꓡꓳ=
