2021 ꓘꓳꓼ 11 ꓦ 13 ꓠꓬꓲ ꓟꓶ ꓘꓶꓼ 4 ꓙꓵꓹ ꓕꓯꓽ ꓟꓬ-ꓟ ꓗꓴꓷꓼ 2020 ꓢꓲꓻ ꓣꓴ ꓑꓮꓲ ꓗꓪ ꓐꓰ ꓓꓯꓻ ꓡ ꓟ ꓑ ꓫꓬ ꓝꓲ ꓓꓴ ꓐꓴ ꓬꓲꓸ ꓛꓲ ꓜꓴ (ꓚꓣꓑꓧ) ꓐꓰ꓾ ꓗ-ꓛꓲ ꓟꓵꓽ ꓗꓴꓷꓼ ꓙ ꓖꓴ ꓚꓱꓹ ꓖꓪ ꓙꓱ ꓖꓪ ꓟꓴ ꓙ ꓜꓴ (ꓗꓑꓲꓚꓔ) ꓐꓴ ꓜꓲ ꓡꓯ ꓘꓳ ꓗꓷꓳ ꓐꓰ ꓚꓣꓑꓧ ꓡꓰ ꓐꓯ ꓡꓳ꓿
ꓕꓱ ꓟ ꓠꓬ ꓜꓴ 2 ꓜꓴ ꓙ ꓟꓳ ꓘꓶꓽ ꓕꓳ ꓶ ꓡꓯꓼ ꓓꓴ ꓢꓽ ꓓꓳ ꓗꓸ ꓠꓯꓸ ꓬꓲꓸ ꓪꓴꓸ ꓕꓲ ꓧꓪꓹ ꓜꓲꓼ ꓢꓲ ꓖꓪ ꓙꓱ ꓖꓪ ꓟꓴ ꓡꓯ ꓘꓳ ꓟ ꓥ ꓡꓳ꓿
“ꓟꓵ ꓗꓳ ꓓꓵ ꓓꓵ ꓗꓴꓷꓼ ꓐꓴ ꓔꓯ ꓙ ꓡꓯ ꓘꓳ ꓟ ꓙ ꓖꓴ꓾ ꓟꓯꓼ ꓛꓰꓹ ꓢꓴ ꓐꓴ ꓔꓹ ꓬꓰ ꓙ ꓔꓳꓹ ꓙ ꓟ ꓙ ꓖꓴ ꓐꓰ꓾ ꓒꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓐꓱ ꓶ ꓒꓴ ꓒꓴ ꓡꓯ ꓡꓯ ꓖꓪ ꓙꓱ ꓡꓯ ꓘꓳ ꓡꓳ” ꓐꓰ ꓚꓣꓑꓧ ꓡꓰ ꓓꓳꓽ ꓐꓯ ꓟꓸ ꓖꓶ ꓔ ꓡꓳ꓿
ꓖꓪ ꓙꓱ ꓜꓲꓼ ꓓꓴ ꓗꓪ꓾ ꓚꓣꓑꓧ ꓗꓪ ꓐꓰ ꓢꓽ ꓡ ꓙꓵꓽ ꓮꓳ-ꓚꓰ-ꓠꓬꓴꓼ꓾ ꓟꓬꓱꓽ ꓢꓲꓺ ꓜꓴ ꓓꓵꓽ ꓢꓴ ꓐꓴ ꓥ ꓟ ꓕꓴꓸ-ꓟꓲꓼ꓾ ꓑꓬꓴ-ꓑꓬꓴ-ꓔꓲꓸ꓾ ꓟꓮꓲꓸ-ꓡꓼ-ꓟꓲꓸ-ꓕꓴꓸ ꓐꓴ ꓥ ꓢꓲ꓾ ꓗꓑꓲꓚꓔ ꓗꓪ ꓐꓰ ꓢꓽ ꓡ ꓙꓵꓽ ꓔꓴꓸ-ꓫ꓾ ꓟꓬꓱꓽ ꓢꓲꓺ ꓲ-ꓢ-ꓖꓳꓥ-ꓢ꓾ꓔꓳꓹ ꓙ ꓟꓬꓱ ꓢꓲꓺ ꓘꓴꓸ-ꓮꓳ꓾ ꓟꓯꓼ ꓜꓲꓽ ꓗꓽ ꓖꓪ-ꓟꓳ ꓐꓰ ꓜꓴ ꓗꓪ ꓔꓺ ꓢꓴ ꓐꓴ ꓜꓲꓼ ꓡ ꓡꓳ꓿
