ꓟꓲ ꓠꓯ ꓗꓪ ꓬꓲꓸ ꓪꓴꓸ ꓕꓲ ꓧꓪꓹ ꓓꓳ ꓡ ꓟ ꓛꓱꓺ ꓧꓶ ꓠꓻ ꓗꓽ ꓠꓯ ꓞꓲꓼ ꓬꓲꓸ ꓟꓬꓱꓺ ꓠꓬ Mosquirix ꓥ ꓢꓲ꓾ 4 ꓕꓶꓹ ꓑꓶꓸ ꓝꓸ ꓑꓶꓸ ꓝꓸ ꓗꓯꓸ ꓠ ꓔꓸ ꓟ ꓠꓯ ꓞꓲꓼ ꓕꓲ ꓫꓵꓽ ꓓꓳ ꓡꓻꓳ꓿
ꓠꓯ ꓞꓲꓼ ꓕꓱ ꓡꓱꓳ ꓫꓵꓽ ꓓꓳ ꓡ ꓠꓹ ꓟ ꓚꓰꓼ ꓔꓬ ꓟ ꓠꓬ 1987 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓡꓳ꓿ ꓮ ꓟꓶ 30 ꓘꓳꓼ ꓛꓲ ꓡꓳꓼ ꓡ ꓕꓯ ꓠꓯ ꓞꓲꓼ ꓕꓱ ꓟ ꓔꓯ Glaxo Smith Kline ꓠꓯ ꓞꓲꓼ ꓚꓰꓼ ꓜꓴ ꓗꓪ ꓐꓰ ꓚꓰꓼ ꓓꓳ ꓡ ꓟ ꓥ ꓡꓳ꓿ ꓟꓲ ꓠꓯ ꓖꓳ ꓓꓱ ꓔꓬ ꓢ ꓜꓴ (ꓪꓧꓳ) ꓗꓪ ꓟ ꓙꓵꓽ ꓪ ꓙꓳ ꓢꓴ Tedros ꓡꓰ꓾ “ꓕꓱ ꓟ ꓠꓬ ꓚ ꓟꓲꓽ ꓓꓽ ꓟ ꓕꓲ ꓟ ꓥꓳ” ꓐꓯ ꓡꓳ꓿
2019 ꓘꓳꓼ ꓗꓪ꓾ ꓟ-ꓡ-ꓪꓰ꓾ ꓗꓲ-ꓠꓬꓮ꓾ꓖ- ꓡꓠ ꓗꓴꓷꓼ ꓗꓪ ꓤ ꓠꓱ 8 ꓢꓯꓹ ꓔꓯ ꓠꓯ ꓞꓲꓼ ꓗꓸ ꓤꓹ ꓠꓬꓲ ꓗꓷ ꓟ ꓥꓳ꓿
ꓕꓲ ꓘꓳꓼ ꓡꓲ ꓕꓲ ꓘꓳꓼ ꓕꓲ ꓟꓲ ꓠꓯ ꓗꓪ ꓛꓱ ꓧꓶ ꓠꓻ ꓢꓴ 400 ꓪꓹ ꓙꓳ ꓢꓲ꓾ ꓫꓵꓻ ꓢꓴ 4 ꓢꓯꓹ ꓛꓲ ꓙꓳ ꓔꓬ ꓟ : ꓠꓬꓲ꓾ ꓠꓯ ꓞꓲꓼ ꓕꓱ ꓟ ꓡꓰ ꓚꓬꓴꓹ ꓙ ꓬꓰ ꓙ ꓓꓴ ˍꓒꓬꓱꓼ ꓡ ꓥꓳ ꓐꓰ ꓥꓳ ꓡꓳꓸ ꓔꓬ ꓡꓳ꓿
ꓢꓳꓴꓣꓚꓰꓽ ꓐꓐꓚ
