2020 ꓘꓳ; 11ꓦ 8 ꓠꓬꓲ ꓗꓪ ꓘꓳ-ꓡ-ꓒꓶ ꓡꓳ ꓒꓱ ꓗꓪ ꓐꓰ ပြည်နယ်လွတ်တော်ကိုယ်စားလှယ် ꓠꓬꓲ ꓖꓴ ꓗꓪ ꓟꓯ, ꓢꓲ ꓧꓪ. ꓡꓰ ꓢꓴ ꓛꓬ, ꓑ-ꓔꓲ ꓗꓪ ꓟ ꓢꓲ-ꓒ: ꓫꓱ-ꓡꓰ ꓔꓯ (ꓠꓡꓓ) ꓠꓬ, ꓓꓳ; ꓑ ꓔꓲ ꓗꓪ ꓟ ꓴ-ꓓꓶ-ꓣꓮꓟ (ꓢꓲ-ꓓꓰ-ꓢ) ꓡꓰ ꓗꓳ, ꓔ ꓟ ꓙꓳ ꓡꓳ= ꓗꓳ, ꓔ ꓟ ꓬꓲ. ꓚꓱ, ꓠꓬ ꓢꓲ: ꓒ:꓾ꓫꓱ-ꓡꓰ ꓠꓬ ꓬꓲ. ꓐꓰ ꓔꓯ ꓡꓯ ꓘꓳ ꓟ ꓕꓲ: ꓣꓳ ꓔꓯ ꓟꓯ, ꓒꓬ: 1588 ꓒꓬ: ꓗꓪ ꓐꓰ ꓑꓲ-ꓠꓯ ꓡꓴ. ꓔꓳ ꓠꓬꓲ ꓖꓴ ꓗꓪ ꓧꓪ. ꓡꓰ ꓐꓰ ꓡꓳ ꓟꓲ: ꓟꓵ: ꓟꓯ, ꓢꓲ ꓗꓳ-ꓟꓲ-ꓔꓲ ꓜꓴ ꓗꓪ ꓐꓰ ꓐꓯ ꓑꓶ ꓔ ꓟꓲ ꓘꓳ-ꓡ-ꓒꓶ ꓟꓵ: ꓟꓯ, ꓦꓲ ꓠ ꓐ; 25 ꓫꓵ-ꓡ-ꓓ ꓘ, ꓗꓪ ꓟ ꓞꓳ ꓤ ꓐꓴ ꓠꓬ ꓕꓲ: ꓣꓳ ꓕꓲ: ꓧꓪ, ꓟ: ꓞꓲ ꓟꓯ, ꓗꓶ ꓟ ꓑꓶ. ꓓꓴ ꓧꓪ. ꓡꓰ ꓟ ꓥ ꓐꓰ ꓗꓳ, ꓔ ꓡꓳ=
ꓫꓵ-ꓡ-ꓓ ꓘ, ꓟꓯ, ꓦꓲ ꓠ ꓐ; 25 ꓗꓪ ꓟꓯ, ꓗꓶ ꓢꓴ 100 ꓣꓳ ꓟ: ꓞꓲ ꓡꓰ ꓙꓳ ꓡꓳ =ꓖꓳ ꓡꓱ ꓥ ꓟꓲ ꓟꓯ, ꓒꓬ: ꓠꓬ 344 ꓟꓯ, ꓙꓳ ꓡꓳ= ꓖꓳ ꓟ ꓠꓯ.; ꓗꓪ ꓢꓲ: ꓒ: ꓫꓱ-ꓡꓰ ꓧꓪ. ꓡꓰ ꓟ ꓟꓯ, ꓒꓬ: ꓠꓬ 290 ꓟꓯ, ꓟꓶ ꓡꓰ ꓟ ꓥꓳ= ꓖꓳ ꓡꓱ ꓐꓰ ꓟ: ꓔꓱ, ꓟ ꓐꓰ ꓗ ꓫꓵ: ꓟ: ꓙꓳ ꓚꓱ, ꓾ ꓠꓲ, ꓖꓳ; ꓠꓲ, ꓧꓶ. ꓟ ꓚꓱ, ꓗꓪ ꓐꓰ ꓟꓯ, ꓧꓪ ꓡꓰ ꓡꓳ ꓐꓰ ꓐꓯ ꓢꓲ တိုင်းဒေသကြီး သို့မဟုတ်ပြည်နယ် လွတ်တော်ရွှေးကောက်ပွဲ ဥပဒေ ပုဒ်မ ၆၇၊ ၆၈ နှင့် နည်းဥပဒေ-၈၇ ꓗꓪ ꓐꓰ ꓗꓳ, ꓔ ꓟ ꓥ ꓡꓳ= ꓖꓳ ꓡꓱ ꓢꓲ ꓗꓳ, ꓔ ꓟ ꓔꓯ ꓒꓶ ꓫꓬ: ꓡꓯ ꓘꓳ ꓠ, ꓟ ꓠꓬ 9.2.2021 ꓠꓬꓲ ꓠꓯ; ꓠꓯ; 10:00ꓮꓟ ꓗꓪ ꓒꓶ ꓫꓬ, ꓘꓶ: ꓖꓶ: ꓡ ꓠ, ꓟ ꓕꓵ; ꓪ ꓖꓶ: ꓔ ꓡꓳ= ꓫꓵ: ꓪꓴ ꓕꓱ ꓟ ꓔꓯ ꓒꓶ ꓫꓬ: ꓬꓰ ꓠ, ꓟ ꓠꓬꓲ ꓖꓴ ꓠꓬ ꓡꓳ: ꓟꓲ:ꓟ ꓟꓵ: ꓡꓳ ꓒꓱ ꓓ: ꓟ ꓥ ꓟ (Nay Pyin Taw ) ꓗꓪ ꓥ ꓡꓳ= ꓢꓲ: ꓒ: ꓫꓱ-ꓡꓰ ꓠꓬ ꓠꓯ-ꓑꓲ-ꓔꓳ ꓟꓵ: ရွှေးကောက်ပွဲခုံအဖွဲ့ ꓜꓴ ꓔꓬ ꓗꓪ ꓙꓰ ꓢꓲ ꓬꓲ. ꓪ ꓡꓰ ꓗꓳ, ꓔ ꓟ ꓔꓯ ꓒꓶ ꓫꓬ: ꓘꓶ: ꓖꓶ: ꓬꓰ ꓠ ꓗ ꓡꓳ=
“ꓡꓯ; ꓟ ꓘꓳ; -ꓠꓬ ꓛꓲ ꓟ ꓠ꓾ “ꓐꓯ ꓟ ꓮ ꓟꓶ ꓥꓳ= ꓡꓲ-ꓢꓴ ꓢꓲ: ꓒ: ꓐꓱ ꓶ ꓣꓳ ꓮ ꓙꓵ: ꓢꓴ ꓪ ꓘꓴ ꓙ ꓓꓴ ꓬꓰ ꓡꓯ=
ꓠꓯ.; ꓘꓪ ꓕꓳ ꓶ ꓔꓯ ꓬꓲ. ꓜꓲ ꓵ ꓠꓬꓲ=
