2022 ꓘꓳꓼ 3 ꓦ 21 ꓠꓬ꓾ China Eastern ꓙꓱ ꓦꓲ ꓚꓱꓹ ꓗꓴ-ꓟꓰꓹ ꓗꓪ ꓐꓰ ꓗꓪ-ꓙꓴꓸ ꓗꓪ ꓙꓰ ꓔꓬ ꓟ꓾ ꓡ ꓞꓳ 132 ꓣꓳ ꓜꓶꓽ ꓡ ꓟ ꓙꓱ ꓦꓲ ꓕꓲ ꓦꓲ ꓞꓰ ꓬꓰꓳ ꓐꓰ ꓧꓶꓽ ꓒꓽ ꓙꓱ ꓦꓲ ꓚꓱꓹ ꓗꓪꓼ ꓢꓴ ꓐꓴ ꓡꓰ ꓐꓯˍ ꓡꓳ꓿
ꓙꓱ ꓦꓲ ꓕꓱ ꓟ ꓠꓬ Boeing 737 800ꓠꓖ ꓙꓱ ꓦꓲ ꓓꓽ ꓟ ꓥ ꓢꓲ꓾ ꓟꓵꓽ ꓪꓴꓽ ꓮ ꓟꓴꓹ ꓟꓴ 30000 ꓑꓯꓸ ꓗꓪ꓾ ꓠ ꓡꓲ ꓕꓲ ꓙꓵꓹ ꓟꓲꓺ 523 ꓕꓶꓹ ꓬꓲꓸ ꓙꓶ ꓡꓰꓽ ꓙꓱ ꓔꓬ ꓕꓯꓽ꓾ ꓟꓳꓼ ꓡꓳ 2:22 ꓙꓵꓹ ꓕꓯꓽ ꓞꓰ ꓬꓰꓳ ꓐꓯ ꓡꓳ꓿
ꓙꓱ ꓦꓲ ꓞꓰ ꓬꓰ ꓕꓲ ꓟꓵꓽ ꓡꓲ ꓛꓲ ꓗꓪ ꓮ ꓔꓳꓸ ꓟꓴꓽ ꓘꓴ ꓕꓴꓽ ꓕꓴꓽ ꓙꓬ ꓓꓳꓼ ꓔꓬ ꓟ ꓔꓯ ꓐꓬꓱꓽ ꓢꓯꓸ ꓓꓱꓽ ꓪ ꓢꓴ ꓙꓳ ꓢꓲ꓾ ꓙꓱ ꓦꓲ ꓕꓱ ꓟ ꓮ ꓫꓵ ꓑꓶꓸ ꓓꓴ ꓞꓰ ꓡꓰ ꓟ ꓔꓯ ꓟꓳꓸ ꓚꓲꓸ ꓚ ꓠꓹ ꓟ ꓧꓶꓽ ꓗꓴꓷꓼ ꓙꓵꓽ ꓢꓴ ꓫꓲ-ꓚꓲꓸ-ꓒꓲꓽ ꓡꓰ ꓕꓵꓼ ꓪ ꓐꓯ ꓩꓴ ꓡ ꓡꓳ꓿
ꓓꓳꓽ ꓕꓱ ꓟ ꓐꓳ ꓔꓬ ꓕꓲ ꓙꓵꓹ ꓗꓪ ꓛꓲ ꓫꓵꓻ ꓢꓴ/ꓢꓯꓸ ꓢꓴ ꓮ ꓡꓲ ꓙꓳˍ ꓟ ꓓꓳꓽ ꓜꓲ ꓜꓲ ꓟꓴ ꓟꓴ ꓟꓽ ꓓꓳ ꓡ ꓢꓰꓽ꓿
ꓬꓲ ꓚꓰ꓾ ꓲꓠꓢꓲꓓꓰꓣ
