ꓟꓬ-ꓟ ꓑ ꓫꓬ ꓐꓴ ꓟꓯꓼ ꓙꓵꓽ ꓚꓱꓹ ꓔꓯ ꓒꓳꓹ ꓔꓳꓹ ꓪꓴꓸ ꓔꓴˍ ꓟ 8888 ꓒꓳꓹ ꓔꓳꓹ ꓦꓬꓼ ꓠꓬꓲ ꓚꓲꓸ ꓟꓶ ꓓꓴ ꓔꓯ ꓬꓥ-ꓖꓳꓥ ꓗꓪ ꓟꓲꓸ ꓟꓲ ꓬꓰ ꓔꓬ ꓟ ꓐꓬꓱꓽ ꓓꓳ ꓡ ꓡꓳ꓿
ꓬꓥ-ꓖꓑꓥ ꓗꓪ ꓟꓯꓼ ꓐꓴ ꓮ ꓗꓪ ꓛꓲ ꓛꓲ ꓡꓳꓸ ꓗꓽ ꓔꓬ ꓟ ꓗꓪ ꓕꓱ ꓡꓱ ꓒꓳꓹ ꓔꓲꓹ ꓩꓴ ꓡ ꓟ ꓥ ꓡꓳ꓿
ꓟꓬ-ꓟ ꓗꓴꓷꓼ ꓙꓵꓽ ꓪ ꓚꓺ ꓟꓲꓽ ꓗꓪ꓾ 1948-1962 ꓘꓳꓼ ꓗꓪ ꓛꓲ 14 ꓘꓳꓼ ꓠꓬ ꓑ ꓫꓬ ꓙꓵꓽ ꓪ ꓙꓳˍ ꓟ ꓦꓬꓼ ꓠꓬꓲ ꓥ ꓡꓳ꓿ ꓖꓳ ꓗꓸ ꓠꓯꓸ 1962 ꓘꓳꓼ ꓕ ꓑꓳꓸ ꓟꓯꓼ ꓡꓰ ꓕꓲꓽ ꓝꓸ ꓕꓲ ꓝꓸ ꓙꓵꓽ ꓩꓴ ꓡ ꓟ ꓥ ꓡꓳ꓿ 1988 ꓘꓳꓼ 8 ꓦ 8 ꓠꓬꓲ (8 ꓡꓲꓸ ꓢꓶꓽ ꓒꓳꓹ ꓔꓳꓹ ꓟ) ꓗꓪ ꓠꓬ ꓟꓯꓼ ꓡꓰ ꓗꓪꓼ ꓔꓬ ꓟ ꓟꓼ-ꓢꓼ-ꓡꓼ ꓑ-ꓔꓲ ꓙꓵꓽˍ ꓟ ꓔꓯ ꓑ ꓫꓬ ꓐꓴ ꓒꓳꓹ ꓔꓳꓹ ꓩꓴ ꓡ ꓟ ꓥ ꓡꓳ꓿ ꓑ ꓫꓬ ꓮ ꓟꓬꓹ ꓢꓯꓼ ꓟꓬ ꓟꓶꓽ ꓬꓰ ꓟ ꓥ ꓡꓳ꓿
2010-2020 ꓗꓪ ꓛꓲ 10 ꓘꓳꓼ ꓠꓬ ꓑ ꓫꓬ ꓙꓵꓽ ꓪ ꓕꓲꓽ ꓐꓶꓽ ꓤꓼ ꓡꓲꓸ ꓪˍ ꓟ ꓦꓬꓼ ꓠꓬꓲ ꓥ ꓡꓳ꓿ 2021 ꓘꓳꓼ 2 ꓦ 1 ꓠꓬꓲ ꓗꓪ ꓠꓬ ꓑ ꓫꓬ ꓙꓵꓽ ꓪ ꓮ ꓙꓵꓽ ꓟꓯꓼ ꓡꓰ ꓣꓴ ꓔꓯꓹ ꓙꓰ ꓟ ꓮ ꓟꓶ ꓗꓪ ꓛꓲ ꓥ ꓡꓳ꓿
ꓐꓬꓱꓽ꓾ ꓚꓙ
