ꓚꓳꓦꓲꓓ-19 ꓑꓶꓸ ꓓꓴ ꓕꓮꓲ ꓜꓽ ꓓꓴ ꓙꓲ ꓔꓲꓺ ꓮ ꓙꓵꓽ ꓑꓲꓸ ꓦꓹ ꓝꓲ ꓡ ꓠꓰ ꓶ ꓡꓯꓼ ꓚꓱꓹ ꓮ ꓘꓶꓸ ꓞꓳꓸ ꓡꓰꓳ ꓐꓯ ꓢꓲ ꓜꓽ ꓓꓴ ꓙꓲ ꓔꓲꓺ ꓜꓴ ꓡꓰ ꓐꓯ ꓟꓴ ꓩꓴ ꓡ ꓟ ꓔꓯ ꓕꓮꓲ ꓫꓵꓽ ꓘꓶꓽ ꓦꓲ ꓕꓲ ꓟ ꓗꓪ ꓐꓰ ꓠꓬꓲꓸ ꓠꓬꓲ 2021 ꓘꓳꓼ 9 ꓦ 27 ꓠꓬꓲ ꓗꓪ ꓘꓳ ꓣꓴ ꓗꓷꓳ ꓐꓰ Bangkok Post ꓗꓪ ꓐꓳ ꓡ ꓡꓳ꓿
ꓕꓮꓲ ꓐꓼ 50 ꓪꓹ ꓝꓱꓹ ꓡ ꓠꓹ ꓟ ꓐꓯ ꓟꓴ ꓩꓴ ꓡ ꓟ ꓥ ꓢꓲ꓾ ꓐꓯ ꓟꓴ ꓠꓬ ꓕꓮꓲ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓺ꓾ ꓖꓳ ꓓꓱ ꓔꓬ ꓢ ꓚꓱꓹ ꓟꓬꓱꓽ ꓢꓲꓽ ꓒ ꓐꓰ ꓗꓴꓷꓼ ꓠꓯꓸꓼ ꓗꓪ ꓟ ꓗꓪ ꓫꓵꓽ ꓢꓴ ꓢꓲꓽ ꓒ ꓕꓱ (3) ꓣꓳ ꓔꓯ ꓐꓯ ꓟꓴ ꓩꓴ ꓔꓸ ꓟ ꓥ ꓡꓳ꓿
ꓜꓽ ꓓꓴ ꓙꓲ ꓔꓲ ꓮ ꓙꓵꓽ ꓑꓲꓸ ꓔꓸ ꓠ ꓗꓷ ꓡꓰ ꓥ ꓟꓲ ꓮ ꓫꓵꓽ ꓡꓲꓸ ꓙꓲ ꓖꓴ ꓟꓽ ꓙꓳ꓿ ꓚꓳꓦꓲꓓ-19 ꓠꓻ ꓢꓴ ꓚꓵꓻ ꓢꓴ ꓖꓶ ꓖꓶ ꓟꓽ ꓞꓰ ꓬꓰꓮ꓿ ꓚꓳꓦꓲꓓ-19 ꓠꓻ ꓗꓽ ꓠꓯ ꓞꓲꓼ ꓖꓶ ꓠꓲꓹ ꓞ ꓧꓪ ꓕꓴꓸ ꓖꓶꓽ ꓟꓽ ꓐ ꓡ꓾ ꓥꓪ ꓠꓴ ꓜꓽ ꓫꓵ ꓜ ꓙꓰ ꓪꓴꓽ ꓔꓬ ꓢꓴ ꓔꓯ ꓟꓽ ꓞꓳꓸ ꓞꓳꓸ ꓡꓰ ꓠ ꓬꓰ ꓖꓴꓼ ꓡ ꓥ ꓐꓰ ꓗꓳꓹ ꓕꓳ ꓶ ꓗꓪ ꓐꓳ ꓔ ꓡꓳ꓿
